Yeshaya 11:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Lutonga nelutoloke ku tshikuku tshia Yishai, ne ditamba dia ku miji yandi nedikuame mamuma.

MUKANDA WA MYIDI MUKULU

¹ Lutonga ludi lupatuka ku tshikuku tshia Ishayi. Ditamba dipiadipia didi dimena ku miji yende.

Yeshaya 11:1 Eitobir Enkop

Yirmeya 23:5

Yehowa udi wamba ne, Monai, mu matuku atshidi alua, nensampishile Davidi Lutonga luakane; yeye neakokeshe bu mukelenge, nealeshe bakuabo meji makane, neajadike kulumbulula kuimpe ne buakane mu buloba.

Didimanyisha 22:16

Meme Yesu nakutuma muanjelo wanyi bua kunumanyisha malu â bua bualu bua ekelesia. Ndi muji ne kankanunuina bia Davidi, mutoto udi ukenka, wa nkesha.

Zekâya 6:12

Umuambile ne, Yehowa wa misumba udi wamba dî edi ne, Monai, muntu udi ne dina dia Lutonga; neadiunde mu muaba wandi, nease ntempelo wa Yehowa.

Didimanyisha 5:5

Ne umue wa bakulu udi ungambila ne, Kudidi nasha; tangila, Nyama wa Ntambue udi wa mu tshisamba tshia Yuda, Muji wa Davidi, wakatamba bukole bua kubululeye mukanda ne bimanyishilu biau muanda mutekete.

Zekâya 3:8

Nunku, unvuai, wewe Yoshua muakuidi munene, wewe ne balunda bebe badi bashikame ku mpala kuebe; bualu bua badi tshimanyinu tshia malu mimpe alualua ku mpala; bualu bua nendue ne muntu wanyi Lutonga.

Yirmeya 33:15

Mu matuku au ne mu tshikondo atshi nemmeneshile Davidi Lutonga lua buakane, yeye neajadike kulumbulula kuimpe ne buakane mu buloba.

Yeshaya 53:2

Bualu bua yeye wakakola ku mpala kua Yehowa bu mutshi utshidi lutende, ne bu muji udi uhatuka mu buloba bûme. Kakadi ne tshifuanyikishi anyi bulengele bua tuetu kumutangila, anyi buimpe bua mpala bua tuetu kumunanga.

Yeshaya 9:7

Kukudisha kua bukokeshi buandi ne kua ditalala kakuena kuikala ne nshikidilu, bua kujadika nkuasa wa bukokeshi wa Davidi, ne bukelenge buandi, ne bua kubukolesha ku kulumbulula kuakane ne ku buakane, mpindiu tô ne tshiendelele. Lukunukunu lua Yehowa wa misumba neluenze bualu ebu.

Rome 15:12

Yeshaya udi wamba kabidi ne, Muji wa Yishai newikaleku, Ne udi ubika bua kukokesha bisamba bia bende neikaleku, Bisamba bia bende nebimutekemene.

Yeshaya 4:2

Mu dituku adi lutonga lua Yehowa neluikale lulengele ne lua butumbi, ne mamuma adi buloba bumenesha neikale mimpe ne bu tshilenge kudi ba mu Isalele batshidi bashala ne muoyo.

Yeshaya 11:10

Hashishe mu dituku adi Lutonga lua ku miji ya Yishai neluimane bialu bu dibendela dia kusangishaku bisamba bia bantu. Ba mu bisamba ebi nebaye kudiye bua kumulomba lungenyi, ne muaba udiye mushikame newikale wa butumbi.

1 Samuele 17:58

Shaula wakamukonka ne, Wewe nsongalume, udi muana wa nganyi? Davidi wakamukudimuna ne, Ndi muana wa muntu webe Yishai, Muena Beteleheme.

Rute 4:17

Bakashi, bena mutumba nʼandi, bakamuidika dina, bamba ne, Bakalelela Naomi muana, bakamuidika dina ne, Obeda, nyeye udi tatu wa Yishai, tatu wa Davidi.

Matayi 1:1

Mukanda wa bankambua ba Yesu Kilisto, muana wa Bayidi, muana wa Abalahama.

Ebrewu 7:14

Bualu budi bumanyishibua ne, Mukelenge wetu wakuledibua mu tshisamba tshia Yuda, tshisamba tshivua Mose kai muambile bua bakuidi.

2 Samuele 23:3

Nzambi wa Isalele wakamba, dibue dia Isalele diakangambila ne, Udi ukokesha bantu ne buimpe, udi ukokesha mu ditshina dia Nzambi,

Yeshaya 6:13

Biashalamu tshia dikumi, tshiotshi netshioshibue mu kahia tshiakabidi, bu mudi mutshi wa telebinta anyi mutshi wa chêne ishiya bikuka hayitahabo hanshi. Tunkanunuina tua tshijila netuikale tshikuka tshia bantu aba.

Yeshaya 9:6

Bualu bua bakungelela muana, bakutuha muana mulume; bukokeshi nebuikale ha diaha diandi. Nebamuidike dina ne, Mubakemeshi, Muena Meji, Nzambi Mukole, Tatu wa Tshiendelele, Mukelenge wa Ditalala.

Yezekiyele 37:25

Nebashikame mu buloba bunakahesha Yakoba, muntu wanyi, muakashikamabo kudi batatu benu; bobo ne bana bakalelabo ne bikulu babo, nebashikamemu tô ne tshiendelele; ne Davidi, muntu wanyi, neikale mukokeshi wabo kashidi.

Mika 5:2

Kadi wewe, Betelehema Efelata, udi mukese munkatshi mua biota bia Yuda, mukuabo nealuhuke munda muebe bua bualu buanyi, bua kuikala mukokeshi wa Bena Isalele; tshibangidilu tshiandi tshidi tshia kale kale, tshia ku ntuadishila mene

1 Kulondolola 2:12

Boaza wakalela Obeda, ne Obeda wakalela Yishai;

Misambu 145:11

Nebambilangane bua butumbi bua bukelenge buebe, nebakulangane bua bukole buebe,

Yezekiyele 17:22

Mukelenge Yehowa udi wamba ne, Meme kabidi nengangate lusongo lua mutshi wa cèdre, nendushimike hanshi; nengahule ditamba ditekete didi ku mutu kualu, nendikune ha mutu ha mukuna mule munangahale.