Nsumuinu 28:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Udi uhambuisha bantu bakane bua bobo bende mu nshila mubi neahone mu dijimba didiye umbula; kadi badi ne mitshima mitoke nebahiane diakalengele.

MUKANDA WA MYIDI MUKULU

¹⁰ Muntu udi usaka bantu bakane bua balonde njila mibi, neapone mu mateyi ende. Kadi benji ba bimpe nebikale ne diakalenga.

Nsumuinu 28:10 Eitobir Enkop

Nsumuinu 26:27

Udi wumbula dijimba neahonemu; dibue didi muntu ubungulusha nedihingane hamʼbidi handi.

Ngalate 2:4

Kadi bualu bua bakuabo bakadivuisha bu bana betu, bakadibuesha munkatshi muetu mu musokoko bua kutentekela budishikaminyi butudi nʼabu mu Kilisto Yesu; bakasua kutuvuisha bahika.

Matayi 6:33

Kadi diambedi kebai bukelenge buandi ne buakane buandi, nunku nebanuhe bintu ebi bionso.

Nsumuinu 15:6

Mu nsubu wa muntu muakane mudi tshibutshilu tshinene, kadi luhetu lua bantu babi ludi lujimina.

Didimanyisha 2:14

Kadi ndi nʼebe malu manya-manya, bualu bua udi ne bakuabo aha badi balamata diyisha dia Belama, wakayisha Balaka bua kutekeye tshilenduishi ku mpala kua Bena Isalele, bua kudiabo bintu bishihela mpingu ne bua kuendabo masandi.

Muambi 10:8

Udi umbula dijimba neadishindemu; udi uluhula disoso mu tshimanu, nyoka neumusume.

Nsumuinu 21:20

Mu nsubu wa muena meji mudi biuma bia mushinga mukole ne manyi kabidi, kadi muntu muhote udi ubimina.

Nsumuinu 10:3

Yehowa kena witabusha bua muntu muakane afue nzala, kadi udi uhidia lukuka lua bantu babi.

Misambu 37:11

Kadi badi ne mitshima mihuekele nebahiane buloba, mioyo yabo neyisanke mu ditalala dikumbane.

Misambu 9:15

Ba mu bisamba bia bantu bakuhona mu dijimba diakumbulabo; dikasa diabo diakukuatshibua mu bukuondo buakusokokabo:

1 Samuele 26:19

Katataka ndî nkusengelela ne, Mukelenge wanyi unvue mei a muntu wandi. Bikala Yehowa nguakakusonsolola bualu buanyi, yeye itabushe mulambu; kadi bikala bantu mbakenza nunku, bobo bedibue mulau kudi Yehowa, bualu bua bobo bakungihata lelu bua meme tshikadi mu buhianyi bua Yehowa, badi bangambila ne, Ya, ukuatshile nzambi mikuabo mudimu.

Ebrewu 6:12

bua kanulu bienu bahungidi, kadi nulue bidikishi ba badi bahiana milayi bua ditabusha ne lutulu.

1 Petro 3:9

kanushintakashi bubi ku bubi anyi tshihendu ku tshihendu; kadi nushintakashangane nʼabo disanka; bua nuakabikidibua bua muanda eu, bua nuenu kuhiana disanka.

Misambu 57:6

Bakuandila biendedi bianyi bukuondo; muoyo wanyi wakuinamishibua hanshi. Bakunguisha dijimba ku mpala kuanyi, bobo bine bakahona munda muadi.

Misambu 139:24

Umone ne malu mabi adi munda muanyi, undombole mu nshila wa tshiendelele.

Nsumuinu 2:21

Bualu bua badi ne mitshima miakane nebashikame mu buloba, badi ne mutshima umue mutoke nebajalame.

Nsumuinu 28:18

Muntu udi wenda mu buakane neahandishibue, kadi udi wenda mu nshila mikonyangale neahone lukasa.