Osheya 5:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Dihetu dia Bena Isalele didi dibahisha ku mesu kuabo, Bena Efelayima nebalenduke mu bubi buabo; Bena Yuda nebalenduke nʼabo.

MUKANDA WA MYIDI MUKULU

⁵ Ditambisha dia bena Izrayele ke didi dibapisha. Bubi bua bena Efrayime ne bena Izrayele budi bubabutula. Bena Yuda badi balonda bibidilu biabu bibi.

Osheya 5:5 Eitobir Enkop

Osheya 7:10

Dihetu dia Bena Isalele didi dibahisha, kadi kabena bahingana kudi Yehowa Nzambi wabo; kabena bamukeba, nansha malu â onso mikale nunku.

Amosa 5:2

Muana mukashi utshidi kamama, Isalele mene, udi muhone hanshi; kena ujuka kabidi kashidi; bakamuela hanshi; kakuena muntu wa kumujula kabidi.

Luke 19:22

Wakamuambila ne, Wewe udi muhika mubi, nenkuleshe bua mei akuhatuka mukana muebe. Wewe wakamanya ne, Meme ndi muena tshinyangu, ntu ngambula tshindi tshi muteke, ntu ngahuola tshindi tshi mukune;

Matayi 23:31

Nudi nudituisha ne, Tudi bana ba bashihi ba baprofete.

Osheya 14:1

Nuenu, Bena Isalele, hinganai kudi Yehowa Nzambi wenu, bualu bua nuakudishinda hanshi bua mibi yenu.

Osheya 8:14

Bua Bena Isalele bakuhua Mufuki wabo muoyo, bakuasa nsubu minene ya bakelenge; Bena Yuda bakuvudisha misoko ya nvita idi ne ngumbu ya mabue; kadi nentume kahia mu misoko yabo, nekoshe nsubu yabo ya bakelenge.

Osheya 5:14

Bualu bua nengikale bu nyama wa ntambue kudi Bena Efelayima, ne bu muana wa nyama wa ntambue kudi Bena Yuda. Meme, meme mene, nembahande ne nengumuke; nenye nʼabo ne kakuena muntu wa babandisha.

Osheya 4:5

Ne wewe, muakuidi, neulenduke mu munya; muprofete nealenduke nʼebe butuku; ne meme nenshihe mamu webe.

Yirmeya 14:7

Bulelela, mihi yetu idi ituhisha, kadi wewe Yehowa, utukuatshishe bualu bua dina diebe; tuakualukila ku mibi misangu ya bungi, tuakukuenzela bibi.

Yeshaya 59:12

Bualu bua malu mabi etu akuvulangana ku mpala kuebe, ne mihi yetu idi ituhisha; bualu bua malu mabi etu adi ikala nʼetu, ne ludi bamanye mibi yetu:

Yeshaya 44:9

Bonso badi basonga mpingu badi bantu badi babuelakana; malu adi abasankisha kaena mua kubakuatshisha; bamonyi babo kabena batangila, kabena bajingulula bualu ebu, bua bafuishibue bundu.

Yeshaya 3:9

Kansungusungu kabo ka mu bilumbu kadi kabahisha; badi balesha bakuabo bubi buabo, kabena babusokoka, bu muakenza Bena Sodoma. Mulau wikale kudibo! Bualu bua badi badivuishila malu mabi!

Nsumuinu 30:13

Bantu badiku,—mona mudi mesu abo ne dihetu, ne mudibo bahanda mesu mulu!

Nsumuinu 24:16

Bualu bua muntu muakane udi uhona misangu muanda mutekete, udi ubika kabidi; kadi bantu babi badi balenduka mu dikenga.

Nsumuinu 14:32

Muntu mubi udi wedibua hanshi bua malu mabi andi, kadi muntu muakane udi ne tshinyemenu mu lufu luandi.

Nsumuinu 11:21

Manya bimpe ne, Muntu mubi kena uhanga kukengeshibua, kadi tunkanunuma tua bantu bakane neluhandishibue.

Nsumuinu 11:5

Buakane bua muena mutshima mutoke budi bululamisha nshila wandi, kadi muntu mubi neadishinde ku bubi buandi yeye.

Yirmeya 2:19

Mukelenge Yehowa wa misumba udi wamba ne, Bubi buebe buine nebukusamine, kundekela kuebe bua kuhingana ku malu a tshianana nekukubele. Nunku neumanye, neumone kabidi, bu mudi muanda eu wa kulekela Yehowa Nzambi webe mmuanda mubi ne wa bululu, ne mudi ditshina dianyi kadiyi munda muebe.

Yeshaya 3:8

Bualu bua Yelushalema wakulenduka, ne Yuda wakuhona; bualu bua mei abo ne bienzedi biabo bidi bihidia Yehowa, bidi bivuisha tshiji ku mesu kua udi ne butumbi.

Osheya 14:2

Nuye ne mei makane, hinganai kudi Yehowa. Numuambile ne, Utûmushile mibi yonso, witabushe malu adi makane, bua tuetu tufile mishiku yetu kûdi bu milambu ya ngombe.