Misambu 82:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Kabena bamanye, kabena bajingulula malu; badi bendakana eku ne eku mu midima. Bishimikidi bionso bia buloba bidi bikankishibue.

MUKANDA WA MYIDI MUKULU

⁵ “Kadi kanuena numvua, kanuena bamanye tshintu nansha tshimue, nudi mu miidima, nuenda nububuta, ke padi bantu bakeba kubutuka.

Misambu 82:5 Eitobir Enkop

Misambu 11:3

Hashimbulabo bishimikidi bia nsubu, muntu muakane udi mua kuenza tshinyi?

Mika 3:1

Nakamba kabidi ne, Ndi nnutendekena bua nunvue bienu, nuenu nudi ha mutu ha Bena Yakoba, ne badi bakokesha Bena Isalele; munyi munudi kanuyi bamanye mua kulumbulula biakane?

Rome 1:28

Bu muakahidiabo kuikala ne Nzambi mu meshi abo, nunku Nzambi wakabafila ku meshi a hatuhu akahidleye, bua kuenzabo malu adi kâi makanangane ne lungenyi.

Nsumuinu 2:13

badi balekela kuya mu nshila ya buakane bua kuendabo mu nshila ya mîdima.

1 Yone 2:11

Kadi muntu udi ne muanʼabo lukuna, yeye utshidi mu midima, udi wenda mu midima, kena mumanye kudiye uya, bualu bua midima yakufofomesha mesu andi.

Yowanane 12:35

Yesu wakabambila ne, Nenuikale ne munya munkatshi muenu anu tshituha tshihi. Endakanai hanutshidi ne munya, butuku kabunuididi; wendakana mu mîdima kena mumanye kudiye uya.

Nsumuinu 1:29

Bualu bua bakakula lungenyi, kabakasungula ditshina dia Yehowa.

Misambu 14:4

Benji ba malu mabi bonso kabena ne meji, anyi? Badi badia bantu banyi bu mudibo badia bidia, ne kabena babikila dina dia Yehowa.

2 Timote 2:19

Kadi bishimikidi bikole biakateka Nzambi bidi bijalama, bidi ne tshimanyishilu etshi ne, Mukelenge udi mumanye badi bandi; ne, Muntu yonso udi utela dina dia Mukelenge ûmuke biandi ku malu mabi.

Yowanane 3:19

Etshi ntshilumbu tshia bantu ne, Munya wakalua ha buloba, kadi bantu bakasua midima, kabakasua munya, bua bienzedi biabo biakadi bibi.

Yeshaya 59:9

Bua malu â kulumbulula kuakane kudi kule nʼetu, ne buakane kabuena butuheta; tudi tukeba munya, kadi monai, midima; tudi tukeba dinkenke, kadi tudi tuenda mu mufitu.

Yeshaya 5:7

Bualu bua budimi bua tumuma tua nvinyo bua Yehowa wa misumba budi tshisamba tshia Bena Isalele, ne bantu ba mu Yuda badi mitshi yandi idiye munange. Yeye wakatekemena kulumbulula kuakane, kadi monai! Kumatshisha kua mashi kudiku; wakatekemena buakane, kadi monai! Muadi udiku.

Misambu 53:4

Benji ba malu mabi kabena ne meji, anyi? Badi badia bantu banyi bu mudibo badia bidia, ne kabena babikila dina dia Nzambi.

Muambi 3:16

Nakatangila muinshi mua diba ne mu muaba wa tshilumbuluidi muakadi dihetu, ne mu muaba wa buakane muakadi bubi kabidi.

Muambi 2:14

Mesu a muena meji adi matangile ku mpala, ne muhote udi wenda mu midima; kadi nakajingulula ne, Bualu bumue budi bubakuata bonso.

Nsumuinu 4:19

Nshila wa bantu babi udi bu mîdima mikole; kabena bamanye tshidi tshibalenduisha.

Misambu 75:3

Hafingatuka buloba ne bantu bonso badi bashikamemu, meme muine ndi njadika makunshi abu.

Yobe 8:9

Bualu bua tuetu ludi anu bu bantu bakalelabo makelela, katuena bamanye bualu, bualu bua matuku etu a ha buloba adi anu bu mundidimbi.

Misambu 99:1

Yehowa udi ukokesha; bantu bazakale! Udi mushikame biandi mu nkuasa wa butumbi ha mutu ha bakeluba; buloba butenkakane!