Nsumuinu 21:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Muntu mubi udi usamina bintu muoyo dinda tô ne ku dilolo, kadi muntu muakane udi uhesha bantu bintu, kena ubahalabi nansha.

MUKANDA WA MYIDI MUKULU

²⁶ Bantu bakuabu badi bapitshisha matuku abu mu dijinga dia bintu. Kadi muntu wa nsongu udi upeshangana bintu kayi utabala.

Nsumuinu 21:26 Eitobir Enkop

Misambu 37:26

Dinda tô ne ku dilolo yeye udi ulesha bantu luse, udi ubasombesha bintu; tunkanuniuna tuandi tudi tuvudishibua disanka.

Efeze 4:28

Muntu wakuiba, alekele kuiba; kadi akuate mudimu, enze budi buimpe ne bianza biandi, bua yeye ikale ne tshia kuheye udi utshikengela.

Misambu 112:9

Yeye wakuabanya bintu, wakuhesha bahele bintu; buakane buandi budiku tô ne tshiendelele; lusengu luandi nelubandishibue mu butumbi.

Matayi 5:42

Udi ukulomba tshintu umuhetshi, udi musue kukusomba tshintu kumukomi nyima.

2 Samuele 17:29

ne buitshi ne manteke ne mikoko ne fromage bua Davidi ne bantu bakadi nʼandi badie. Bualu bua bakamba ne, Bantu badi ne nzala, badi bahungile ne badi ne nyota mu tshihela.

Misambu 112:5

Muntu udi ulesha bantu luse ne udi ubasombesha bintu udi ne disanka, udi ulonda malu andi anu ha muanda.