Nsumuinu 29:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Badi bakeba kumatshisha mashi badi bakina muntu muakane; kadi bantu bakane badi balama muoyo wandi.

MUKANDA WA MYIDI MUKULU

¹⁰ Bantu badi bashipangana badi bakina bantu bakane. Kadi bantu ba muoyi muimpe badi bakeba mua kuenda ne bantu bakane.

Nsumuinu 29:10 Eitobir Enkop

Rome 10:1

Bana betu, disua dia mu mutshima wanyi ne dilomba dianyi kudi Nzambi bua bualu buabo bidi bua bobo bahete luhandu.

Bienzedi 7:60

Wakatua binu hanshi, wakela dî dikole ne, Mukelenge, kubatekedi bubi ebu. Hakambeye dî edi, wakalala tulu.

Yowanane 5:34

Tshiena ngangata dijadika dia bualu buanyi kudi muntu; kadi ndi ngamba malu â bua nuenu kusungidibua.

Luke 23:34

Yesu wakamba ne, Tatu, ubabuikidile bubi buabo, kabena bamanye bualu budibo benza. Bakabanyangana bilulu biandi, bela nʼabi nshobo.

2 Kulondolola 18:7

Mukelenge wa Isalele wakakudimuna Yehoshafata ne, Muprofete mukuabo udiku; kadi ndi nʼandi lukuna, bualu bua yeye katu wamba malu mimpe bualu buanyi, anu malu mabi; yeye mene udi Mikaya, muana wa Yimela. Yehoshafata wakamuambila ne, Mukelenge kambi nunku nansha.

1 Bakalenga 22:8

Mukelenge wa Isalele wakambila Yehoshafata ne, Muntu mukuabo udiku utudi mua kuebesha Yehowa mukana muandi, dina diandi Mikaya, muana wa Yimela; kadi ndi nʼandi tshiji bualu bua yeye katu wangambila malu mimpe, utu wangambila anu malu mabi, Yehoshafata wakamba ne, Mukelenge kambi nunku nansha.

1 Bakalenga 21:20

Ahaba wakakonka Eliya ne, Wewe, muena lukuna wanyi, wakusangana, anyi? Yeye wakamukudimuna ne, Nakukusangana bualu bua wewe wakadihanyisha bua kuenza malu mabi ku mesu kua Yehowa.

1 Samuele 15:11

Nakakudimuna mutshima bua nakasungula Shaula mukelenge, bualu bua yeye wakasesuka, kena undonda, kena utumikila mikenji yanyi. Samuele wakadi ne tshiji tshikole, wakadila kudi Yehowa butuku abu buonso.

Yirmeya 18:20

Nebafute malu mabi ku malu mimpe, anyi? Bualu bua bakuimbila muoyo wanyi dijimba. Uvuluke bu munakimana ku mpala kuebe bua kubakuila kûdi, ne bua kukudimuna tshiji tshiebe bua katshifiki kudibo.

Misambu 59:2

Umpandishe mu bianza bia benji ba malu mabi, unsungile mu bianza bia badi bamatshisha mashi a bantu.

Nsumuinu 29:9

Biatandangana muena meji ne muhote mu tshilumbu, muhote udi ukuata tshiji ne udi useka, kakuena ditalala.

Nsumuinu 29:27

Muena tshishiku udi utondesha bantu bakane, kadi udi wenda mu nshila muakane udi utondesha bantu babi.

Nsumuinu 13:19

Kukumbasha kua dijinga kudi kusankisha mutshima, kadi bahote badi bakina bua kumuka ku malu mabi.

Yirmeya 38:7

Hakunvua Ebede-meleke, Muena Atiopa, muntu mutungula wakadi mu nsubu wa mukelenge, ne, Bakubuesha Yelemiya mu dina dia mai (mu diba adi mukelenge wakadi ushikama hehi ne Tshibi tshia Benyamina),

Yirmeya 38:13

Nunku bakakokela Yelemiya ku mionshi, bakanuihata mu dina; ne Yelemiya wakashala mu tshiendelu tshia balami ba nsubu wa lukanu.