Misambu 81:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Meme ndi Yehowa Nzambi webe wakakuluhula mu buloba bua Ejipitu. Bulula mukana muebe bitongatonga, nemmûshe tente.

MUKANDA WA MYIDI MUKULU

¹⁰ Kanuena mua kuikala ne mvidie mukuabu munkatshi muenu! Kanutendeledi mvidie ya bena bisamba bikuabu.

Misambu 81:10 Eitobir Enkop

Yowanane 15:7

Binuikala munda muanyi, bikala mei anyi munda muenu, nulombe tshionso tshinuasua, nebanuenzeletshi.

Misambu 107:9

Bualu bua yeye udi uha muntu tshidiye ujinga, ne udi ukutshisha muena nzala ne bintu bimpe.

Ekesode 20:2

Ndi bianyi Yehowa, Nzambi webe, wakakuhatula mu buloba bua Ejipitu, mu nsubu wa buhika.

Yowanane 7:37

Hakalua dituku dia kunshikidilu dia disanka, diakadi dituku dinene, Yesu wakimana, wakela dî diandi bikole ne, Bikala muntu ne nyota, alue kundi, anue.

Didimanyisha 21:6

Yeye wakangambila ne, Akuenjibua. Meme ndi A ne Z, tshibangidilu ne nshikidilu. Nempe udi ne nyota mai a ku mushimi wa muoyo tshianana.

Didimanyisha 22:17

Nyuma ne mukashi musela badi bamba ne, Lua. Udi unvua, ambe biandi ne, Lua. Ne udi ne nyota, alue biandi; udi musue, angate mai a muoyo tshianana.

Yowanane 16:23

Dituku adi kanuena nunkonka bualu. Bulelela, bulelela, ndi nuambila ne, Binualomba Tatu tshintu, yeye neanuhetshi mu dina dianyi.

Yirmeya 11:4

tshinakahunga ne bankambua benu dituku dinakabaluhula mu buloba bua Ejipitu, mu ditanda mudibo bafula tshiamu, ngamba bianyi ne, Nutumikile dî dianyi, nuenze malu onso andi nnuambila. Nunku nenuikale bantu banyi, ne meme nengikale Nzambi wenu;

Ekesode 20:3

Kuikadi ne nzambi mikuabo ne meme hohamue.

Dielulula 5:7

Kuikadi ne nzambi mikuabo ne meme hohamue.

Yoshua 24:14

Nunku nutshine Yehowa, numukuatshile mudimu ne muoyo wonso udi kauyi ne lubombo, nûmushe nzambi yakakuatshila bankambua bena mudimu dishiya dia musulu wa Pelata ne mu Ejipitu; nukuatshile Yehowa mudimu.

Yoshua 24:23

Wakabambila ne, Numushe nzambi ya bende idi munkatshi muenu, nuteke mitshima yenu kudi Yehowa, Nzambi wa Isalele.

Osheya 8:3

Bena Isalele bakubenga malu adi makane; badi nʼandi lukuna nebamulonde.