Misambu 10:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Muntu mubi udi wamba mu diambu diandi ne, Nzambi kena ukengesha muntu. Meji andi onso adi anu nunku ne, Kakuena Nzambi.

MUKANDA WA MYIDI MUKULU

⁴ Muntu mubi udi wela mpala mulu, wamba ne: “Mvidi Mukulu kena unyoka muntu. Kenaku mene.” Ke meji onsu adi muntu mubi wela.

Misambu 10:4 Eitobir Enkop

Rome 1:28

Bu muakahidiabo kuikala ne Nzambi mu meshi abo, nunku Nzambi wakabafila ku meshi a hatuhu akahidleye, bua kuenzabo malu adi kâi makanangane ne lungenyi.

Bienzedi 8:22

Nunku kudimuna mutshima webe, ulekele bubi buebe ebu, ulombe Nzambi ne bumue neakubuikidile meshi adi munda muebe.

Genese 6:5

Yehowa wakamona ne, Mibi ya bantu idi idiundadiunda munkatshi mua ba ha buloba ne meji adibo bela mu mitshima yabo adi mabi matuku onso.

Rome 1:21

Bualu bua hakamanyabo Nzambi, kabakamutumbisha bu Nzambi, kabakamusakidila; kadi meshi akelabo akalua a hatuhu, ne mitshima yabo mijibale yakalua mîdima.

Yeshaya 65:2

Nakuolola bianza bianyi dinda tô ne dilolo kudi bantu badi bantombokela, badi benda mu nshila udi kayi muimpe, balonda malu adi bobo bine badihangidishila.

Misambu 53:1

Muhote udi wamba mu mutshima wandi ne, Kakuena Nzambi. Badi banyanguke, badi benza malu mabi adi afuisha bundu; kakuena nansha umue wabo udi wenzaku malu mimpe.

Yobe 22:17

Bakambila Nzambi ne, Umuka kutudi; bakakonka ne, Wa Bukole Buonso udi mua kutuenzela tshinyi?

Dielulula 8:14

hashishe nudimuke, kanudisu mu mitshima yenu, kanuhu muoyo bua Yehowa, Nzambi wenu, wakanuhatula mu buloba bua Ejipitu ne mu nsubu wa lukanu;

Ekesode 5:2

Palo wakamba ne, Yehowa nganyi? Tshiena ngitabusha di diandi bua kulekela Bena Isalele. Meme tshiena mumanye Yehowa ne tshiena ndekela Bena Isalele.

Efeze 2:12

numiluke ne, Ku tshikondo atshi nuakadi kanui ne Kilisto, nuakadi bantu ba bende kudi tshisamba tshia Isalele, nuakadi benyi ku bihungidi bua mulayi wa Nzambi, kanui ne ditekemena, kanui no Nzambi mu buloba ebu.

Marke 7:21

Mu mitshima ya bantu mudi muluhuka meshi mabi ne tshiendenda ne buibi ne kushiha kua bantu ne masandi

Sefanya 2:3

Kebai Yehowa, nuenu bena kalolo bonso ba ha buloba, badi batumikila mikenji yandi; kebai buakane, kebai kalolo; bumue nebanusokoke mu dituku dia tshiji tshia Yehowa.

Yirmeya 4:14

Wewe, Yelushalema, uvuwa mutshima webe ku malu mabi, bua wewe kusungidibua. Meji ebe mabi neashale munda muebe musangu bule bishi?

Yirmeya 2:31

Nuenu ba mu tshikondo etshi, unvuai dî dia Yehowa. Nakadi bu tshihela kudi Isalele, anyi? Nakadi bu buloba budi ne mîdima mikole, anyi? Bua tshinyi bantu banyi badi bamba ne, Tudi bakelenge nkayetu; katuena tulua kûdi kabidi?

Yeshaya 59:7

Makasa abo adi aya lubilu kudi malu mabi, adi adiendesha lubilu bua kumatshisha mashi a muntu udi kayi ne tshilumbu; meji abo adi meji mabi, kubutuka ne kuoneka kudi mu nshila yabo minene.

Yeshaya 3:9

Kansungusungu kabo ka mu bilumbu kadi kabahisha; badi balesha bakuabo bubi buabo, kabena babusokoka, bu muakenza Bena Sodoma. Mulau wikale kudibo! Bualu bua badi badivuishila malu mabi!

Yeshaya 2:11

Mesu a diambu a bantu neinamishibue, dihetu dia bantu banene nedihuekeshibue, ne Yehowa nkayandi neatumbishibue mu dituku adi.

Nsumuinu 30:13

Bantu badiku,—mona mudi mesu abo ne dihetu, ne mudibo bahanda mesu mulu!

Nsumuinu 30:9

bua meme tshiukutshi, tshikubengi, tshiandi ne, Yehowa nganyi? Anyi bua tshikadi muhele ne tshibi bianyi, bua tshinyangi dina dia Nzambi wanyi.

Nsumuinu 21:4

Mesu adi ne dihetu ne mutshima udi udibandisha bidi disanka dia bantu babi, bidi malu mabi.

Nsumuinu 6:17

mesu adi ne dihetu, ludimi ludi lushima, ne bianza bidi bimatshiha mashi a badi kabayi ne tshilumbu hanshi,

Misambu 101:5

Wasonkuela muena mutumba nʼandi mu busokoko, nemmubutule yeye. Wikala ne mesu adi ne dihetu ne mutshima udi ne kudisua, tshiena mmuitabusha.

Misambu 36:1

Ditomboka diandi didi diambila muntu mubi dî munda mua mutshima wandi; kakuena ditshina dia Nzambi ku mesu kuandi.

Misambu 27:8

Wewe wakuamba ne, Ukebe mpala wanyi. Mutshima wanyi wakukuambila ne, Yehowa, nenkebe mpala webe.

Misambu 18:27

Bualu bua udi ubandisha bantu badi badihuekesha; kadi udi uhuekesha badi ne mesu a dihetu,

Misambu 73:11

Badi bamba ne, Nzambi udi mumanye munyi? Mutambe Bunene wa mu diulu udi ne lungenyi, anyi?

Muambi 8:11

Bualu bua kabena bakengesha benji ba malu mabi lukasa, mitshima ya bana ba bantu idi ikoleshibua bua kuenza malu mabi.

Sefanya 1:12

Mu tshikondo atshi nenkebekebe mu Yelushalema ne minda, nenkengeshe bantu badi bashikame tshianana bua maluvu a nyinyo musambakena ha bisekeseke, badi bamba mu mitshima yabo ne, Yehowa kena wenza malu mimpe, kena wenza malu mabi.