Nsumuinu 28:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Udi utudisha biuma biandi ku kasombela ne ku makasa udi ubisangishila muntu udi ufuila bahele luse.

MUKANDA WA MYIDI MUKULU

⁸ Pikala muntu uvudija bubanji buende bualu udi usombeshangana bintu, ulomba kasombela kapite, bubanji buende nebabupete kudi muntu wa kalolu udi uvuluka bapele.

Nsumuinu 28:8 Eitobir Enkop

Nsumuinu 13:22

Muntu muimpe udi ushila bana ba bana bandi buhianyi, kadi biuma bia muenji wa malu mabimbitekela bantu bakane.

Muambi 2:26

Nzambi udi uha muntu udi umusankisha meji, lungenyi ne disanka; kadi udi uha muntu mubi lutatu lua kukunguisha bintu bia kuhesha mukuabo udi usankisha Nzambi. Bualu ebu mbua hatuhu kabidi ne bu kuihata kua luhehele.

Lewitiki 25:36

Kumulombi tshia kasombela, kadi utshine Nzambi webe, mukuenu neikale nʼebe.

Yezekiyele 18:17

udi umusha tshianza tshiandi ku malu mabi, udi kayi wangata kasombela anyi makasa, udi ulonda mikenji yanyi, udi utumikila mei anyi; muntu eu kena ufua bua bubi bua tatu wandi, neikale ne muoyo bulelela.

Ekesode 22:25

Biwasombesha mukuabo muhele wa munkatshi mua bantu banyi argent, kumubadi bu muena dibanza, kumulombi tshia kasombelu.

Yezekiyele 18:13

wakusombesha bakuabo bintu bua kuheta kasombela ne wakudiangatshila makasa, muntu eu neikale ne muoyo, anyi? Nansha, kena wikale ne muoyo. Wakuenza malu â onso a tshinyangu; nebamushihe bulelela; mashi andi neikale hamʼbidi handi.

Yezekiyele 18:8

bikaleye kayi musombeshe mukuabo bintu bua kuheta kasombelu ka ha mutu, kayi mudiangatshile makasa; biumusheye tshianza tshiandi ku malu mabi, biakoseye bilumbu bia hankatshi ha muntu ne muntu anu ne kulumbulula kuakane,

Nsumuinu 14:31

Udi ukengesha muhele udi uhenda Mufuki wandi, kadi udi ulesha mukengedi wa bintu luse udi umutumbisha.

Nsumuinu 19:7

Bana babo ne muhele bonso badi nʼandi lukuna; mona mudi balunda bandi batamba bana babo kumuka kudiye! Udi ubasengelela ne mei andi, kadi bakumana kuya.

2 Samuele 12:6

budiye nʼabu mbua kumuhingishila mikoko mai bua bualu ebu buakenzeye, bualu bua yeye kakadi ne luse.

Misambu 72:13

Neafuile udi mutekete ne udi ukengela dikuatshisha luse, neasungile mioyo ya bakengedi.

Nsumuinu 14:21

Udi uhetula muena mutumba nʼandi udi wenza bualu bubi, kadi udi ufuila bena dikenga luse udi ne disanka.