Nsumuinu 26:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Kudimuna muhote dî bu mudi buhote buandi, bua yeye kedi meji ne, Ndi muena meji.

MUKANDA WA MYIDI MUKULU

⁵ Kudimuna muntu mutshimbakane bilondeshile mudiye, bua kadiumvu bu muntu wa meji.

Nsumuinu 26:5 Eitobir Enkop

Rome 12:16

Nuikalangane ne meshi amue, muntu ne muntu; kanuteki meshi enu ku malu mahite, kadi nudihuekeshe ku malu adi mahuekela. Kanuditekemenyi bu munudi bena meshi.

Nsumuinu 28:11

Muntu mubanji udi wela meji ne, Ndi ne meji, kadi muhele udi ne dijingulula dia mianda udi ukononona tshikadilu tshiandi.

Tite 1:13

Bumanyishi ebu mbulelela. Bua muanda eu ubabele bikole, bua bobo bikale balenge mu ditabusha;

Rome 11:25

Bana betu, tshiena musue nuhange kumanya bualu ebu busokoka, bua nuenu kanuditekemenyi bu munudi bena meshi, ne, Bukole bua mutshima buakakuata Bena Isalele tshituha tshihi, tô ne hafika dikumbana dia bisamba bia bende mu lumu luimpe.

Yowanane 8:7

Kadi hakadibo bamukonkakonka, wakabanduluka, wakabambila ne, Udi munkatshi muenu udi kai ne bualu bubi, adianjile kumuela dibue.

Nsumuinu 26:12

Udi umona muntu udi wela meji ne, Ndi muena meji, anyi? Ditekemena didibo nʼadi bua muhote didi dihita didibo nʼadi bua muntu au bunene.

Nsumuinu 26:4

Kukudimunyi muhote dî bu mudi buhote buandi, bua wewe kufuanangana nʼandi.

Nsumuinu 3:7

Kuikadi umena meji ku mesu kuebe wewe; utshine Yehowa, umuke ku malu mabi.

Yeshaya 5:21

Mulau wikale kudi badi badimona bu bena meji, badi badimona bu bena budimu!

Nsumuinu 26:6

Udi utuma dî ku tshianza tshia muhote, udi udikosa makasa andi, udi unua tshimbambila.