Ngalate 1:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ kubulula Muana wandi munda muanyi bua meme kuambila ba mu bisamba bia bende lumu luimpe luandi; tshikondo atshi tshiakahunga dî ne bantu.

MUKANDA WA MYIDI MUKULU

¹⁶ Diba divuaye musue kutumanyisha Muanende, bua meme kumanyisha bantu ba bisamba bikuabu Lumu luende lua Disanka, tshivua muye kulomba meji kudi muntu.

Ngalate 1:16 Eitobir Enkop

Matayi 16:17

Yesu wakamuandamuna ne, Simona Bâ-yona, wewe udi ne disanka; bantu kabakukubuluila bualu ebu, anu Tatu wanyi wa mu diulu.

Efeze 6:12

Bualu bua diluangana dietu dia bibula kadiena dia kufuilangana ne munyinyi ne mashi, kadi ndia kufuilangana ne makelenge ne makokeshi ne banfumu ba midima ba buloba ebu, ne bisumbu bia nyuma mibi bidi mu miaba ya mu diulu.

Efeze 3:1

Bua muanda eu, meme Paulo, udi muena lukanu wa Kilisto Yesu bua bualu buenu, nuenu ba mu bisamba bia bende.

2 Korente 4:6

Bualu bua Nzambi nguakamba ne, Munya neuteme mu mîdima; yeye wakatema mu mitshima yetu bua kutuha dinkenka dia lungenyi lua butumbi bua Nzambi ha mpala ha Yesu Kilisto.

Rome 11:13

Ndi nuambila dî, nuenu ba bisamba bia bende. Bualu bua meme ndi mupostolo kudi bisamba bia bende, ndi ntumbisha mudimu wanyi;

Bienzedi 22:21

Yeye wakangambila ne, Umuke munemu, bualu bua nenkutume kuakua kule kudi bisamba bia bende.

Bienzedi 9:15

Kadi Mukelenge wakamuambila ne, Ya biebe, bualu bua yeye udi bu luhanza lunakasungula bua kutuala dina dianyi ku mesu kua bisamba bia bende, ne kua banfumu, ne kua bana ba Isalele;

Matayi 26:41

Nudimuke, nutendelela Nzambi; nunku kanuhonyi mu mateyi; mutshima udi musue nunku, kadi mubidi udi mutekete.

Dielulula 33:9

Wakambila tatu wandi ne mamu wandi ne, Tshiena mumumone; kena mumanye bana babo, kena mumanye bana bandi, bualu bua bobo bakatumikila dî diebe ne tshihungidi tshiebe.

Ebrewu 2:14

Bualu bua bana bakuabanyangana mubidi ne mashi, yeye muine kabidi wakadiangatshila bintu binʼebe muomumue; bua ku lufu luandi yeye amuvuishe tshianana udi ne bukole bua lufu, ndiabolo mene;

2 Timote 1:11

luakantekabo musambi ne mupostolo ne muyishi bualu bualu.

1 Timote 2:7

Bua bualu ebu nakatekibua muambi ne mupostolo (ndi ngamba dî dilelela, tshiena nshima nasha) muyishi wa ba bisamba bia bende mu ditabusha ne mu malu malelela.

1 Tesalonike 2:16

badi batukanda bua tuetu katuakudi ne ba bisamba bia bende bua bobo basungidibue; nunku bobo badi bakumbasha mibi yabo misangu yonso; kadi hashishe tshishi tshiakafika kudibo.

Ngalate 2:1

Hakashika bidimu dikumi ne binai, nakaya ku Yelushalema tshiakabidi ne Bânaba; tuakaya ne Tito kabidi.

2 Korente 5:16

Nunku mu malu atshidi ku mpala katuena bamanye bantu ku mibidi yabo; bituamana kumanya Kilisto ku mubidi wandi diambedi, katataka katuena bamumanye nunku kabidi.

1 Korente 15:50

Ndi ngamba bualu ebu, bana betu, ne, Munyinyi ne mashi kabiena bimanye mua kuhiana bukelenge bua Nzambi. Ne bintu bidi bibole kabiena bihiana bintu bidi kabi bibole.

Bienzedi 5:42

Ku dituku ku dituku, mu ntempelo ne mu nsubu yabo, kabakalekela kuyisha bantu ne kubambila lumu luimpe ne, Yesu udi Kilisto.

Bienzedi 9:20

Ha diba adi mene wakabanga kuambila bantu bualu bua Yesu mu nsunagoga ne, Yeye udi Muana wa Nzambi.

Rome 1:5

Tuakuangata ngasa kudiye ne bupostolo, bua kuvudisha ditumikila dia ditabusha munkatshi mua bisamba bia bende bionso, bualu bua dina diandi.