Osheya 5:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bakokeshi ba mu Yuda bakulua bu bantu badi basemesha makalu; nembahongoluele tshiji tshianyi tshikole bu mai.

MUKANDA WA MYIDI MUKULU

¹⁰ Bamfumu ba bena Yuda, mbafuanangane ne bantu badi bashintulula mikalu ya madimi abu. Nanku tshiji tshianyi netshibapuekele bu mvula wa tshipupu.

Osheya 5:10 Eitobir Enkop

Dielulula 19:14

Kanuhanduludi mikalu ya bantu bakuabo yakahandabo kudi bakaku benu diambedi, mu buhianyi buenu mu buloba budi Yehowa, Nzambi wenu, unuha bua nuenu kubuhiana.

Misambu 32:6

Bua bualu ebu muntu yonso udi unanga Nzambi akulombe mu tshikondo tshidiye mumanye mua kukusangana; bulelela, halua mai manene kuhasalala, kaena afika ha buihi nʼandi.

Dielulula 27:17

Muntu yonso udi utentulula mukalu wa muena mutumba nʼandi udi ne mulau. Bantu bonso nebakudimune dî ne, Amen.

Luke 6:49

Kadi muntu yonso udi unvua mei, kai wênza, udi bu muntu wakibaka nsubu wandi ha buloba butekete, kakadi ne bishimikidi; musulu wakakuma ku nsubu, wakashimbuka lukasa; diuhuka dia nsubu au diakadi dinene.

Matayi 7:27

nvula yakaloka, misulu yakula, bihuhu biakalua, biakakuma ku nsubu, nsubu wakuhuka; kuhuka kuandi kuakadi kunene.

Yezekiyele 7:8

Tshituha tshihi nennuhongoluele tshiji tshianyi tshikole, nemmane difikʼa munda dianyi kunudi; nennulumbuluishe bu mudi bienzedi bienu, nennuhingashile difutu bua malu enu onso a bundu.

Nsumuinu 22:28

Kumushi mukalu wa kale wakajadikabo kudi batatu bebe.

Nsumuinu 17:14

Tshibangidilu tshia matandu tshidi bu kuhatuka kua mai; nunku diambedi matandu kâyi manze kuhatuka, lekela difuilangana.

Misambu 88:17

Biakunyunguluka bu mai mavulangane dinda tô ne ku dilolo, biakunyengela nseke yonso, buonso buabi diatshimue.

Misambu 69:24

Uhumune tshiji tshiebe hamʼbidi habo, ditema dia tshiji tshiebe tshikole difike kudibo, dibakuate.

Yeshaya 1:23

Bakokeshi bebe badi batomboka, ne badi bakuatanganyi ba bulunda ne bibi. Muntu yonso wa munkatshi muabo udi musue mbueshilu, udi ukeba anu maha. Kabena balumbulula bilumbu bia bana ba nshiya ne kulumbulula kuakane, ne tshilumbu tshia mukashi wa mu lufuila katshiena tshifika kudibo.

Yezekiyele 22:22

Bu mudi tshiamu tshia argent tshienguluka mu ditanda, nunku nuenu nenuenguluke mu musoko. Nunku nenumanye ne, Meme, Yehowa, nakunuhongoluela tshiji tshianyi tshikole.