Nehemya 2:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Nakambila mukelenge ne, Mukelenge ikale biandi ne muoyo tshiendelele; meme tshiena mua kubungama munyi, bualu bua musoko udi nkita ya bankambua banyi udi muhaula ne bibi biau bidi bioshibua ne kahia?

MUKANDA WA MYIDI MUKULU

³ Ke meme kuambila mukalenga ne: — Mfumuanyi, ndi nkujingila diakalenga kashidi! Meme tshiena mua kuikala ne disanka to, bualu tshimenga tshidibu bajike bankambua banyi ntshinyangakaja, kabidi biibi biatshi mbiosha ne kapia.

Nehemya 2:3 Eitobir Enkop

Nehemya 1:3

Bakangambila ne, Bantu bakumuka mu buhika mu buloba bukuabo badi bashalaku badi mu dikenga dikole, badi bafuishibua bundu; lumbu lua Yelushalema kabidi tutshidi hanshi, ne bibi bialu bidi bioshibua ne kahia.

Danyele 2:4

Hashishe, Bena Kasada bakandamuna mukelenge mu muaku wa Bena Alama ne, Mukelenge, wikale ne muoyo tshiendelele! Wawile bantu bebe tshilota, nunku netukujinguluiletshi.

1 Bakalenga 1:31

Hashishe Betasheba wakatua mpala wandi hanshi, wakakukuila mukelenge, wamba ne, Mukelenge wanyi Davidi, ikale ne muoyo tshiendelele!

Danyele 5:10

Bua mei a mukelenge ne a miloho yandi, mukelenge mukashi, mamu muledi wa mukelenge, wakabuela mu nsubu wa bidia bia disanka. Mukelenge eu mukashi wakambila mukelenge ne, Mukelenge wikale ne muoyo tshiendelele; mutshima webe kauhampakanyi, mpala webe kandamuki nunku nansha.

Misambu 137:6

Ludimi luanyi lulamate mu tshilakalaka tshianyi, bingikala tshiyi nkuvuluka; bingikala tshiyi ntumbisha Yelushalema ha mutu ha disanka dianyi didi ditamba bunene!

Danyele 6:21

Danyele wakandamuna mukelenge ne, Mukelenge, wikale ne muoyo tshiendelele!

Danyele 6:6

Hashishe, ba-gouverneur aba ne miloho bakadisangisha ku mpala kua mukelenge, bakamuambila ne, Mukelenge Dayawesha, wikale ne muoyo tshiendelele.

Muadi 2:9

Bibi biandi biakubuela mu buloba; yeye wakutshibula biamu biabi bituha bituha; mukelenge wandi ne miloho yandi badi bamuangalaka munkatshi mua bisamba bia bantu, mudi kamuyi mikenji; nansha baprofete kabatshiena bamona bikena kumona bifume kudi Yehowa.

2 Kulondolola 32:33

Hezikiya wakalala tulu ne bankambua bandi, bakamujika ku mukuna mu nkita ya bana ba Davidi; Bena Yuda bonso ne ba mu Yelushalema bakamutumbisha mu lufu luandi. Manashe muanʼandi wakakokesha mu muaba wandi.

2 Kulondolola 28:27

Ahaza wakalala tulu ne bankambua bandi, bakamujika mu musoko wa Yelushalema mene; kadi kabakamujika mu nkita ya bakelenge ba Isalele; Hezikiya muanʼandi wakakokesha mu muaba wandi.

2 Kulondolola 21:20

Yeye wakadi ne bidimu makumi asatu ne bibidi hakabangeye kukokesha; wakakokesha mu Yelushalema bidimu muanda mukulu; yeye wakumuka, bantu kabayi bamunange; bakamujika mu musoko wa Davidi, kadi kabakamujika mu nkita ya bakelenge.

Danyele 3:9

Bakambila mukelenge Nebukadenesâ ne, Wewe Mukelenge, wikale ne muoyo tshiendelele!

Misambu 102:14

Bualu bua bantu bebe badi ne mabue au dinanga, badi bafuila luhuishi luau luse.

Lewitiki 26:31

Meme nembutule misoko yenu, ne bitendelelu bienu nebikale hatuhu, bintu bienu kabiena bi tua dihembu kundi.

2 Bakalenga 25:8

Mu tshidimu tshia dikumi ne tshitema tshia bukelenge bua Nebukadenesâ, mukelenge wa Babulona, mu dituku dia muanda mutekete dia ngondo muitanu, Nebuzaladana, kapitene ka masalayi, muntu wa mukelenge wa Babulona, wakalua ku Yelushalema.

2 Kulondolola 36:19

Bakosha nsubu wa Nzambi ne kahia, bakashimbula ngumbu ya Yelushalema, bakosha mbalasa yau yonso ne kahia, bakahaula bintu bionso bia mushinga mukole.

Nehemya 2:13

Nakaluhuka butuku ku tshibi tshia ku luseke lua tshibanda, ku dina dia mai a mibuabua ku luseke lua diala, nakatangila lumbu lua Yelushalema luakadi lushimbuka hanshi ne bibi bialu biakadi bioshibua ne kahia.

Yirmeya 52:12

Mu ngondo muitanu, mu dituku dia dikumi dia ngondo—tshidimu tshiakadi tshidimu tshia dikumi ne tshitema tshia bukokeshi bua mukelenge Nebukadenesâ, mukelenge wa Babulona—Nebuzaladana, kapitene ka bansentedi ba masalayi, mukuatshishi wa mukelenge wa Babulona, wakalua ku Yelushalema.

Estere 8:6

Munyi mundi mua kutangila bualu bubi budi bulua kudi bantu banyi? Munyi mundi mua kutangila dibutuka dia bana betu?

Misambu 38:7

Bualu bua mulemba wanyi udi mûle tente ne disama didi dingosha, kakuena bukole mu misunyi yanyi.

Misambu 102:15

Nunku ba mu bisamba bia bantu nebatshine dina dia Yehowa, bakelenge bonso ba ha buloba nebatshine butumbi buebe.