Osheya 8:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Teka mpungi ku mishiku yebe! Muena lukuna neadiele ku nsubu wa Yehowa bu nyunyu wa mukanku, bualu bua bakushiha tshihungidi tshianyi, bakusambuka mikenji yanyi.

MUKANDA WA MYIDI MUKULU

¹ Maweja-Nangila udi ungambila ne: Ela mpungi ya myita! Ela bibingu! Baluishi badi babuela mu ditunga dia Maweja-Nangila, bu nyunyi ya tshiminyi. Bualu Maweja-Nangila udi wamba ne: “Bena Izrayele mbanyange ndondu umvua mutue nabu. Kabena balonda mikenji yanyi.

Osheya 8:1 Eitobir Enkop

Osheya 6:7

Kadi bobo bakashiha tshihungidi tshianyi bu muakenza Adama; bakantungila tshitungu musangu au.

Dielulula 28:49

Yehowa neanutumme tshisamba tshia kule kuakua ku ditunga dikuabo bu nyunyu wa mukanku; kanuena bamanye muaku wa tshisamba atshi;

Osheya 5:8

Elai lusengu mu Gibea, ne mpungi mu Lama! Elai mbila ku Bete-awena; Bena Benyamina, tulonde ku nyima kuabo!

Yirmeya 4:13

Monai! Yeye udi ubandaku bu mudi matutu abanda, makalu andi a nvita nende lubilu bu nvunde; tubalu tuandi tudi tuhita nyunyu ya mikanku lubilu. Mulau udi utukuata! Bualu bua tuakubutuka.

Abakuke 1:8

Tubalu tuabo tudi tuhita nyama ya nkashama lubilu, tudi ne luonji luhite lua bimungu bidi bimueneka bufuku; bena tubalu babo badi benda ne didisua; e, bena tubalu babo badi bafuma kule; badi baya lubilu bu mudi nyunyu wa mukanku wauka ha tshintu bua kutshidieye.

1 Korente 15:52

mu diba dikese, mu kuvinya kua disu, helabo mpungi wa kunshikidilu; bualu bua nebele mpungi ne bantu bafue nebabike ne mibidi idi kayi mibole, ne tuetu netuandamuke.

Matayi 24:28

Bikololo bitu biadisangisha hadi tshintu tshibole.

Zekâya 11:1

Lebanona, unzulule bibi biebe, bua kahia kashidishe mitshi yebe ya cèdre!

Zekâya 9:14

Yehowa neamueneke ha mutu habo, mukete wandi neuhatuke bu muele wa nvula. Mukelenge Yehowa nêle mpungi, neaye biandi mu nvunde ya ku luseke lua sude.

Sefanya 1:16

ndituku dia kuela kua mpungi ne kua mbila ya nvita bua kuluisha bena misoko mikoleshibue ne ngumbu ya nvita, ne bua kubumbula bibumba bia ku matumba a ngumbu.

Amosa 9:1

Nakatangila Yehowa muimane ha buihi ne tshioshelu; yeye wakamba ne, Kuma ku mitu ya makunshi a ku bibuelelu bia nsubu bua azakale; wâtshibule bituha ha mitu ha bantu bonso; nenshihe bakuabo badi bashala ne muoyo ku muele wa nvita, kakuena umue wabo wanyema, kakuena umue wabo wahanduka.

Amosa 8:3

Mukelenge Yehowa udi wamba ne, Misambu ya mu nsubu wa mukelenge neyandamuke miadi dituku adi. Bitalu bia bafue nebikale bia bungi; nebabimashe mu miaba yonso, bahuwe talalâ.

Amosa 3:6

Bielabo mpungi wa nvita mu musoko, bena musoko kabena bakuatshika buowa, anyi? Bualu bubi budi bukuata musoko, bikala Yehowa kayi mubutume, anyi?

Yowele 2:1

Elai mpungi mu Siona, elai mbila mu mukuna wanyi wa tshijila! Bena buloba ebu bonso bazakale; bualu bua dituku dia Yehowa didi diamba kulua, didi ha buihi!

Osheya 9:15

Bubi buabo buonso budi mu Gilegala, mu muaba au nakabakina. Bua malu mabi abo nembihate mu nsubu muanyi; tshiena mbananga kabidi; bakokeshi babo bonso badi bantombokedi.

Osheya 4:6

Bantu banyi badi babutudibua bualu bua kabena ne lungenyi; bualu bua wewe wakubenga lungenyi, nenkubenge kabidi, bua wewe kuikadi muakuidi wanyi. Bualu bua wakuhua mikenji ya Nzambi webe muoyo, meme kabidi nempue bana bebe muoyo.

Yezekiyele 16:59

Bualu bua Mukelenge Yehowa udi wamba ne, Nenkuenzele bu mudi malu awakuenza, wewe wakuhetula mutshihu webe hawakushiha tshihungidi tshietu.

Yezekiyele 7:14

Bakuela mpungi, bakulongolola malu onso; kadi kakuena muntu udi uya ku nvita; bualu bua tshiji tshianyi tshikole tshidi tshihona hamʼbidi ha tshisumbu tshiabo tshionso.

Yirmeya 51:27

Bishai dibendela mu buloba, elai mpungi munkatshi mua bisamba bia bantu, nulongolole bisamba ebi bua kuyabi kuluangana nʼandi nvita, nubikile ba mu makelenge a Alalata ne Mini ne Ashekenaza bua kuluangana nʼandi; nusungule kapitene kanene bua kuluangana nʼandi, nutume tubalu tua nvita bu bungi bua mikumbi idi ibisha masala.

Yirmeya 48:40

Bualu bua Yehowa udi wamba ne, Monai, muena lukuna neahahale mulu bu nyunyu wa mukanku, neolole mahuahua andi bua kuluisha Bena Moaba.

Yirmeya 31:32

Yehowa udi wamba ne, Katshiena tshikala bu tshihungidi tshinakahunga ne batatu babo mu dituku diakabakuata ku tshianza bua kuluhuka nʼabo mu buloba bua Ejipitu; bualu bua bakashiha tshihungidi tshianyi, ne meme nakadi mukelenge wa ha mutu habo.

Yirmeya 6:1

Nuenu, hana ba Benyamina, nyemai bua kudihandisha, numuke mu Yelushalema, elai mpungi mu Tekoa, ne bandishai tshimuenu ha mutu ha Bete-hakeleme; bualu bua makenga mafume ku luseke lua node adi amha kunukuata, ne kubutuka kunene.

Yirmeya 4:5

Umanyishe ba mu Yuda ne wele dî edi mu Yelushalema, ubambile ne, Elai mpungi ha buloba; bandisha mei ebe, ubambile ne, Nudisangishe hohamue, tubuele bietu mu misoko idi ne ngumbu.

Yeshaya 58:1

Bandisha dî diebe bikole, kudikandi nansha, bandisha dî diebe bu dî dia mpungi, manyisha bantu banyi kushiha kuabo kua mikenji ne bana ba Yakoba mihi yabo.

Yeshaya 24:5

Buloba buakunyanguka bualu bua malu mabi a badi bashikamehu; bualu bua bakusambuka mei a Nzambi, bakuhetula mikenji yandi, bakuhidia kutumikila tshihungidi tshia tshiendelele.

Yeshaya 18:3

Nuenu bonso ba ha buloba bua bukua bantu, ne nuenu badi bashikame ha buloba, habandishabo dibendela ha mutu ha mukuna, tangilai! Helabo mpungi, unvuai bienu!

2 Bakalenga 18:27

Kadi Labashake wakabambila ne, Mukelenge wanyi wakuntuma anu kudi mukelenge wenu ne kunudi kabidi bua kunuambila mei au nkayenu? Yeye kakuntuma kudi bantu badi bashikame ha mutu ha lumbu, bua bobo hadie tunvi tuabo, banue menyi abo diatshimue nʼenu, anyi?

Yowele 2:15

Elai mpungi mu Siona, jidilai tshikondo tshia kujila bia kudia, kunguishai disangisha dia tshijila;

Yirmeya 34:18

Ndi ngamba bua bantu bakushiha tshihungidi tshianyi, badi kabayi benze bu muakambabo mu tshihungidi atshi tshiakahungabo ku mpala kuanyi, hakahandabo muana wa ngombe nseke ibidi ne hakahitshilabo munkatshi mua nseke ei;

Yirmeya 49:22

Monai, yeye neabuke kulu, neahahale bu nyunyu wa mukanku, neolole mahuahua andi bua kuluisha ba mu Bosela; mitshima ya bena nvita ba mu Edome mu dituku adi neyikale bu mutshima wa mukashi mu didinyenga diandi dia ha kulela.

Yezekiyele 17:3

ubambile ne, Mukelenge Yehowa udi wamba ne, Nyunyu munene wa mukanku, wakadi ne mahuahua manene, mahuahua male mene, muase masala a bungi akadi ne mibidi ya mishindu mishilangane, wakalua ku Lebanona; wakangata ditamba dia ku lusongo lua mutshi wa cêdre;

Yezekiyele 11:4

Nunku ubambile mei a kubahisha nʼau, ubambile mei a, muana wa muntu.