Genese 17:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Nenkuhe wewe ne tunkanunuina tuebe buloba buonso bua Kanana bûdi wendakanamu, bu buhianyi buenu bua tshiendelele, nengikale Nzambi wabo.

MUKANDA WA MYIDI MUKULU

⁸ Ditunga edi dijima dia Kenaane diudi upitshila mpindiewu bu muenyi, nenkupeshadi kashidi. Nedishale bupianyi buebe ne bua ndelanganyi yebe. Meme nengikale Mvidi Mukulu wenu.

Genese 17:8 Eitobir Enkop

Lewitiki 26:12

Meme nengendakane munkatshi muenu, nengikale Nzambi wenu, ne nuenu nenuikale bantu banyi.

Misambu 105:11

Wakamba ne, Nenkuhe buloba bua Kanâna, bua kuikalabu tshituha tshia nuenu kuhiana.

Ekesode 6:7

Nennuangate bu bantu banyi ne meme nengikale Nzambi wenu, nuenu nenumanye ne, Meme udi Yehowa, Nzambi wenu, udi unuhatula muinshi mua majitu a Bena Ejipitu.

Genese 12:7

Yehowa wakamueneka kudi Abalama, wakamba ne, Nempe tunkanunuina biebe buloba ebu Abalama wakenzela Yehowa, wakamueneka kudiye, tshioshelu.

Dielulula 29:13

bua yeye anuitabushe lelu bu bantu bandi, ne bua yeye kuikala Nzambi wenu, bu muakanuambileye, ne bu muakalayeye bankambua benu, Abalahama ne Isaka ne Yakoba.

Dielulula 26:18

ne Yehowa wakanuitabusha bu bantu ba buhianyi buandi bu muakanulayeye, bua nuenu nutumikile mikenji yandi yonso,

Dielulula 14:2

Bualu bua nuenu nudi bantu ba tshijila kudi Yehowa, Nzambi wenu; Yehowa wakanusungula munkatshi mua bantu bonso ba ha buloba bua nuenu nuikale bantu ba buhianyi buandi.

Genese 13:15

buloba buonso bûdi umona nenkuhebu ne tunkanunuina tuebe tshiendelele.

Misambu 105:9

tshihungidi tshiakahungeye ne Abalahama, mmutshihu wandi wakaditshiheye kudi Isaka.

Dielulula 4:37

Bualu bua yeye wakasua batatu benu, nunku yeye wakasungula bana babo bakabalonda ku nyima, yeye nkayandi wakanuhatula mu Ejipitu ne bukole buandi bunene;

Genese 28:4

akuhe wewe ne tunkanunuina tuebe disanka dia Abalahama, bua wewe kuhiana buloba buakalaya Nzambi Abalahama.

Genese 13:17

Bika biebe, wendakana mu buloba buonso, mu bule buabu ne mu butshiama buabu, bualu bua nenkuhebu.

2 Samuele 23:5

Bulelela, nsubu wanyi kena nunku ku mesu kua Nzambi, kadi yeye wakahunga nʼanyi tshihungidi tshia tshiendelele, tshilongolodibue mu malu onso, ne tshijadikibue, bualu bua tshidi luhandu luanyi luoso ne disua dianyi dionso, yeye kena ubidiundisha, anyi?

Dielulula 32:8

Hakaha Nzambi wa mu diulu bisamba buhianyi buabi, hakatahululeye bantu, wakadika mikalu ya bantu bu mudi bungi bua bana ba Isalele.

Dibadika 25:13

nedikale kudiye ne kudi bana badi bamulonda ku nyima, bu dihungila dia mudimu wa buakuidi tshiendelele bualu bua yeye wakadi ne mukau bualu bua Nzambi wandi, wakabuikidila Bena Isalele bubi.

Ekesode 40:15

ubele manyi bu muwakela tatuʼabo bua kukuatshilabo mudimu wa buakuidibualu ebu nebubajidile mu mudimu wa buakuidi bua tshiendelele mu bikondo biabo bionso.

Genese 48:4

wakangambila ne, Mona, nenkuvuishe tshisamba tshinene, nenkukumbashe, neulue tshisumbu tshinene tshia bantu, nempe tunkanunuina tuebe buloba ebu tshiendelele.

Genese 23:4

Ndi bianyi muenyi ne muikadi munkatshi muenu, numpe muaba wa majambu bua meme kujikarnu tshitalu etshi ku mesu.

Ebrewu 9:15

Bua bualu ebu yeye udi mutuanganyi wa tshihungidi tshihia-tshihia, bua lufu lumane kulua bua dihikula diabo dia ku malu masambuka mikenshi adi munshi mua tshihungidi tshia kumudilu, babo bakubutidibua badi mua kuangata mulabi wa buhianyi bua tshiendelele.

Misambu 103:17

Kadi luse lujalame lua Yehowa ludi ku tshibangidilu tô ne kunshikidilu kudi badi bamunemeka. Buakane buandi budi kudi bana ba bana baledibue.

Lewitiki 16:34

Eu newikale mukenji kunudi tshiendelele bua kubuikila bubi bua Bena Isalele musangu umue ku tshidimu ku tshidimu. Bakenza bu muakambila Yehowa Mose.

Ekesode 21:6

nunku mukelenge wandi nealue handi kudi balumbuluishi, nealue handi ku tshibi anyi ku tshibanda tshia tshibi ne mukelenge wandi neatubuishe ditshu diandi ne tshiamu ne yeye neamukuatshile mudimu tshiendelele.

Bienzedi 7:5

kadi yeye kakamuhamu buhianyi, nasha kaba kakese ka kudiateye makasa; Nzambi wakamulaya ne, Nenkuhe buloba ebu tshiendelele ne tunkanunuina tuebe, yeye kai muanze kulela muana.

Didimanyisha 21:7

Udi uhita bukole neahiane bintu ebi; meme nengikale Nzambi wandi, ne yeye neikale muana wanyi.

Genese 26:24

Yehowa wakamueneka kudiye butuku abu mene, wakamba ne, Ndi Nzambi wa tatu webe Abalahama, kutshinyi, bualu bua meme ndi nʼebe, nenkusankishe, nenkumbashile tunkanunuina tuebe bualu bua muntu wanyi Abalahama.

Genese 36:7

Bualu bua bintu biabo biakatamba bia bungi kabakamanya mua kushikama kaba kamue, ne buloba buakadibo bashikame buakadi bukese bualu bua bungi bua bimuna biabo.

Genese 37:1

Yakoba wakashikama mu buloba buakadi tatuʼandi mushikame mu buloba bua Kanâna.

Ekesode 13:11

Halua Yehowa nʼenu mu buloba bua Bena Kanâna buakanulayeye ne batatuʼenu ne hanuheye buloba abu,

Ekesode 29:45

Meme nengikale munkatshi mua Bena Isalele, nengikale Nzambi wabo.

Ekesode 32:13

Uvuluke Abalahama ne Isaka ne Isalele, bantu bebe, bawakaditshiha kudibo, wakabambila ne, Nenvudishe bana benu bu bungi bua mitoto ya mulu, ne buloba ebu buonso bunakanuambila nempe bana benu, bobo nebabuhiane tshiendelele.

Dielulula 9:5

Kanuena nuhiana buloba buabo bualu bua buakane buenu anyi bua dijalama dia mitshima yenu: kadi Yehowa, Nzambi wenu, udi ubihata ku mpala kuenu bualu bua bubi buabo; bualu bua kuakasha nʼenu dî diakalaya Yehowa kudi batatu benu, Abalahama ne Isaka ne Yakoba.

Yirmeya 25:5

Bobo bakadi banuambila ne, Buonso buenu, muntu ne muntu, nukudimune mitshima yenu, nulekele kuenda mu nshila wenu mubi ne kuenza bienzedi bibi, bua nushikame mu buloba buakanuha Yehowa, nuenu ne batatu benu, ku kale tô ne tshiendelele.

Yirmeya 31:1

Yehowa udi wamba ne, Mu tshikondo atshi nengikale Nzambi wa meku onso a mu Isalele, ne bobo nebikale bantu banyi.

Genese 35:27

Yakoba wakalua kudi Isaka tatu andi mu Mamale, musoko wa Kiyata-aba (eu udi Hebelona) Wakadi Abalahama ne Isaka bashikame.

Ekesode 6:4

Meme kabidi nakajadika nʼabo tshihungidi tshianyi bua kubaha buloba bua Kanana, buloba buakadibo bashikamamu bu benyi.

Lewitiki 14:34

Hanualua mu buloba bundi musue kunuha bu buhianyi buenu ne hanateka disama dia nsudi mu nsubu wa mu buloba bua buhianyi buenu,

Dibadika 10:29

Mose wakambila Hobaba, muana mulume wa Luele, Muena Midiyana, tatuʼandi-muenu wa Mose ne, Tutshidi tuya ku muaba wakamba Yehowa ne, Nennuheu, uye nʼetu, netukuenzele bimpe, bualu bua Yehowa wakalaya Bena Isalele bualu buimpe.

Dibadika 27:12

Yehowa wakambila Mose ne, Banda biebe ku mukuna wa Abalima, utangile buloba bundi mpa Bena Isalele.

Dielulula 32:49

Banda biebe mukuna eu wa Abalima, ku mutu kua mukuna wa Nebo, udi buludiludi ne Yeleko mu buloba bua Moaba, utangile buloba bua Kanâna bundi mpa Bena Isalele bu buhianyi buabo;

Dielulula 34:4

Yehowa wakamuambila ne, Ebu mbuloba bunakalaya Abalahama ne Isaka ne Yakoba ne, Nembuhe tunkanunuina tuenu, nakukuleshabu ne mesu ebe, kadi wewe kuena usabukaku.

Yoshua 1:2

Mose, muntu wanyi, udi mufue; nunku bika biebe, usabuka musulu eu wa Yadene, wewe ne bantu aba bonso, uye mu buloba bundi mpa Bena Isalele.

1 Kulondolola 16:18

Wakamba ne, Nenkuhe buloba bua Kanâna, bua kuikalabu tshituha tshia nuenu kuhiana.

Yezekiyele 11:20

bua bobo balonde mikenji yanyi ne batumikile mei anyi ne babienze. Nunku nebikale bantu banyi ne meme nengikale Nzambi wabo.

Yezekiyele 33:24

Muana wa muntu, bantu aba badi bashikame mu bikulu bia mu buloba bua Isalele batshidi bamba ne, Abalahama wakadi anu muntu umuehele, kadi yeye wakahiana buloba ebu; nunku, bualu bua tuetu ludi ba bungi, nebatuhe buloba ebu bu buhianyi buetu.

Zekâya 8:8

Nembahingashe bua kushikamabo munkatshi mua Yelushalema, nebikale bantu banyi, ne meme nengikale Nzambi wabo mu bushuwa ne mu buakane.