Nehemya 6:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Bakamuha mbueshilu bua kuntshinyisha bua meme kuenza bualu ebu bubi bua bobo bikale ne lumu elu lubi lua kunfuisha nʼalu bundu.

MUKANDA WA MYIDI MUKULU

¹³ Bavua bamupe makuta bua tshinyi? Anu bua meme kuikala ne bowa, kulonda meyi abu, kupia tshibawu. Ke muvuabu mua kunyanga lumu luanyi, kumfuisha bundu.

Nehemya 6:13 Eitobir Enkop

Yirmeya 20:10

Bualu bua nakunvua kusonguela kua bantu ba bungi, buowa ku nseke yonso ne, Numunyoke, ne tuetu netumunyoke, mbu mudibo bamba kudi balunda banyi badi bansue, badi bakeba kumona kudishinda kuanyi; bumue yeye neitabushishibue, nênzeshibue ku bukole, netumuhite bukole, netudisombuele kudiye.

Yakobe 4:17

Nunku muntu udi mumanye mua kuenza bualu buimpe ne udi kai ubuenza, bualu ebu budi bubi kudiye.

2 Timote 1:7

Bua Nzambi kakatuha nyuma wa buowa; kadi wakatuha nyuma wa bukole ne wa dinanga ne wa kudikanda.

Yirmeya 18:18

Mu diba adi bakamba ne, Luai, tuelele Yelemiya tshifufu; bualu bua mikenji kayena yumuka kudi muakuidi, meji kaena umuka kudi bena meji, ne dî kadiena diumuka kudi muprofete. Luai, tumutahe ne ludimi, katuteleji matshu etu ku mei andi kabidi.

Nsumuinu 29:5

Udi ubomba muena mutumba nʼandi udi wandila makasa andi bukuondo.

Nehemya 6:6

ne mei mafunda nunku ne, Lumu luakatangadika munkatshi mua bisamba bionso bia bantu ne, Gesheme udi wamba bualu ebu ne, Wewe ne Bena Yuda nudi nuelangana meji bua kutomboka; bua bualu ebu wewe udi wibaka lumbu elu; wewe udi musue kuikala mukelenge wabo bu mudi mei â.

Didimanyisha 21:8

Kadi bua badi ne buowa, ne badi kabai ne ditabusha, ne bena tshikama, ne bashihianganyi, ne bena masandi, ne bena muhongo, ne batendeledi ba mpingu, ne bena mashimi bonso, luseke luabo neluikale mu dishiba didi ditema ne kahia ne soufre; didi lufu luibidi.

Tite 2:8

wikale ne mei malenge adi kâi mua kuhishibua; bua yeye udi ku luseke lua batuhumbishi afuishibue bundu, kai ne mua kuamba dî dibi bualu buetu.

1 Timote 5:14

Nunku ndi musue bansongakashi ba mu lufuila baye ku dibaka, balele bana, bakokeshe ba mu nsubu yabo, kabaheshi muhumbishi kaba ka kubendeye bena ekelesia;

2 Korente 11:12

Kadi bualu bundi ngenza nembuenze kabidi, bua meme kuhumbisha bantu badi bakeba ha kutumbilaho; nunku mu malu adibo batumbila nebabasangane muomumue nʼetu.

Bienzedi 6:13

bakatua ne bamanyi ba mashimi, bobo bakamba ne, Muntu eu kena ulekela kuhetula muaba eu wa tshijila, ne mikenshi ya Mose;

Matayi 26:59

Bakuidi banene ne balumbuludi bonso bakakeba bamonyi ba mashimi, bua kubandabo Yesu bua kumushiha;

Matayi 22:15

Hashishe, Bafalese bakaya, bakasangisha mei abo ne, Netumukuate ku mei andi munyi?

Matayi 10:28

Kanutshinyi badi bashiha mubidi, kadi kabena bamanye mua kushiha muoyo; kadi nutshine udi mumanye mua kujimisha muoyo ne mubidi kabidi mu Ngena.

Yezekiyele 2:6

Wewe, muana wa muntu, kubatshinyi nansha, kutshinyi mei abo kabidi, nansha hikala mingonge ne meba bikunyunguluke, nansha biwikala mushikame munkatshi mua tuminyiminyi; kutshinyi mei abo, kukuatshiki buowa bua mpala yabo, bualu bua badi tshisamba tshia bantombokedi.

Yirmeya 1:17

Nunku suika mukaba mu tshimono tshiebe, juka, ubambile mei onso andi nkuambila. Kuzakadi bua bualu buabo, bua meme tshikuzakashi ku mpala kuabo.

Yeshaya 57:11

Wakutshina nganyi ne nganyi wakunkuatshisha buowa, bua wewe udi ushima, ne kuakunvuluka, kuakuteka bualu buanyi mu mutshima webe? Tshiena muhuwe talalâ, tô ne musangu mule mene, ne bua muanda eu kuena untshina, anyi?

Yeshaya 51:7

Nungunvuile, nuenu badi bamanye buakane, badi ne diyisha dianyi dia mikenji mu mitshima yenu; kanutshinyi bihendu bia bantu, buowa kabunukuatshi bua matuka abo.

Muambi 7:1

Dina dimpe didi dihita manyi a mushinga mukole buakane, dituku dia lufu ndihita dia kuledibua bulengele.

Nsumuinu 22:1

Kuikala ne lumu luimpe kudi kuhita kuikala ne bubanji bua bungi buakane, ne kuheta dianyisha kudi kuhita kuheta kua tshiamu tshia argent ne tshia or buimpe.

Nehemya 6:12

Nakujingulula bualu ebu ne, Nzambi kakamutuma, kadi yeye nkayandi wakadiambila bualu ebu kuadi bualu bua Tobiya ne Sanebalata bakamuha mbueshilu.