Nsumuinu 22:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Bualu bua newikale ne disanka, biwâlama munda muebe, biajadikibuau ku mishiku yebe.

MUKANDA WA MYIDI MUKULU

¹⁸ Newikale muena diakalenga, pawikala uvuluka malu andi ngamba, walongesha kabidi bantu bakuabu.

Nsumuinu 22:18 Eitobir Enkop

Yirmeya 15:16

Nakasangana mei ebe, nakâdia; mei ebe akadi kundi bu disanka ne akasankisha mutshima wanyi; bualu bua badi bambikila ku dina diebe, wewe Yehowa, Nzambi wa misumba.

Nsumuinu 2:10

Bualu bua meji neabuele mu mutshima webe, lungenyi neluikale lulengele mu muoyo webe.

Nsumuinu 15:7

Mishiku ya bena meji idi itangalasha lungenyi, kadi mitshima ya bahote kayena yenza nunku.

Nsumuinu 10:21

Mishiku ya muntu muakane idi idisha ba bungi, kadi badi bahote badi bafua bua dihanga dia lungenyi.

Nsumuinu 8:6

Unvuai, bualu bua nengambe mianda minene; ne ku mishiku yanyi nekuhatuke mei makane.

Misambu 119:103

Mona mudi mei ebe mashemakane handi ngalabula, mahite buitshi kushemakana mukana muanyi!

Ebrewu 13:15

Nunku bua bualu buandi, tufilafile kudi Nzambi mulambu wa kumutumbisha nʼau, udi biau mamuma a mishiku idi ijukula ditabusha dia dina diandi.

Yowanane 7:38

Misulu ya mai a muoyo nebatuke munda mua wangitabusha, bu muakamba Mukanda wa Nzambi.

Nsumuinu 25:11

Dî diamba mu tshikondo tshiakane didi bu mamuma a tshiamu tshia or mu tshitekelu tshia argent.

Nsumuinu 16:21

Badi babikila muena meji ne, Mujinguludi wa mianda; bulengele bua mei a ku mishiku budi buitabushisha bantu.

Nsumuinu 10:13

Badi basangana meji mukana mua muntu udi ujingulula mianda, kadi mulangala udiku bua kututa nʼau nyima wa muntu udi kayi ne lungenyi.

Nsumuinu 3:17

Nshila yau idi nshila ya disanka, nshila yau yonso idi nshila ya ditalala.

Misambu 119:171

Mishiku yanyi ikutumbishe, bualu bua wewe udi unyisha mikenji yebe mifunda.

Misambu 119:162

Ndi nsanka bua di diebe, bu mudibo basanka hasanganabo bintu bingi biakunyengabo mu nvita.

Misambu 119:111

Nakuangata mikenji yebe bu bubianyi tshiendelele, bualu bua idi disanka dia mu mutshima wanyi.

Misambu 119:13

Mishiku yanyi idi ilondela bantu kulumbulula kuonso kua mukana muebe.

Misambu 19:10

Kubinanga kudi kuhita kunanga or buimpe; e, kudi kuhita kunanga or wa mushinga mukole wa bungi buimpe. Bidi bihita buitshi ne mamata a buitshi a ku dihula kushemakana.

Malaki 2:7

Bualu bua mishiku ya muakuidi idi ne bua kulama lungenyi, ne bantu badi ne bua kukeba diyisha diakane mukana muandi; bualu bua yeye udi messager wa Yehowa.

Nsumuinu 22:19

Bua dieyemena diebe dikale mu Yehowa, nakukumanyishau lelu eu, kûdi wewe mene.

Nsumuinu 4:20

Muanʼanyi, unvua mei anyi bimpe, teleja matshu ebe ku mianda indi nkuambila.

Nsumuinu 4:21

Mei â kaumuki ku mesu kuebe; wâteke munda mua mutshima webe.