Osheya 7:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Bantu ba bende badi badia bukole buabo, ne bobo kabena bamanye bualu ebu; nsuki mitoke tô idi ku mitu yabo, ne bobo kabena bamanye muanda eu.

MUKANDA WA MYIDI MUKULU

⁹ Bantu benyi mbamane kubanyenga bukole. Kadi bena Efrayime kabena bamanya nanku to. Bena Efrayime bakadi ne nsuki mitoke, kabayi bamona bu bualu.

Osheya 7:9 Eitobir Enkop

Osheya 8:7

Bua bobo badi bakuna luhehele, nebahuole nvunde; kakuena kuikala lukolakola lua manvua; lutonga kaluena lukuama tshintu; biakuamalu, bantu ba bende nebadie maminu alu.

Yeshaya 1:7

Buloba buenu budi bubutuka, misoko yenu idi mioshibue ne kahia; bantu ba bende badi badia bintu bia mu buloba buenu ku mesu kuenu mene, ne budi bubutuka bu mudibo bahaula musoko kudi bantu ba bende.

Nsumuinu 23:35

Newambe ne, Bakunkuma, kadi tshiakunvua dikenga; bakukuta, kadi tshiakumanya bualu. Nenubale diba kai? Nempingane bua kuakeba kabidi.

2 Bakalenga 13:22

Hazaele, mukelenge wa Sulia, wakakengesha Bena Isalele matuku onso a Yehoaza.

Yeshaya 57:1

Muntu muakane udi ufua, kakuena muntu udi uteka bualu ebu mu mutshima wandi; bantu badi banemeka Nzambi badi bumushibua, kakuena muntu udi wela meji a muanda eu. Bualu bua muntu muakane udi umushibua ku malu mabi,

2 Bakalenga 15:19

Pula, mukelenge wa Ashû, wakalua bua kuhaula buloba. Menahema wakaha Pula ntalanta ya argent tshinunu, bua yeye amukuatshishe bua kujadikeye bukelenge mu tshianza tshiandi.

Yeshaya 48:8

Bushuwa, wewe kuena munvue, kuena mumanye malu â, ne tô ne ku mpindiu matshu ebe kakanza kujikuka. Bualu bua nakamanya ne wewe udi utamba kuikala muena bunsonge, ne wakamanyibua bu muntombokedi katshia bakulela.

Osheya 4:6

Bantu banyi badi babutudibua bualu bua kabena ne lungenyi; bualu bua wewe wakubenga lungenyi, nenkubenge kabidi, bua wewe kuikadi muakuidi wanyi. Bualu bua wakuhua mikenji ya Nzambi webe muoyo, meme kabidi nempue bana bebe muoyo.