Misambu 1:2 - Mukanda wa Nzambi Dihungila Dikulukulu ne Dihungila Dihia-dihia 2003

² Kadi disanka diandi didi mu mikenji ya Yehowa, ne mu mikenji yandi mudiye welangana meji munya ne butuku.

MUKANDA WA MYIDI MUKULU

² Muena diakalenga mmuntu udi unanga mikenji ya Maweja-Nangila. Udi uyambululula butuku ne munya, welaku meji.

Misambu 1:2 Eitobir Enkop

Yoshua 1:8

Mukanda eu wa mikenji yanyi kaumuki mukana muebe; kadi welangane meji a mukanda eu munya ne butuku, udimuke mua kuenza malu onso adi mafundamu; hashishe neutute dikasa dimpe, newikale ne diakalengele.

Misambu 119:92

Bu mikenji yebe kayiyi mikale disanka dianyi, nakadi kujimina mu makenga anyi.

Misambu 119:11

Nakulama dî diebe mu mutshima wanyi, bua meme tshikuenzedi bibi.

Rome 7:22

Ndi nsanka munda muanyi bua mikenshi ya Nzambi,

Yirmeya 15:16

Nakasangana mei ebe, nakâdia; mei ebe akadi kundi bu disanka ne akasankisha mutshima wanyi; bualu bua badi bambikila ku dina diebe, wewe Yehowa, Nzambi wa misumba.

Misambu 119:35

Ungendeshe mu nshila wa mikenji yebe, bualu bua ndi ne disanka bualu buai.

Misambu 112:1

Tumbishai Yehowa! Disanka didi kudi muntu udi unemeka Yehowa, udi usanka bikole bua mikenji yandi!

Misambu 104:34

Meji andi ngela bua bualu buandi amusankishe, bua meme ndi nsanka mu Yehowa.

Misambu 40:8

ndi ne disanka bua kuenza disua diebe, Nzambi wanyi, bulelela, mukenji webe udi mu mutshima wanyi.

Misambu 119:1

Disanka didi kudi badi bajalame tshishiki mu bienzedi biabo, badi balonda mikenji ya Yehowa!

1 Yone 5:3

Bua edi ndinanga dia Nzambi, bua tuetu tutumikile mikenshi yandi; ne mikenshi yandi kayena itunemena bujitu.

Yobe 23:12

Tshiakulekela kutumikila mukenji wa ku mishiku yandi; nakubuta mei a mukana muandi mu mutshima wanyi.

1 Timote 4:15

Unanukile kuikala mu malu â, udiele ne mutshima webe wonso kudiu, bua kudiunda kuebe kumueneke kudi bonso.

Misambu 119:72

Mikenji ya mukana muebe idi ihita bituha binunu bia biamu bia or ne bia argent kundi.

Luke 2:37

wakashala mu lufuila bidimu makumi muanda mukulu ne binai; yeye kakumuka mu ntempelo, wakatendelela Nzambi butuku ne munya, ujila bia kudia, umulomba.

2 Timote 1:3

Ndi nsakidila Nzambi, undi nkuatshila mudimu mu muoyo-mukese mutoke, bu muakenza bankambua banyi, mundi nkuvuluka tshi ne ndekelu mu kulomba kuanyi, butuku ne munya

1 Tesalonike 2:9

Bualu bua nudi nuvuluka, bana betu, mudimu wetu mukole ne lutatu luetu; butuku ne munya tuakenza mudimu bua katudivuishi bujitu hamʼbidi ha nasha umue wenu; nunku Nakanuambila lumu luimpe lua Nzambi.

Luke 18:7

Nzambi mene kena usombuela bakasunguleye, batu badila kudiye butuku ne munya, nasha bialehesheye musangu mule bua kubakuatshisha, anyi?

Misambu 88:1

Yehowa, Nzambi wa luhandu luanyi, nakudila ku mpala kuebe munya ne butuku.

Genese 24:63

Isaka wakaya mu budimi dilolo bua kutendelela, wakabandisha mesu andi, ne monai, tumelo tuakadi tulua.

Ezela 7:10

Bualu bua Ezela wakadi mujadike mu mutshima wandi bua kukeba mikenji ya Yehowa ne bua kuyenza ne bua kuyisheye Bena Isalele mikenji ne mei majalame.