Nsumuinu 10:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Tshivulukidi tshia muntu muakane tshidi tshivudisha disanka, kadi dina dia bantu babi nedibole.

MUKANDA WA MYIDI MUKULU

⁷ Muntu udi unemeka Mvidi Mukulu badi bamuvuluka ne disanka, kadi nansha dina mene dia bantu babi badi badipua muoyi.

Nsumuinu 10:7 Eitobir Enkop

Misambu 112:6

Bualu bua kabena bamunyungisha tshiendelele, nebavuluke muntu muakane kashidi.

Luke 1:48

Yeye wakatangila buhuekele bua mukashi muhika wandi; Milongo yonso ya bantu tô ne tshiendelele neimbikile ne, Udi ne disanka.

Marke 14:9

Bulelela, ndi nuambila ne, Mu miaha yonso ya ha buloba buonso yambabo lumu ela luimpe, nebambe kabidi bualu buakuenza mukashi eu, buikale bu tshivulukidi tshiandi.

Misambu 109:13

Tunkanunuma tuandi tujimishibue; dina diandi dijimine mu tshikondo tshidi tshilonda.

2 Kulondolola 24:16

Bakamujika mu musoko wa Davidi diatshimue ne bakelenge, bualu bua yeye wakenza bimpe mu Isalele, ne kudi Nzambi ne ku nsubu wandi.

Misambu 109:15

Malu â ikale ku mpala kua Yehowa misangu yonso, bua yeye umushe divuluka dia bantu aba ha buloba.

Yobe 18:17

Tshivulukidi tshia bualu buandi netshijimine ha buloba, dina diandi kadiena dimanyibue mu ditunga.

2 Bakalenga 19:34

Meme nensungile musoko eu bualu buanyi, ne bualu bua muntu wanyi Davidi.

1 Bakalenga 11:36

Nempe muanʼandi tshisamba tshimue, bua Davidi, muntu wanyi ikale ne muinda utema ku mesu kuanyi mu Yelushalema matuku onso, musoko unakasungula bua kutekamu dina dianyi.

Muambi 8:10

Nakatangila bantu babi bajikibue; bakadi babuele, bahatuke ku muaba wa tshijila; bena musoko bakabatula muoyo kabidi; ebu mbualu bua hatuhu.

Yobe 27:23

Bantu badi batuta bikashi bua dibutuka diandi, badi bamubingila bua kumuihata mu muaba wandi.

Yirmeya 17:13

Yehowa, wewe nditekemena dia Bena Isalele, bonso badi bakuhidia nebafuishibue bundu. Bantu badi bakulekela nebikale bu maleta mafunda ha buloba, bualu bua bakubenga Yehowa, mushimi wa mai a muoyo.

2 Kulondolola 32:33

Hezikiya wakalala tulu ne bankambua bandi, bakamujika ku mukuna mu nkita ya bana ba Davidi; Bena Yuda bonso ne ba mu Yelushalema bakamutumbisha mu lufu luandi. Manashe muanʼandi wakakokesha mu muaba wandi.

Yobe 24:20

Difu dia muledi wandi didi dimuhua muoyo; tshikusu tshidi tshimudia ne disanka; bantu kabena bamuvuluka kabidi; bubi budi butshibudibue bu mutshi.

Misambu 34:16

Mpala wa Yehowa udi mutangisha kudi benji ba malu mabi bua kubakengesha, bua kujimisheye tshivulukidi tshiabo ha buloba.

Nsumuinu 22:1

Kuikala ne lumu luimpe kudi kuhita kuikala ne bubanji bua bungi buakane, ne kuheta dianyisha kudi kuhita kuheta kua tshiamu tshia argent ne tshia or buimpe.

Yeshaya 14:22

Yehowa wa misumba udi wamba ne, Nenjuke bua kubaluisha, nengumushe ku Babulona badi babikidibue ku dina diau ne difuka dia bantu bau didi dishala, muana mulume ne muikuluʼandi, mmudi Yehowa wamba.

Misambu 34:17

Bantu bakane badi badila dikuatshisha, Yehowa udi ubunvuila, udi ubahandula mu makenga abo onso.

Misambu 41:5

Badi nʼanyi lukuna badi bamba mei mabi bua bualu buanyi ne, Yeye neafue diba kai, ne dina diandi nedijimine diba kai?