Genese 13:2 - Mukanda wa Nzambi Dihungila Dikulukulu ne Dihungila Dihia-dihia 2003

² Abalama wakadi ne bubanji be bua bimuna ne argent ne or.

MUKANDA WA MYIDI MUKULU

² Abrame uvua mubanji. Uvua ne mikoku, mbuji, ngombe, biamu bia mpawungi, ne biamu bitoke bia mushinga mukole kabidi.

Genese 13:2 Eitobir Enkop

Genese 24:35

Yehowa wakatamba kusankisha mukelenge wanyi, yeye wakulua muntu munene, wakumuka bisumbu bia mikoko ne bia ngombe, ne argent ne or, ne bahika balume ne bahika bakashi, ne tumelo ne nyama ya mpunda.

Nsumuinu 10:22

Disankisha didi difuma kudi Yehowa didi divuisha bubanji, ne kena utenteka kanyinganyinga ha mutu hadi.

Yobe 1:3

Bimuna biandi biakadi mikoko binunu muanda mutekete ne tumelo binunu bisatu, ngombe ibidi ibidi ku bikokedi nkama itanu, bakashi ba nyama ya mpunda nkama itanu. Wakadi ne bantu ba bungi mu nsubu muandi kabidi. Nunku muntu eu wakahita bantu bonso ba ku luseke lua Esete buneme.

Dielulula 8:18

Kadi nuvuiuke Yehowa, Nzambi wenu, bua yeye utu wanuha bukole bua kuangata nʼabu biuma; bua yeye akashe nʼenu tshihungidi tshiandi tshiakahungeye ne batatu benu: bu bualu buakuenjibua lelu.

1 Timote 4:8

Bualu bua dikolesha dia mubidi didi ne mushinga muimpe kakese; kadi buimpe bua Nzambi budi ne mushinga muimpe mu malu onso, budi ne mulayi wa muoyo wa mpindiu ne wa muoyo ukadi ha kulua.

Matayi 6:33

Kadi diambedi kebai bukelenge buandi ne buakane buandi, nunku nebanuhe bintu ebi bionso.

Yobe 1:10

Wewe kuakumunyunguluka ne nsubu wandi ne bintu biandi bionso ne bulami buebe, anyi? Wewe wakuvudishila mudimu wa bianza biandi disanka, ne bimuna biandi biakuvulangana ha buloba.

1 Samuele 2:7

Yehowa udi ubavuisha buhele, ne udi ubavuisha bubanji kabidi: udi ubahuekesha, udi ubabandisha kabidi.

Genese 12:16

Yeye wakenzela Abalama bimpe bua bualu buandi, wakamuha mikoko ne ngombe, ne balume ba nyama ya mpunda, ne bahika balume ne bahika bakashi, ne mashina a nyama ya mpunda ne tumelo.

Genese 13:6

Muaba wakadi mukese bua bobo kushikama hohamue, bualu bua bintu biabo biakadi bia bungi, kabakamanya mua kushikama hohamue.

Genese 24:1

Abalahama wakadi muntu mununu mukoke, ne Yehowa wakasankisha Abalahama mu malu andi onso.

Genese 30:43

Yeye wakatamba kulua mubanji wakadi ne bisumbu bia bimuna ne bena mudimu ba bakashi ne bena mudimu ba balume, ne tumelo ne tubalu.

Genese 26:14

wakadi ne bisumbu bia mikoko ne bia ngombe ne bantu ba bungi ku nyima kuandi. Bena Peleshete bakadi nʼandi mukau.