Nsumuinu 12:24 - Mukanda wa Nzambi Dihungila Dikulukulu ne Dihungila Dihia-dihia 2003

²⁴ Tshianza tshia muena disuminyina netshikokeshe, kadi nebenzeshe bafuba mudimu ku bukole.

MUKANDA WA MYIDI MUKULU

²⁴ Mudimu udi upetesha muntu bumfumu. Kadi lulengu ludi lumufila ku bupika.

Nsumuinu 12:24 Eitobir Enkop

Nsumuinu 12:27

Muntu mufuba kena ukuata tshidiye ulemba, kadi muena disuminyina neahete biuma bia mushinga mukole.

Nsumuinu 10:4

Tshianza tshia mufuba tshidi tshimuvuisha muhele, kadi tshianza tshia muena disuminyina tshidi tshimuvuisha mubanji.

Nsumuinu 17:2

Muhika udi wenza mudimu wandi ne meji neakokeshe muana mulume wa mu tshiota udi wenza mianda ya bundu, neikale ne tshituha tshia buhianyi munkatshi mua bana ba mu tshiota.

Nsumuinu 13:4

Mufuba udi usamina muoyo, kena ubiheta, kadi muoyo wa muena disuminyina udi ûshibua tente ne diakalengele.

Nsumuinu 22:29

Udi utangila muntu udi wenza mudimu wandi ne lungenyi, anyi? Yeye neimane ku mpala kua bakelenge, kena wimana ku mpala kua bantu bahuekele.

Nsumuinu 22:13

Mufuba udi wamba ne, Nyama wa ntambue udi ha mbelu! Nenshihibue mu misesu!

Nsumuinu 19:15

Bufuba budi buladika muntu tulu tukole, ne muena bukata neikale ne nzala.

1 Bakalenga 11:28

Muntu eu Yalobama wakadi muntu mukole wa bukitu; Solomo wakatangila ne, Nsongalume eu udi unanukila mu mudimu wandi, nunku wakamuteka ku mutu kua bena mudimu bonso ba mu Bena Yosefe.

Genese 49:15

wakatangila muaba wa kulala ne, Mmuimpe wakatangila buloba ne, Mbuimpe, wakahuekesha diaha diandi bua kumema bujitu, wakalua bu muhika wa mudimu mukole.

1 Bakalenga 9:21

Bana ba bantu aba mene bakadi bashala mu buloba, hakahanga Bena Isalele kubashiha, Solomo wakabenzesha mudimu bu bahika bandi tô ne ku dituku edi.

1 Bakalenga 12:20

Hakunvua Bena Isalele bonso lumu ne, Yalobama wakahingana, bakamubikila mu disangisha diabo, bakamuvuisha mukelenge ku mutu kua Bena Isalele bonso; anu tshisamba tshia Yuda tshiakalonda ba mu nsubu wa Davidi.

Balombodi 1:28

Hashishe hakakumbana Bena Isalele ba bungi, bobo bakenzesha Bena Kanâna mudimu wa mulambu, kabakabihata mene.