Nsumuinu 29:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bialumbuluisha mukelenge bahele ne lulamatu lua bushuwa, nkuasa wandi wa bukelenge neajadikibue tshiendelele.

MUKANDA WA MYIDI MUKULU

¹⁴ Mukalenga wa ditunga udi ulumbuluisha bapele ne buakane, bumfumu buende budi bushindama kashidi.

Nsumuinu 29:14 Eitobir Enkop

Nsumuinu 16:12

Bienza bakelenge malu mabi, badi banyanguke, bualu bua nkuasa wa bukelenge udi ujadikibua ku buakane.

Yeshaya 11:4

kadi nealumbuluishe bahele ne buakane, neakose bilumbu bia badi ne kalolo ha buloba ne kulumbulula kuakane; neakume buloba ne tshibonge tshia mukana muandi, neashihe bantu babi ku muhuya wa ku mishiku yandi.

Nsumuinu 29:4

Mukelenge udi ujadika buloba buandi ku kulumbulula kuakane, kadi muntu udi ulomba milambu mihite udi ububutula.

Nsumuinu 20:28

Luse lujalame ne lulamatu lua bushuwa bidi bilama mukelenge; nkuasa wandi wa bukelenge udi mushindame ku luse lujalame.

Nsumuinu 28:16

Mukokeshi udi kayi ne lungenyi udi mukengeshi mukole kabidi; kadi udi ukina luhetu lua ku malu mabi nealeheshe matuku andi.

Nsumuinu 25:5

Umusha muntu mubi ku mpala kua mukelenge, ne nkuasa wandi wa bunfumu neajadikibue mu buakane.

Misambu 89:2

Bualu bua nakuamba ne, Luse luebe lujalame neluibakibue tshiendelele; nenjadike lulamatu luebe lua bushuwa mu diulu mene.

Danyele 4:27

Bua muanda eu, mukelenge wanyi, wanji kuitabusha lungenyi luanyi: ulekele mibi yebe, uhingashe bienzedi biakane mu muaba wai; ulekele malu ebe a tshishiku, ufuile bahele luse; nunku, bumue, diakalengele diebe nedileheshibue.

Yirmeya 22:16

Yeye wakalumbulula bilumbu bia bahele ne bakengi; nunku wakadi ne diakalengele. Yehowa udi ukonka ne, Bualu ebu kabuena bukuatshisha muntu bua kummanya, anyi?

Yirmeya 5:28

Badi ne mafuta a bungi hamʼbidi habo, dikoba diabo didi dinuna; badi batamba kuenza malu mabi; kabena bakuila bana ba nshiya bilumbu biabo bua bana bikale ne diakalengele, kabena bakuatshisha bakengi bua kuhetabo bintu bidibo nʼabi bualu.

Yeshaya 1:17

nuyile mua kuenza malu makane; nukebe kulumbulula kuakane, nuenzeshe mukengeshi bua yeye kuenza biakane; nulumbulule bilumbu bia bana ba nshiya ne kulumbulula kuakane, nuakuile bakashi ba mu lufuila mu bilumbuluidi.