Misambu 101:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Ku dinda ku dinda nembutule bantu babi bonso ba mu buloba ebu, bua kumusha benji ba malu mabi bonso mu musoko wa Yehowa.

MUKANDA WA MYIDI MUKULU

⁸ Dinda dionsu nempuwishe bantu babi bonsu ba mu ditunga, bua kumusha bantu babi bena malu mabi mu tshimenga tshia Maweja-Nangila.

Misambu 101:8 Eitobir Enkop

Misambu 75:10

Nenkose nsengu yonso ya bantu babi, nenyumushe; kadi nsengu ya bantu bakane neyibandishibue.

Yirmeya 21:12

nuenu ba mu nsubu wa Davidi! Yehowa udi wamba ne, Nulumbulule bilumbu ne kulumbulula kuakane ne lunkelu, nuhandishe muntu udi ne bintu biandi binyengibue mu bianza bia mumukengeshi, bua tshiji tshianyi katshihatuki bu kahia, kadi kosha kakuyi udi mua kutshijima, bualu bua bubi bua bienzedi bienu.

Nsumuinu 16:12

Bienza bakelenge malu mabi, badi banyanguke, bualu bua nkuasa wa bukelenge udi ujadikibua ku buakane.

Nsumuinu 20:8

Mukelenge udi ushikama mu nkuasa wa bukelenge ukosamu bilumbu udi usungulula malu mabi onso ne mesu andi.

Misambu 48:8

Bu mutuakunvua lumu, mbu mutuakumona mu musoko wa Yehowa wa misumba, mu musoko wa Nzambi wetu: Nzambi neajadike bua kuikalaku tshiendelele.

Mika 3:9

Ndi nnusengelela bua nunvue bienu muanda eu, nuenu badi ha mutu ha tshiota tshia Yakoba, ne bakokeshi ba tshisamba tshia Bena Isalele, badi bakina kulumbulula kuakane, badi banyanga malu makane.

Osheya 9:3

Kabena bashala mu buloba bua Yehowa, kadi ba mu Efelayima nebahingane mu Ejipitu, nebadie bia kudia bidi bibiha mu Ashû.

Nsumuinu 20:26

Mukelenge udi ne meji udi usungula bantu babi, udi ubungulusha dikalu dia kushihula nʼadi hamʼbidi habo.

Misambu 48:2

Mukuna wa Siona udi mulengele mu kubanda kuau mulu, ku nseke ya ku nôde, disanka dia ba ha buloba bonso, musoko wa Mukelenge munene.

Misambu 46:4

Musulu udiku, ne tusulu tuau tudi tusankisha musoko wa Nzambi, muaba wa tshijila udi ne nsubu ya Mutambe Bunene wa mu Diulu.

Didimanyisha 21:27

Kakuena tshintu tshia tshianana tshidi tshibuelamu, nasha kakese; nasha muntu udi wenza bualu bubi ne mashimi; kadi anu badi ne mena abo mafunda mu mukanda wa muoyo wa Muana wa Mukoko nebabuelemu.

Misambu 92:10

Kadi wewe wakubandisha lusengu luanyi bu lua mbowa, wakungela manyi mahia-mahia ha mutu hanyi.