Nsumuinu 21:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Mutshima wa mukelenge mu bianza bia Yehowa udi bu misulu ya mai, yeye udi ûtuma kuonso kudiye musue.

MUKANDA WA MYIDI MUKULU

¹ Muoyi wa mukalenga udi bu musulu wa mayi udi Maweja-Nangila utuma kuonsu kudiye musue.

Nsumuinu 21:1 Eitobir Enkop

Nsumuinu 16:9

Mutshima wa muntu udi uhangidisha bua kuya ku luendu, kadi Yehowa udi ulombola makasa andi.

Nsumuinu 20:24

Biendedi bia muntu bidi biendeshibua kudi Yehowa; nunku muntu neamanye mua kujingulula nshila wandi munyi?

Ezela 6:22

bakadia bidia bidi kabiyi ne luevene ne disanka matuku muanda mutekete; bualu bua Yehowa wakabavudishila disanka, wakakudimusha mutshima wa mukelenge wa Ashû kudibo bua kukolesheye maboko abo mu mudimu wa nsubu wa Nzambi, Nzambi wa Bena Isalele.

Bienzedi 7:10

wakamusungila mu makenga andi onso, wakamuha diakalengele ne lungenyi ku mesu kua Palô, mukelenge wa Ejipitu; wakamuteka ngovena wa Ejipitu ne wa nsubu wandi yonso.

Nsumuinu 16:1

Malu adi bantu bahangidisha mu mitshima adi afuma kudibo, kadi dî didi ludimi lukudimuna didi difuma kudi Yehowa.

Danyele 4:35

Bonso ba ha buloba badi hatuhu ku mesu kuandi. Yeye utu wenza bu mudiye musue munkatshi mua misumba ya ba mu diulu ne munkatshi mua ba ba buloba; kakuena muntu udi mua kukauda tshianza tshiandi, anyi kumuebesha ne, Udi wenza tshinyi?

Misambu 106:46

Yeye wakabayuisha bantu ba kufuidibua luse kudi bonso bakadi babakuata mu buhika.

Yeshaya 43:19

Monai, nengenze bualu buhia-buhia; nebumueneke mpindiu, kamina babumanye, anyi? Nengenze nshila mu tshihela, nempatule misulu mu tshihela tshia lusenga.

Misambu 105:25

Wakakudimuna mitshima ya bantu aba bua kuikalabo ne bantu bandi lukuna, bua kuenzela bakuatshi bandi ba mudimu malu a budimu.

Nehemya 2:4

Hashishe mukelenge wakangebesha ne, Udi ulomba tshinyi? Nunku nakatendelela Nzambi wa mu diulu.

Nehemya 1:11

Mukelenge, ndi nkusengelela ne, Teleja matshu ebe ku kulomba kua muntu webe ne ku kulomba kua bantu bebe badi ne disanka bua kutshina dina diebe; ndi nkusengelela ne, Uhe muntu webe diakalengele lelu, umufile luse ku mesu kua muntu eu. (Bualu bua meme nakadi mutuadi wa luhanza lua mukelenge).

Misambu 74:15

Wakahanda nshila bua mishimi ya mai ne tusulu bihuekelemu, wakabaluisha misulu yakadi ihueka misangu yonso.

Yeshaya 44:27

Ndi yeye udi wambila mai male ne, Ukame biebe, ne nenkamishe misulu yebe;

Misambu 93:4

Yehowa mu muaba wandi wa kulu udi mukole, muhite biandi tshiona tshia kukungula kua mai mangi bukole, muhite mambuanka makole a mu mai manene.

Didimanyisha 16:12

Muisambombo wakahongolola luhanza luandi ha musulu munene, Pelata; ne mai akadimu akûma bua nshila alongolodibue bua bakelenge badi bafuma kudi kuhatuka diba.

Didimanyisha 16:4

Muisatu wakahongolola luhanza luandi ha misulu ne ha mishimi ya mai, ne mai akalua mashi.

Misambu 114:5

Budi bukukuata ntshinyi, wewe mai manene, bua udi unyema? Ne wewe, Yadene, bua udi uhingana tshianyima?

Misambu 114:3

Mai manene akamona muanda eu, akanyema, musulu wa Yadene wakahingana tshianyima.

Yirmeya 39:12

Umukuate, umulame, kumuenzedi bualu bubi; kadi umuenzele anu bu mudiye ukuambila.

Ekesode 7:3

Nenkoleshe mutshima wa Palô, nennudishe bimanyinu bianyi ne malu anyi a kukema mu buloba bua Ejipitu.

2 Bakalenga 19:33

Yeye neahingane anu mu nshila kuakafumeye; Yehowa udi wamba ne, Yeye kena ufika ha buihi ne musoko eu.

Ezela 1:1

Mu tshidimu tshia kumudilu tshia Kolesha, mukelenge wa Pelasa, bua kushikishabo dî dia Yehowa diakambeye mukana mua Yelemiya, Yehowa wakatabulusha mutshima wa Kolesha, mukelenge wa Pelasa; nunku yeye wakela mukenji ku nseke yonso ya bukelenge buandi, wakaufunda kabidi ne,

Ezela 1:2

Kolesha, mukelenge wa Pelasa, udi Wamba ne, Yehowa, Nzambi wa mu diulu, wakumpa makelenge onso a ha buloba; nyeye wakungelela mukenji bua meme kumuashila nsubu mu Yelushalema, udi mu buloba bua Yuda.

Nehemya 2:8

ne mukanda mukuabo kudi Asafa, mulami wa metu a mukelenge, bua yeye ampe mabaya a kuenza nʼau mikamba ya bibi bia nsubu wa mukelenge udi hehi ne nsubu wa Nzambi, ne a lumbu lua musoko, ne a nsubu undi mua kulalamu. Mukelenge wakitabusha malu au onso bualu bua tshianza tshimpe tshia Nzambi wanyi tshiakadi kundi.

Estere 2:17

Mukelenge wakananga Esetê ku mutu kua bakashi bonso, yeye wakatamba bansongakashi bonso kusangana luse ku mesu kuandi; nunku yeye wakateka tshifulu tshia bukelenge ha mutu handi, wakamudisha mukelenge mukashi mu muaba wa Washeti.