Genese 6:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Nzambi wakambila Noa ne, Kunshikidilu kua bantu bonso kuakufika ku mpala kuanyi bualu bua buloba budi bûle tente ne mayoyo bualu buabo, mona, nembajimishe ne buloba hamue.

MUKANDA WA MYIDI MUKULU

¹³ Nanku kuambilaye Nowa ne: “Tshikondu tshia kubutula bionsu bidi ne muoyi pa buloba tshiakumbanyi! Bualu buenzayi budi pa buloba bujima, mbufume anu kudi bantu. Nanku ndi musue kubabutula pa buloba.

Genese 6:13 Eitobir Enkop

1 Petro 4:7

Kadi kunshikidilu kua malu onso kudi ha buihi; nunku nuikale ne meshi majalama, ne nuikale bahole mu mitendelelu;

Amosa 8:2

Yeye wakankonka ne, Amosa, udi umona tshinyi? Nakamuitaba ne, Tshibondo tshia mamuma mabobe. Hashishe, Yehowa wakangambila ne, Nshikidilu wakufika kudi bantu banyi Bena Isalele; tshiena mbabuikidila bubi kabidi tshiendelele.

Genese 7:23

Wakajimisha tshintu tshionso tshiakadi ne muoyo ha buloba, ne bantu ne bimuna ne bintu bidi bidikoka hanshi ne nyunyu ya mulu, bintu bionso biakajimina ha buloba, anu Noa ne bantu ne bintu biakadiye nʼabi mu buatu biakashala.

Genese 6:4

Mu matuku au bantu banene ba nfiondo bakadi ha buloba, ne hakaya bansongalume ba bantu ba Nzambi kudi bansongakashi ba bantu ba tshianana, bakalela nʼabo bana Bobo bakadi bantu banene ba kale ne ba butumbi.

Ebrewu 11:7

Bua ditabusha Noa, hakadiye mudimushibue bua malu akadi kâi manze kumuenebua, muenzeshibue ku dishina dia Nzambi, wakalongolola bualu bua kusungila nʼabu ba mu nsubu muandi; bua bualu ebu wakahisha ba ha buloba, wakalua muhianyi wa buakane budi bua ku ditabusha.

Yirmeya 51:13

Wewe udi mushikame hetu ne misulu ya mai ya bungi, udi ne luhetu lua bungi, nshikidilu webe wakumana kufika, luhetu luwakuangata ku buihi ludi luamba kujimina.

Genese 49:5

Shimeona ne Lewi badi bana babo mene, miele yabo ya nvita idi mikole.

Genese 6:14

Enza biebe buatu ne mutshi wa gopher, enza nsubu mikese munda mua buatu ne laba kamonyi munda mua buatu ne ku nyima kuabu kabidi.

Genese 7:4

Haleha matuku muanda mutekete nendokeshe nvula ha buloba munya ne bufuku to matuku makumi anai, nenjimishe bintu bionso binakafuka ha buloba.

Genese 7:21

Bintu bionso biakadi ha buloba biakafua, ne nyunyu ne bimuna ne nyama ne bintu bionso budi bidikoka hanshi ne muntu yonso,

Genese 8:21

Yehowa wakanunkila dihembu dimpe: Yehowa wakamba mu mutshima wandi ne, Tshiena ngela buloba mulau kabidi bualu bua bantu badi ne meji mabi mu mitshima yabo hatshidibo bitende tô ne hakulumpabo, tshiena njimisha bifukibua bionso bidi ne muoyo kabidi bu munakenza diambedi.

Yeshaya 34:1

Nuenu ba mu bisamba bia bantu, luai bienu ha buihi bua kunvua; nungunvuile, nuenu bantu bonso! Buloba bunvue, ne tshiuwidi tshiabu tshionso; buloba buine ne bintu bionso bidi bifuma kudibu.

Amosa 3:7

Bulelela, Yehowa Nzambi kena wenza bualu, bikaleye kayi muanji kubusokoluela bantu bandi baprofete diambedi.