Nehemya 9:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Wewe wakumuka ku mukuna wa Sinai, wakahueka mu tshibanda, wakuakula nʼabo mu diulu, wakabaha mei majalame ne mikenji milelela ne mayisha mimpe ne mikandu,

MUKANDA WA MYIDI MUKULU

¹³ Wewe kupueka mu diulu, kubambila malu ku mukuna wa Sinayi. Wewe kubamanyisha mikenji milenga, kubalongesha malu malelela, kubelela meyi ne mikandu bidi bilengelela bantu.

Nehemya 9:13 Eitobir Enkop

Misambu 119:160

Dishina dia dî diebe mbushuwa, ne kulumbulula kuebe kuonso kudiku tshiendelele.

Ekesode 20:1

Nzambi wakamba mei â onso ne,

Ekesode 19:11

badilongolole ku dituku disatu, bualu bua Yehowa neahueke ha mukuna wa Sinai ku mesu kua bantu dituku disatu.

Rome 7:16

Bingenza bualu ebu bundi tshi musue, ndi ngitabusha mikenshi ne, Idi mimpe.

Abakuke 3:3

Nzambi wakafuma ku Temena, Wa Tshijila wakafuma ku mukuna wa Palana. Butumbi buandi buakabuikila diulu, buloba buakûla tente ne butumbi buandi.

Yeshaya 64:3

Hawakenza malu akatukuatshisha buowa atuakadi katuyi batekemena, wakahueka biebe, mikuna yakakanka ku mpala kuebe.

Yeshaya 64:1

Nakadi kusua bua wewe ubande diulu, uhueke hanshi ha buloba bua mikuna ikanke ku mpala kuebe,

Misambu 119:137

Yehowa, wewe udi muakane, kulumbulula kuebe kudi kuakane kabidi.

Dielulula 33:2

Yeye wakamba ne, Yehowa wakahueka ha mukuna wa Sinai, wakabika munkatshi muabo ku Sei, wakatemena ku mukuna wa Palana, wakamueneka munkatshi mua binunu makumi bia bantu bandi ba tshijila, wakalua kudibo ne mikenji mitema kahia mu tshianza tshiandi tshia bukole.

Dielulula 5:4

Yehowa wakasomba nʼenu mpala ha mpala ha mukuna munkatshi mua kahia,

Dielulula 4:33

Bantu kai bakumpa dî dia Nzambi diakalua kudibo munkatshi mua kahia, bu munuakadiunvua, ne bakikala ne muoyo?

Dielulula 4:8

Tshisamba kai tshidi ne mikenji ne mei majalame bu mikenji ei yonso inakateka ku mpala kuenu lelu?

Ekesode 20:22

Yehowa wakambila Mose ne, Wewe wambila Bena Isalele ne, Nuenu nkayenu nuakumona bu munakusomba nʼenu mufume mu diulu.

Ekesode 16:23

Yeye wakabambila ne, Edi ndî diakuamba Yehowa ne, Makelela udi dituku dia kuikisha dia tshijila, dituku diakadijidila Yehowa nulambe bidia ne munyinyi binudi basue, ne bintu bionso bidi bishala, nubitekele bua kudia makelela.

Dielulula 4:36

Yeye wakanunvuisha dî diandi mu diulu bua kunumanyisha malu: wakanuisha kahia kandi kanene hanshi ha buloba; nuenu nuakunyua mei andi munkatshi mua kahia.

Misambu 119:4

Wewe wakajadika mikenji yebe bua tuetu tuyenze ne dinanukila.

2 Bakalenga 17:37

ne mikandu yandi ne mei andi ne mikenji yandi biakanufundileye, nubitumikile tô tshiendelele; kanutshinyi nzambi mikuabo.

Ezela 7:6

Ezela eu mene wakafuma mu Babulona; wakadi mufundi muakane wa mikenji ya Mose yakafila Yehowa, Nzambi wa Bena Isalele; mukelenge wakamunvuila mu malu onso akamuebesheye bualu bua tshianza tshia Yehowa, Nzambi wandi, tshiakadi kudiye.