Genese 15:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Hakashika malu a, dî dia Yehowa diakalua kudi Abalama mu tshilota ne, Abalama kutshinyi, meme ndi ngabu webe ne difutu diebe ditambe bunene.

MUKANDA WA MYIDI MUKULU

¹ Malu onsu mamane kupita, Maweja-Nangila kumuenekela Abrame, umuambila ne: — Abrame, kutshinyi to! Ndi nebe, nenkulame ku njiwu yonsu, kabidi difutu diebe nedikale dinene.

Genese 15:1 Eitobir Enkop

Yeshaya 41:10

Kutshinyi, bualu bua ndi nʼebe; kukenzakanyi bua buowa nansha, bualu bua ndi Nzambi webe; nenkukoleshe, bulelela, nenkukuatshishe; bulelela, netujadike ne tshianza tshianyi tshia balume tshia buakane buanyi.

Misambu 119:114

Wewe udi tshisokomenu tshianyi ne ngabu wanyi; ndi ntekemena dî diebe.

Misambu 84:11

Bualu bua Yehowa Nzambi udi diba ne ngabu; Yehowa udi uha bantu luse ne butumbi. Kena uhala badi benda mu buakane tshintu tshimpe tshimue.

Genese 26:24

Yehowa wakamueneka kudiye butuku abu mene, wakamba ne, Ndi Nzambi wa tatu webe Abalahama, kutshinyi, bualu bua meme ndi nʼebe, nenkusankishe, nenkumbashile tunkanunuina tuebe bualu bua muntu wanyi Abalahama.

Yeshaya 41:14

Kutshinyi, wewe Yakoba, tshishishi, ne nuenu Bena Isalele! Nenkukuatshishe, ndi dia Yehowa, Muhikudi webe, Wa Tshijila wa Isalele.

Muadi 3:24

Mutshima wanyi udi wamba ne, Yehowa udi buhianyi buanyi, nunku ndi ne ditekemena dianyi kudiye.

Luke 12:32

Nuenu tshisumbu tshikese tshia mikoko, kanutshinyi; bua Tatu wenu udi musue kunuha bukelenge.

Misambu 5:12

Bualu bua wewe, Yehowa, udi uvudishila muntu muakane disanka; udi amunyunguluka ne diakalengele bu mudibo benza ne ngabu.

Misambu 18:2

Yehowa udi dibue dianyi, musoko wanyi wa ngumbu ya nvita, ne musungidi wanyi. Udi Nzambi wanyi, dibue dianyi mundi nnyemenamu. Udi ngabu wanyi, ne lusengu lua luhandu luanyi, tshibumba tshianyi tshile.

Rute 2:12

Yehowa akufute bua mudimu webe, bakuhe difutu diebe dionso kudi Yehowa, Nzambi wa Isalele, uwakulua kuso koma muinshi mua mahuahua andi.

Luke 1:13

Kadi muanjelo wakamuambila ne, Zakâya, kutshinyi, bualu bua bakunvua kulomba kuebe, mukashi webe Elisabeta neakulelele muana, neumuidike ne, Yone.

Yeshaya 43:5

Kutshinyi, bualu bua ndi nʼebe; nendue kabidi ne tunkanunuma tuebe ludi ku esete, nennusangishe nuenu badi ku wesete.

Misambu 142:5

Ndi ndila kûdi, Yehowa; ndi ngamba ne, Wewe udi tshinyemenu tshianyi, udi buhianyi buanyi mu buloba bua badi ne muoyo.

Misambu 3:3

Kadi wewe, Yehowa, udi ngabu udi undama nseke yonso, wewe mbutumbi buanyi ne mujudi wa mutu wanyi.

Genese 21:17

Nzambi wakunvua di dia nsongalume, ne muanjelo wa Nzambi wakela dî kudi Hagâ difume mu diulu, wakamukonka ne, Hagâ, bualu kai budi bukutonda? Kutshinyi, bualu bua Nzambi wakamana kunvua di dia nsongalume mudiye mulale.

Luke 1:30

Muanjelo wakamuambila ne, Malia, kutshinyi; wewe wakusangana luse kudi Nzambi.

Misambu 58:11

Nunku bakua bantu nebambe ne, Bulelela, difutu didiku bua muntu muakane; bulelela, Nzambi udiku udi ulumbulula bilumbu ha buloba.

Matayi 8:26

Yeye wakabambila ne, Nuenu bena ditabusha dikese, nudi nutshinyina tshinyi? Hashishe, yeye wakabika, wakabuikila luhehele ne mai a dishiba, muaba au wakatalala talalâ.

Yeshaya 51:12

Meme, meme mene, nyeye udi unusumba; wewe nnganyi bua kutshina muntu ulualua kufua, ne muana wa muntu udi uvuishibua bu mashinde?

Misambu 27:1

Yehowa udi munya wanyi ne luhandu luanyi; nentshine nganyi? Yehowa udi ngumbu ya nvita mu muoyo wanyi; udi mua kunkuatshisha buowa nganyi?

Nsumuinu 11:18

Muntu mubi udi wangata difutu didi dimudinga, kadi udi ukuna buakane udi uheta difutu dia bushuwa.

Misambu 91:4

Neakubuikile ne masala andi, neusangane tshinyemenu muinshi mua mahuahua andi; bujalame buandi bua bushuwa budi ngabu wa ha tshiadi ne ngabu wa ku tshianza.

Dielulula 31:6

Nuikale ne bukole ne mitshima ya dikima, kanubatshinyi, bualu bua Yehowa, Nzambi wenu, yeye mene uyaya nʼenu; yeye kena unuhanga, kena unulekela.

Yezekiyele 3:4

Yeye wakangambila ne, Muana wa muntu, ya kudi ba mu tshisamba tshia Bena Isalele, ubambile mei andi mbatumina.

Yeshaya 44:2

Yehowa, wakakufuka, wakakufuanyikisha munda mua mamu webe, udi ukukuatshisha, udi wamba ne, Kutshinyi, Yakoba, mutu wanyi, Yeshuluna unakusungula.

Yeshaya 43:1

Kadi mpindiu, Yehowa, wakakufuka wewe, Yakoba, wakakufuanyikisha wewe, Isalele, udi wamba ne, Kutshinyi, bualu bua nakukuhikula, nakukubikila ku dina diebe, wewe nguanyi.

Yeshaya 35:4

Nuambile badi ne mitshima ikuma lubilu lubilu ne, Nuikale bakole, kautshinyi! Monai, Nzambi wenu udiku! Nealue ne disombuela, nealue ne ditutu dia Nzambi dia kunufuteye; nealue bua kunusungila.

Ekesode 14:13

Mose wakambila bantu ne, Kanutshinyi, imanai, numone luhandu lua Yehowa lualueye kunuha lelu, bua Bena Ejipitu banuakumona lelu kanuena nubamona kabidi tshiendelele.

Didimanyisha 1:17

Ne hanakamutangila, nakahona ku makasa andi bu mufue. Ne yeye wakateka tshianza tshiandi tshia balume hamʼbidi hanyi, wamba ne, Kutshinyi; meme ndi wa kumudilu ne wa kunshikidilu,

Ebrewu 1:1

Nzambi, mumane kuambila batatu mei andi kudi baprofete bandi kale mu bituha bia bungi ne mu biambidi bia bungi,

1 Korente 3:22

ne Paulo ne Apolo ne Kefa ne buloba ne muoyo ne lufu ne bintu bidiku ne bintu bilualua: bionso mbienu;

Bienzedi 10:22

Bakamba ne, Kônelio, kapitene ka masalayi lukama, udi muntu muakane udi utshina Nzambi, lumu luandi ludi luimpe ku tshisamba tshionso tshia Bena Yuda; Nzambi wakamudimusha kudi muanjelo wa tshijila bua kukubikileye ulue mu nsubu muandi ne bua kunvueye mei ebe.

Nsumuinu 30:5

Di dionso dia Nzambi diakutetshibua ne, Didi dia bushuwa; yeye udi ngabu kudi badi banyemena kudiye.

Misambu 84:9

Mona, wewe Nzambi, ngabu wetu, utangile mpala wa muntu webe udi muedibue manyi ha mutu!

1 Samuele 9:9

(Kale kale mu Isalele hakaya muntu bua kukonkeye Nzambi bualu, wakadi wamba ne, Tuye bietu kudi mumonyi wa malu: bualu bua udibo babikila muprofete katataka, diambedimbedi bakadi bamubikila mumonyi wa malu.)

Yezekiyele 11:24

Hashishe Nyuma wakambandisha, wakalua nʼanyi mu tshikena kumona tshifume kudi Nyuma wa Nzambi tô ne ku buloba bua Bena Kasada, kudi bantu bakadi mu buhika. Nunku tshikena kumona tshinakamona diambedi tshiakumuka kundi.

1 Kulondolola 28:20

Davidi wakambila Solomo muanʼandi ne, Wikale ne bukole ne mutshima wa dikima, wenze bualu ebu; kutshinyi, kuhangi bualu ebu; bualu bua Yehowa Nzambi, Nzambi wanyi mene, udi nʼebe; yeye kena ukuhanga, kena ukulekela tô ne hawashikisha mudimu eu wonso wa mu nsubu wa Yehowa.

Yezekiyele 1:1

Mu tshidimu tshia makumi asatu, mu ngondo muinai, mu dituku ditanu dia ngondo, hanakadi munkatshi mua bahika ku muelelu wa musulu wa Kebâ, diulu diakabuluka, ne nakamona bikena kumona bia Nzambi.

Matayi 28:5

Muanjelo wakandamuna bakashi ne, Kanuntshinyi; ndi mumanye ne, Nudi nukeba Yesu, wakashihabo ku mutshi mutshiamakane.

Yeshaya 44:8

Kanutshinyi, kanuikadi ne buowa. Tshiakukuambila bualu ebu kale, tshiakukuleshabu, anyi? Nuenu nudi bamanyi bianyi. Nzambi mukuabo udiku muomumue nʼanyi, anyi? Nansha dibue dikuabo kadienaku; tshiena mumanye dikuabo nansha.

Dibadika 12:6

Yeye wakamba ne, Unvuai mei anyi, bikala muprofete munkatshi muenu, meme Yehowa nendimanyishe kudiye mu tshikena kumona, meme nensombe nʼandi mu tshilota.

Genese 15:2

Abalama wakamba ne, Mukelenge Yehowa, wewe neumpe tshintu kai, bualu bua meme tshiena ne muana, ne muhianyi wa bintu bianyi udi Elieze, muena Damaseke?

Genese 15:4

Monai, di dia Yehowa diakalua kudiye ne, Muntu eu kena wikala muhianyi wa bintu biebe nansha, kadi yeye uwalela nkayebe neikale muhianyi wa bintu biebe.

Genese 31:7

Tatu wenu wakundinga, wakakudimuna difutu dianyi misangu dikumi, kadi Nzambi kakitabusha bua yeye kunkengesha.

Dibadika 18:20

Yehowa wakambila Alona ne, Wewe kuena ne buhianyi mu buloba buabo, wewe kuena ne tshituha munkatshi muabo meme ndi tshituha tshiebe ne buhianyi buebe munkatshi mua Bena Isalele.

Dibadika 24:4

udi unvua mei a Nzambi, udi utangila bilota bia Nzambi wa Bukole, hahoneye hanshi, mesu andi adi matabale,

1 Samuele 15:10

Hashishe dî dia Yehowa diakalua kudi Samuele ne,

2 Samuele 22:3

Nzambi, dibue dianyi, nengeyemene kudiye, ngabu wanyi, ne lusengu lua luhandu luanyi, tshibumba tshianyi tshile ne tshinyemenu tshianyi, musungidi wanyi, udi usungila ku malu makole onso.

Genese 22:1

Hakahita malu au Nzambi wakateta Abalahama, wakamuambila ne, Abalahama yeye wakitaba ne, Ndiku.

Genese 22:20

Ku nyima kua malu au bakambila Abalahama ne, Mona, Mileka wakalelela muanʼenu Naho bana,

Dielulula 18:2

Bobo kabena ne buhianyi munkatshi mua bana babo; Yehowa udi buhianyi buabo, bu muakabambileye.

2 Bakalenga 1:15

Muanjelo wa Yehowa wakambila Eliya ne, Uye nʼandi, kumutshinyi. Yeye wakajuka, wakaya nʼandi kudi mukelenge.

Misambu 3:4

Ndi ndila kudi Yehowa ne dî dianyi dikole, ne yeye udi witaba kundi ne dî difuma ku mukuna wandi wa tshijila.

Misambu 115:10

Nuenu, ba mu nsubu wa Alona, nueyemene Yehowa! Yeye udi dikuatshisha diabo ne ngabu wabo.

Yeshaya 40:10

Monai! Mukelenge Yehowa nealue bu muena bukole, ne diboko diandi nedimukokeshile bantu. Monai! Bukenji buandi budi nʼandi, ne ditutu diandi didi ku mpala kuandi.

Yirmeya 39:17

Kadi Yehowa udi wamba ne Nenkuhandishe mu dituku adi, kuena ufidibua mu bianza bia bantu aha baudi utshina.