Mika 2:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Nudi nuihata bakashi ba bantu banyi mu nsubu yabo mudibo ne disanka; nudi nunyenga butumbi buanyi kudi bana babo batekete tshiendelele.

MUKANDA WA MYIDI MUKULU

⁹ Nudi nuipata bakaji ba bantu banyi, mu nzubu idibu banange. Nudi nunyenga bana babu kashidi diakalenga ne lumu bimvua mubapeshe.

Mika 2:9 Eitobir Enkop

Abakuke 2:14

Kadi buloba nebûshibue tente ne kumanya kua Yehowa, bu mudi mai avuisha mai manene onso.

Yezekiyele 39:21

Nenjadike butumbi buanyi munkatshi mua bisamba bia bantu; ne ba mu bisamba bionso nebamone munakushikisha kulumbulula kuanyi kunakubalumbuluisha, ne tshianza tshianyi tshinakuteka hamʼbidi habo.

2 Korente 4:6

Bualu bua Nzambi nguakamba ne, Munya neuteme mu mîdima; yeye wakatema mu mitshima yetu bua kutuha dinkenka dia lungenyi lua butumbi bua Nzambi ha mpala ha Yesu Kilisto.

2 Korente 3:18

Kadi buonso buetu, katui ne tshilulu tshikudika ha mpala, tudi tutangila bu mu ludimuenu butumbi bua Mukelenge, tudi tuandamushibua mu tshifuanyikishi tshiotshimue ku butumbi ne ku butumbi; bu mudi kudi Mukelenge Nyuma.

Luke 20:47

bobo kabidi batu banyenga nsubu ya bakashi ba mu lufuila; batu batendelela Nzambi musangu mule anu bualu bua lubombo luabo; kuhila kuabo nekutambe bunene.

Marke 12:40

bobo kabidi batu banyenga nsubu ya bakashi ba mu lufuila; batu batendelela Nzambi musangu mule anu bualu bua lubombo luabo; kuhila kuabo nekutambe bunene.

Matayi 23:13

Nuenu bafundi ne Bafalese, nudi bena lubombo, mulau ulualua kunudi, bualu bua nuenu nudi nuinshidila bantu tshibi tshia bukelenge bua mu diulu; nuenu kanuena nubuelamu, kanuena nuitabusha bua bakuabo badi basue kubuela babuele!

Zekâya 2:5

Bualu bua meme hanyi nengikale kudiye bu lumbu lua kahia lumunyunguluke, ne nengikale butumbi buandi munkatshi muabo. Yehowa udi wamba nunku.

Mika 2:2

Badi bakuma mitshima yabo ku madimi a bakuabo, badi bânyenga; ne ku nsubu ya bende, badi bayinyenga. Badi bakengesha muntu ne ba mu nsubu wandi, muntu mene ne buhianyi buandi.

Yowele 3:6

Nuakahana Bena Yuda ne Bena Yelushalema kudi Bena Gelika bua kubumusha mu buloba buabo ne bua kubatuma kule.

Yirmeya 10:20

Ntenta wanyi udi mushimbuke, mionshi yanyi yonso yakukoseka. Bana banyi bonso bakûmuka kundi, kabenaku kabidi; kakuena mukuabo wa kunvunguluila ntenta wanyi kabidi, anyi wa kundongoluela bilulu bianyi bikudika.

Misambu 72:19

Dina diandi dia butumbi divudishibue disanka tshiendelele; buloba bujima bûshibue tente ne butumbi buandi. Amen ne Amen.

1 Samuele 26:19

Katataka ndî nkusengelela ne, Mukelenge wanyi unvue mei a muntu wandi. Bikala Yehowa nguakakusonsolola bualu buanyi, yeye itabushe mulambu; kadi bikala bantu mbakenza nunku, bobo bedibue mulau kudi Yehowa, bualu bua bobo bakungihata lelu bua meme tshikadi mu buhianyi bua Yehowa, badi bangambila ne, Ya, ukuatshile nzambi mikuabo mudimu.

Amosa 2:7

Badi bajinga bua kumona luhuishi mene ha mitu ya bahele, badi basesuisha bena dikenga mu nshila. Muana wa balume ne tatuʼandi badi basangila bulalu ne nsongakashi umue, badi banyanga dina dianyi dia tshijila nunku.