Nsumuinu 24:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Kuhangidisha buhote kudi bualu bubi; mubuidi udi utondesha bantu.

MUKANDA WA MYIDI MUKULU

⁹ Meji adiye wela adi amufikisha ku bubi. Bantu kabidi kabena bananga muntu udi useka bakuabu.

Nsumuinu 24:9 Eitobir Enkop

Matayi 15:19

Bualu bua meshi mabi ne kushiha kua bantu ne masandi ne tshiendenda ne buibi ne mashimi ne kuhenda Nzambi bidi biluhuka mu mutshima;

2 Korente 10:5

bidi bishimbula meshi onso ne tshintu tshionso tshidi tshileha mulu tshidi tshibandishibua bua kuhumbisha nʼatshi lungenyi lua Nzambi, bidi bivuisha meshi onso mu buhika bua kutumikilau Kilisto;

Yeshaya 55:7

Muntu mubi alekele kuenda mu nshila wandi mubi, udi kayi muakane alekele meji andi mabi; ahingane biandi kudi Yehowa, yeye neamufuile luse; ne kudi Nzambi wetu, bualu bua yeye neatambe kumubuikidila mibi yandi.

Bienzedi 8:22

Nunku kudimuna mutshima webe, ulekele bubi buebe ebu, ulombe Nzambi ne bumue neakubuikidile meshi adi munda muebe.

Matayi 9:4

Yesu wakamanya meshi abo, wakamba ne, Nudi nuelangana meshi a bualu bubi munda muenu bua tshinyi?

Nsumuinu 29:8

Babuidi badi batemesha kahia mu musoko, kadi bena meji badi bandamuna tshiji.

Nsumuinu 24:8

Udi uhangidisha bua kuenza malu mabi, nebamubikile ne, Muena tshinvundu.

Matayi 5:28

kadi meme ndi nuambila ne, Muntu yonso udi utangila mukashi ne lukuka lua masandi wakumana kuenda nʼandi masandi mu mutshima wandi.

Yirmeya 4:14

Wewe, Yelushalema, uvuwa mutshima webe ku malu mabi, bua wewe kusungidibua. Meji ebe mabi neashale munda muebe musangu bule bishi?

Genese 6:5

Yehowa wakamona ne, Mibi ya bantu idi idiundadiunda munkatshi mua ba ha buloba ne meji adibo bela mu mitshima yabo adi mabi matuku onso.

Nsumuinu 23:7

Bualu bua bu mudiye welangana meji munda muandi, ke mudiye. Yeye udi ukuambila ne, Udie biebe, unue biebe; kadi mutshima wandi kawena kûdi.

Nsumuinu 22:10

Biwihata mubuidi, difuilangana nediumuke; matandu ne bihendu nebihuwe.

Misambu 119:113

Ndi nkina bena mitshima ibidi; kadi ndi nnanga mikenji yebe.

Genese 8:21

Yehowa wakanunkila dihembu dimpe: Yehowa wakamba mu mutshima wandi ne, Tshiena ngela buloba mulau kabidi bualu bua bantu badi ne meji mabi mu mitshima yabo hatshidibo bitende tô ne hakulumpabo, tshiena njimisha bifukibua bionso bidi ne muoyo kabidi bu munakenza diambedi.

Nsumuinu 9:7

Udi usamina mubuidi udi udiangatshila bihendu, udi ubela muntu mubi udi udifuishisha bundu.

Nsumuinu 21:24

Mubuidi ndina didibo binyika muntu udi ne dihetu ne didibandisha, udi wenza malu andi ne kudisua kuhite bukole.