Genese 32:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Wewe wakungambila ne, Bulelela, nenkue nzele bimpe, nenkukumbashile tunkanunuina tuebe bungi bua nsenga ya kukala kua mai manene, idibo kabayi mua kubala.

MUKANDA WA MYIDI MUKULU

¹² Nanku ndi nkutendakena ne: unsungidile kudi mukuluanyi Esawu. Ndi ne bowa, bualu udi mua kumbutula ne bakaji ne bana.

Genese 32:12 Eitobir Enkop

Ebrewu 6:17

Nunku, Nzambi, hakasueye kutamba kulesha bahianyi ha milayi disua diandi didi kadi mua kukudimuka, wakateka kuditshiha kuandi hankatshi habo;

Tite 1:2

mu ditekemena dia muoyo wa tshiendelele, udi Nzambi, udi kai mua kudinga, mulaye diambedi bikondo bia tshiendelele kabi bianze kuikalaku.

2 Timote 2:13

bituikala katui bena lulamatu, yeye udi ushala muena lulamatu, yeye kena mumanye mua kudivila.

Matayi 24:35

Diulu ne buloba nebijimine, kadi mei anyi kêna ajimina.

Genese 22:17

ne hanasankisha bakuabo nenkuyudíshile disanka, ne hanakumbasha bakuabo nenkumbashe tunkanunuma tuebe bu mitoto ya mu diulu ne bu nsenga ya kukala kua mai manene tunkanunuma tuebe netuhiane bibi bia bantu badi nʼatu lukuna,

1 Samuele 15:29

Bukole bua Isalele kabuena bujima anyi bukudimuka, bualu bua yeye kena bu muntu bua kukudimukeye.

Dibadika 23:19

Nzambi kena bu muntu udi wamba mei a mashimi, kena bu muana wa muntu, bua kukudimuneye mutshima. Biambeye dî, kena udishikisha, anyi? Anyi biambeye bualu, kena ubuenza, anyi?

Ekesode 32:13

Uvuluke Abalahama ne Isaka ne Isalele, bantu bebe, bawakaditshiha kudibo, wakabambila ne, Nenvudishe bana benu bu bungi bua mitoto ya mulu, ne buloba ebu buonso bunakanuambila nempe bana benu, bobo nebabuhiane tshiendelele.

Genese 32:6

Miloho yakahingana kudi Yakoba, yakamuambila ne, Tuakuya kudi mukuluʼebe Esau, ne yeye ulualua kusangakena nʼebe mu nshila, udi ne balume nkama mai ku nyima kuandi.

Ebrewu 11:12

Nunku kabidi, kudi muntu umue, ne yeye bu mufile mene, bana bakaledibua bu mitoto ya mu diulu mu bungi buabo, ne bu nsenga ya ku muelelu wa mai manene idibo kabai bamanye mua kubala.

1 Bakalenga 4:20

Bena Yuda ne Bena Isalele bakadi bungi bua nsenga ya ku muelelu wa mai manene; badiadia, banuanua, basankasanka.

Osheya 1:10

Kadi bungi bua Bena Isalele nebuikale bu nsenga ya ku mai manene, idibo kabayi mua kuidikisha anyi kubala; ne mu muaba wakadibo bamba ne, Kanuena bantu banyi, nebabambile ne, Nudi bana balume ba Nzambi wa muoyo.