Kolose 1:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Nyeye wakatuhandisha ku bukokeshi bua mîdima, wakatubuesha mu bukelenge bua Muana wa dinanga diandi,

MUKANDA WA MYIDI MUKULU

¹³ Bualu mmutupikule ku bukole bua miidima, mutubueje mu bukalenga bua Muanende munanga.

Kolose 1:13 Eitobir Enkop

Bienzedi 26:18

bua wewe kubulula mesu abo, bakome nyima ku midima batangile ku munya, bakoma nyima ku bukole bua Satana batangile kudi Nzambi, bua bobo bahete dijimisha dia mibi yabo ne buhianyi munkatshi mua badi balengeshibue ku ditabusha didibo bangitabusha nʼadi.

Efeze 5:8

Diambedi nuakadi midima, kadi katataka nudi munya mu Mukelenge; endai bienu bu bana ba munya

1 Petro 2:9

Kadi nuenu nudi tshisamba tshisungudibua, ne bakuidi ba bukelenge, ne tshisamba tshia tshijila, bantu badi bikale ba Nzambi muine, bua nuenu nuambe bua buimpe bua Nzambi wakanubikila bua kunuhatula mu mîdima bua kunubuesha mu munya wandi wa dikema.

Efeze 6:12

Bualu bua diluangana dietu dia bibula kadiena dia kufuilangana ne munyinyi ne mashi, kadi ndia kufuilangana ne makelenge ne makokeshi ne banfumu ba midima ba buloba ebu, ne bisumbu bia nyuma mibi bidi mu miaba ya mu diulu.

1 Tesalonike 2:12

bua nuenu nuende bakanangane ne Nzambi, udi unubikila bua nuenu kubuela mu bukelenge buandi ne mu butumbi buandi.

Efeze 4:18

bakafikishibua mu meshi abo badi bavuishibua benyi ku muoyo wa Nzambi, bualu bua dihanga dia lungenyi munda muabo, bua dikoleshibua dia mitshima yabo.

Rome 14:17

Bua bukelenge bua Nzambi kabuena bualu bua kudia ne bua kunua, kadi mbua buakane ne ditalala ne disanka bia mu Nyuma Muimpe.

1 Yone 3:14

Tudi bamanye ne, Tuakumuka ku lufu, tuakubuela mu muoyo, bualu bua tudi tunanga bana betu. Yeye udi kai ne dinanga udi muikale mu lufu.

2 Korente 4:4

bakafofomishabo mesu a meshi a badi kabai bitabusha kudi nzambi wa tshikondo etshi, bua dinkenka dia lumu luimpe lua butumbi bua Kilisto, udi tshifuanyikishi tshia Nzambi, kaditemi kudibo.

1 Yone 3:8

yeye utu wenza bibi udi wa diabolo; bualu bua diabolo udi muenze bibi ku tshibangidilu. Bua bualu ebu Muana wa Nzambi wakamueneshibua bua kubutuleye midimu ya diabolo.

Yowanane 5:24

Bulelela, bulelela, ndi nuambila ne, Unvua dî dianyi, witabusha wakuntuma, udi ne muoyo wa tshiendelele, kena ulua ku tshilumbu, wakumuka mu lufu, wakubuela mu muoyo.

1 Yone 2:8

Ndi nufundila mukenshi muhia-muhia kabidi, budi bualu bulelela munda muandi ne munda muenu; bualu bua butuku butshiatshia, ne munya mulelela wakumana kutema.

2 Petro 1:11

bua nunku nebatambe kunukumbashila ha kubuelela mu bukelenge bua tshiendelele bua Mukelenge wetu, udi kabidi Musungidi Yesu Kilisto.

Luke 13:24

Nuidikishe mua kubuela ku mushiku wa mbelu mubumbakane; ndi nuambila ne, Ba bungi nebakebe kubuelaku, nebahange.

Yeshaya 42:1

Tangilai, muntu wanyi undi nshindika, wanyi musungula udi mutshima wanyi usanka bualu buandi. Nakumuela Nyuma wanyi hamʼbidi handi; yeye neavuishile bisamba bia bende kulumbulula kuakane.

Ebrewu 2:14

Bualu bua bana bakuabanyangana mubidi ne mashi, yeye muine kabidi wakadiangatshila bintu binʼebe muomumue; bua ku lufu luandi yeye amuvuishe tshianana udi ne bukole bua lufu, ndiabolo mene;

Yowanane 17:24

Tatu, ndi musue bawakumpa bikale kundi bua kutangilabo butumbi buwakumpa, bualu bua wewe wakansua meme diambedi kabai banze kufuka buloba.

Luke 22:53

Hanakadi nʼenu mu ntempelo ku dituku ku dituku, kanuakandenga bianza; kadi edi diba ndienu, ne bukokeshi bua mîdima.

Matayi 3:17

ne unvuai, dî diakafuma mu diulu ne, Eu udi Muana wanyi munanga, yeye udi unsankisha bimpe.

Matayi 25:34

Hashishe, Mukelenge neambile badi ku tshianza tshiandi tshia balume ne, Luai, nudi nusankishibua kudi Tatu wanyi, nuhiane bukelenge buakunulongoluelabo ku tshibangidilu tshia buloba;

Zekâya 9:9

Sanka bikole, wewe muana mukashi wa mu Siona; ela mbila ne disanka, wewe muana mukashi wa mu Yelushalema. Mona, Mukelenge webe udi ulua kûdi; yeye udi muakane ne wakutamba hadi nʼandi lukuna bukole; udi ne kalolo, udi wenda ha nyima ha mpunda, ba nyima ha muana wa nyama wa mpunda mene.

Yeshaya 53:12

Nunku nemmutahuluile luseke lua bintu hohamue ne bantu banene, ne yeye neabanyangane bintu binyenga mu nvita hohamue ne bantu bakole; bualu bua wakahumuna mashi a muoyo wandi tô ne ku lufu, wakabadibua munkatshi mua bantu babi, hakatualeye mibi ya ba bungi, ne wakakuila benji ba malu mabi.

Efeze 1:6

ku dianyisha dia butumbi bua ngasa wandi wakatuheye hatuhu mu Muana wandi Munanga.

Matayi 17:5

Hakatshidiye wamba nunku, monai, ditutu diengelela diakababuikila; dî diakaluhuka mu ditutu ne, Eu udi Muanʼanyi munanga, yeye udi unsankisha bimpe, munvuilai.

Yowanane 3:35

Tatu udi musue Muana wandi, wakafila bintu bionso mu bianza biandi.

Yeshaya 60:2

Bua mena, midima neyibuikile buloba, ne mîdima mifike-fitutû neyibuikile bantu; kadi Yehowa neabande hamʼbidi hebe mene, butumbi buandi nebumueneshibue hamʼbidi hebe.

2 Korente 11:14

Ne kembualu bua kukema nasha; bualu bua Satana mene udi udiandamuna bu muanjelo wa munya.

Efeze 5:5

Nudi bamanye bienu bulelela ne, Kakuena muena masandi anyi muena mutshima mubi anyi muena lukuka lua biuma udi mutendeledi wa mpingu, udi ne buhianyi mu bukelenge bua Kilisto ne bua Nzambi.