Genese 12:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Abalama wakalala mu buloba, wakalua ku Shekeme, kuakadi mutshi wa telebinta wa mu Mole Bena Kanana bakadi mu buloba tshikondo atshi.

MUKANDA WA MYIDI MUKULU

⁶ kupitshilabu mu ditunga adi too ne ku mutshi wa tshijila uvua mu Moreya pabuipi ne musoku wa Shekeme. — Bena Kenaane batshivua mu ditunga adi. —

Genese 12:6 Eitobir Enkop

Ebrewu 11:9

Bua ditabusha wakashikama mu buloba bua mulayi; bu adi ma buloba bua bende, wakashikama biandi mu nsubu wa bilulu, ne Isaka ne Yakoba, bahianyi nʼandi ba mulayi muomumue;

Dielulula 11:30

Idi dishiya dia Yadene mu nshila wa kudi diba dibuela, mu buloba bua Bena Kanâna bakadi bashikama mu Alabâ, hehi ne Gilegala, hehi ne mitshi ya telebinta ya Mole.

Genese 35:4

Bobo bakaha Yakoba nzambi yonso ya bende yakadibo nʼai ne nkanu yakadi ku matshu abo, Yakoba wakabijika muinshi mua mutshi munene wakadi hehi ne Shekeme.

Balombodi 7:1

Hashishe Yelubâla, udibo babikila ne, Gideona kabidi, ne bantu bonso bakadi nʼandi, bakabika ne dinda dionso, bakasa tshitudilu tshiabo ku mpokolo wa mai a Haloda; tshitudilu tshia Bena Midiyana tshiakadi ku luseke luabo lua ku node ku mukuna wa Mole tô ne mu tshibanda.

Genese 13:7

Balami ba bimuna bia Abalama ne balami ba bimuna bia Lota bakatandangana. Bena Kanâna ne Bena Pelese bakadi mu buloba tshikondo atshi.

Bienzedi 7:16

bakaya nʼabo ku Shekeme, bakabajika mu lukita luakasumba Abalahama ku mushinga wa argent kudi bana ba Hamô mu Shekeme.

Yowanane 4:5

Yeye wakalua ku musoko wa Samalea, dina diau Suka, hehi ne muaba wakadi Yakoba muhe muanʼandi Yosefe.

1 Bakalenga 12:1

Lehabama wakaya ku Shekeme, bualu bua Bena Isalele bonso bakadisangishaku bua kumuhingisha mu bukelenge.

Balombodi 9:1

Abimeleke, muana wa Yelubâla, wakaya ku Shekeme kudi bana babo ne mamu wandi, yeye wakabambila ne bantu bonso ba mu nsubu wa tatu wa mamu wandi ne,

Yoshua 24:32

Bakajika mifuba ya Yosefe, yakalua nʼai Bena Isalele ku Ejipitu, mu Shekeme mu tshituha tshia buloba tshiakasumba Yakoba kudi bana ba Hamo, tatu wa Shekeme, ku bituha lukama bia argent; buakalua buhianyi bua tunkanunuma tua Yosefe.

Yoshua 20:7

Bakasungula Kedeshe wa mu Galela wa mu mikuna ya Nafatale, ne Shekeme wa mu mikuna ya Efelayima, ne Kîyata-âba (dina dikuabo ne, Hebelone) wa mu mikuna ya Yuda.

Genese 34:2

Shekeme muana mulume wa Hamo, Muena Hiwi, mukelenge muana wa buloba, wakamutangila wakamukuata, wakalala nʼandi, wakamufuisha bundu.

Genese 33:18

Yakoba wakalua ku musoko wa Shekeme, mu buloba bua Kanâ-na, talalâ, hakafumeye ku Padanaalama, wakashimika ntenta yandi ku mpala kua musoko.

Genese 10:15

Kanana wakalela Sidona muaba buta wandi ne Hete

1 Bakalenga 12:25

Hashishe Yalobama wakasa musoko wa Shekeme mu mikuna ya Efelayima, wakashikamamu; wakumukaku, wakasa Penuele.

Misambu 60:6

Nzambi wakuamba dî mu tshijila tshiandi ne, Nensanke, nenuhaule buloba bua Shekeme, nengabanye Tshibanda tshia Sukota.

Genese 34:30

Yakoba wakambila Shimeona ne Lewi ne, Nuenu nuakuntatshisha, nuakunvuisha bu tshintu tshibi munkatshi mua bena buloba munkatshi mua Bena Kanana ne Bena Pelese, tuetu tudi bakehe ne bobo nebunguile kundi, nebanshihe, nebahaule nsubu wanyi ne meme nenjimishibue.

Osheya 6:9

Bu mudi bisumbu bia banyengi balamina muntu, mbu mudi tshisumbu tshia bakuidi bashiha bantu; mu nshila wa ku Shekeme bakushiha bantu, e, bakulonda malu mabi.