Ngalate 3:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ bua disanka dia Abalahama dilue kudi bisamba bia bende mu Kilisto Yesu; bua tuetu kuangata mulayi wa Nyuma bua ditabusha.

MUKANDA WA MYIDI MUKULU

¹⁴ Kristu uvua muenze nanku, bua Mvidi Mukulu amone mua kuela bantu ba bisamba bikuabu lupemba kudiye, muvuaye mulaye Abrahame; ne bua tupete, bualu bua ditaba dietu, Mueyelu uvua Mvidi Mukulu mulaye.

Ngalate 3:14 Eitobir Enkop

1 Korente 12:13

Bualu bua mu Nyuma umue buonso buetu tuakabatijibua mu mubidi umue, ne tudi Bena Yuda anyi Bena Gelika, anyi bahika anyi badishikamine; bakatunuisha Nyuma umue.

Efeze 2:18

bua bualu buandi bubidi buetu tudi ne ha kubuelela kudi Tatu mu Nyuma umue.

Ngalate 3:2

Ndi musue kunukonka anu bualu bumue, Nuakangata Nyuma bua kuenza kua mikenshi anyi bua kunvua kua lumu luimpe ne ditabusha?

Bienzedi 2:33

Yeye, mumane kubandishibua ku tshianza tshia balume tshia Nzambi, mumane kuangata mulayi wa Nyuma Muimpe kudi Tatu, wakuitshikisha bualu ebu bunudi numona ne bunudi nunvua.

Yezekiyele 11:19

Nembahe mutshima muhia-muhia, nenteke nyuma muhia-muhia munda muabo, nengumushe mutshima wa dibue munda muabo, nembahe mutshima wa muntu;

1 Petro 1:22

Bualu bua nuenu nuakulengesha mitshima yenu mu kutumikila kuenu kua malu a bushua bua kuikala ne dinanga dia bana benu ba mu Kilisto didi kadî ne lubombo, nunku nunangangane mu mitshima yenu bikole;

Yowanane 7:39

Yeye wakadi Wamba bua Nyuma wangatabo kudi bakumuitabusha; Nyuma kakadi muanze kulua, bua Yesu kakanza kutumbishibua.

Yeshaya 32:15

Malu â neikaleku tô ne hatshikishabo Nyuma wa mu diulu hamʼbidi hetu, handamuka tshihela budimi budi bulua ne bia kudia bia bungi, ne babadibua budimi budi bulua ne bintu bia bungi bu ditu.

Efeze 4:30

Kanunyingalashi Nyuma Muimpe wa Nzambi, nuakahebua tshimanyishilu kudiye munda muenu tshidiku tô ne halua dituku dia buhikudi.

Efeze 3:16

bua yeye anuhe bu mudi bubanshi bua butumbi buandi mua kukoleshibua munda muenu ne bukole kudi Nyuma wandi;

Efeze 2:22

munudi bibakibue hohamue kabidi, munda muandi, bua kuikala nsubu wa Nzambi mu Nyuma.

Ngalate 4:6

Ne bualu bua nudi bana, Nzambi wakatuma Nyuma wa Muana wandi mu mitshima yetu, wela di diandi ne, Aba, Tatu.

Ngalate 3:16

Milayi yakalayidibua Abalahama ne kankanunuina kandi; kayakalayidibua tunkanunuma tua bungi, kadi anu muntu umue, kankanunuina kebe, Kilisto mene.

2 Korente 1:22

wakatutekela tshimanyishilu tshiandi ne wakatuha tshieya tshia Nyuma Muimpe mu mitshima yetu kabidi.

Yeshaya 49:6

mpindiu Yeye udi wamba ne, Mbualu budi butamba bukese bua wewe kuikala muntu wanyi bua kubisha kabidi bisamba bia Yakoba, ne bua kuhingasha ba mu Isalele badi bashala ne muoyo; ka nenkuyishe bu munya kudi ba bisamba bia bende, bua luhandu luanyi lufike tô ne kunfudilu kua buloba.

Bienzedi 5:32

Tuetu tudi bamanyi ba malu â, ne Nyuma Muimpe kabidi, udi Nzambi muhe badi batumikila mei andi.

Bienzedi 4:12

Mu munga muntu yonso kamuena luhandu, bualu bua kakuena dinga dina munshi mua diulu, diba bantu, didi dimanye mua kutusungila.

Luke 24:49

Monai, ndi nutumina mulayi wa Tatu wanyi; kadi nushale mu musoko eu tô ne hanuluatshishabo bukole bua mu diulu.

Luke 11:13

Nunku nuenu bantu babi, binuamanya mua kuha bana benu bintu bimpe, Tatu wenu wa mu diulu kena uha batu bamulomba Nyuma Muimpe, anyi?

Zekâya 12:10

Nengitshikishile ba mu tshiota tshia Davidi ne ba mu Yelushalema nyuma wa luse ne wa kutendekena; nebamumone wakutuabo difuma; nebamuashile muadi bu mudi muntu washila muanʼandi umuehele muadi, nebamudile ne kanyinganyinga kakole, bu mudi muntu udila ne kanyinganyinga kakole bua lufu lua muanʼa bute wandi.

Yezekiyele 39:29

Tshiena mbasokoka mpala wanyi kabidi; bualu bua nakuhumuina Bena Isalele Nyuma wanyi. Mukelenge Yehowa udi wamba dî edi.

Yirmeya 32:40

Nempunge nʼabo tshihungidi tshia tshiendelele ne, Tshiena ndekela kubalonda bua kubenzela bimpe; nenteke dintshina mu mitshima yabo, bua bobo kabahambuki kundi kabidi.

Yirmeya 31:33

Yehowa udi wamba ne, Kadi etshi ntshihungidi tshindualua kuhunga ne Bena Isalele ku nyima kua matuku au: nenteke mikenji yanyi munda muabo, nenyifunde mu mitshima yabo; meme nengikale Nzambi wabo, ne bobo nebikale bantu banyi.

Yeshaya 52:10

Yehowa wakuvula tshilulu ha diboko diandi dia tshijila ku mesu kua bisamba bionso bia bantu; ne bonso ba kunfudilu kua buloba bakumona luhandu lua Nzambi wetu.

Yeshaya 41:8

Kadi wewe, Isalele muntu wanyi. Yakoba unakusungula, kankanunuina ka Abalahama mulunda wanyi,

Genese 22:18

bisamba bionso bia ha buloba nebisanke bualu bua tunkanunuma tuebe, bualu bua wewe wakatumikila di dianyi.

1 Petro 3:9

kanushintakashi bubi ku bubi anyi tshihendu ku tshihendu; kadi nushintakashangane nʼabo disanka; bua nuakabikidibua bua muanda eu, bua nuenu kuhiana disanka.