Filipe 1:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Bingikala ne bualu bua kuikala ne muoyo mu mubidi,—ne bikala bualu ebu mamuma a mudimu wanyi, tshiena mumanye bualu bunasungula.

MUKANDA WA MYIDI MUKULU

²² Kadi pandi nshala ne muoyi panu, ntshidi amu nkuatshila kabidi Kristu mudimu. Nanku tshiena mumanye tshindi mua kusungula.

Filipe 1:22 Eitobir Enkop

1 Petro 4:2

bua nuenu kanuikadi ne muoyo kabidi mu nkuka ya bantu matuku enu atshidi mashale mu mubidi, kadi nuikale ne muoyo bu mudi disua dia Nzambi.

Ngalate 2:20

Nakashihibua ku mutshi mutshiamakane ne Kilisto; nunku kememe kabidi udi ne muoyo, kadi Kilisto ngudi muoyo munda muanyi; ne muoyo undi nʼau mu mubidi katataka ndi nʼau mu ditabusha dia mu Muana wa Nzambi, wakannanga, wakadifila bua bualu buanyi.

Filipe 1:24

kadi kushala mu mubidi mbualu bunudi nutamba kukengela.

Bienzedi 3:17

Bana betu, ndi mumanye ne, Nuenu nuakuenza bualu ebu mu dituhakana dienu, bu inuakuenza badi ku mutu kuenu.

2 Korente 10:3

Bua hatudi tuendakana mu mubidi, katuena tusangana bu mudi nvita ya mubidi,

Misambu 71:18

Nzambi, kundekedi nansha, tô ne ku bununu buanyi ne hangikala ne nvi; kundekedi tô ne bangambila ba mu tshikondo tshialua bua tshianza tshiebe tshikole, ne hangambila badi bandonda ku nyima bua bukole buebe.

Kolose 2:1

Bualu bua ndi musue nuenu mimanye bunene bua bukole bundi ntshinta nʼabu bua bualu buenu, ne bua badi mu Laodikiya, ne bua bonso badi kabai banze kuntangila ku mesu;

Rome 11:2

Nzambi kakumusha bantu bandi bakadianjileye kumanya. Anyi kanuena bamanye dî didi Mukanda wa Nzambi wamba bualu bua Eliya, anyi? Mbu mudiye usengelela Nzambi bua kukengesheye Isalele ne,

Ekesode 32:1

Kakamanya bantu ne, Mose wakashala ku mukuna musangu mule, bakadisangisha kudi Alona, bakamuambila ne, Bika biebe, utuenzele nzambi idi mua kuya ku mpala kuetu, bua muntu au Mose, wakalua nʼetu mu Ejipitu, katuena bamanye bualu buakumukuata.

Genese 39:8

Kadi yeye wakahidia, wakambila mukashi wa mukelenge wandi ne, Mona, mukelenge wanyi kena mumanye bintu bindi nʼabi mu nsubu muandi, yeye wakashiya bintu bionso bidiye nʼabi mu tshianza tshianza.

Genese 21:26

Abimeleke wakamba ne, Tshiena mumanye bantu bakuenza bualu ebu, wewe kuakungambila diambedi, tshiakunvua lumu lua bualu ebu, anu lelu.

Rome 1:13

Bana betu, tshiena musue nuhange kumanya ne, Misangu ya bungi nakadisunguila bua kulua kunudi (ne nakuhumbishibua tô ne katataka), bua meme kuangata mamuma munkatshi muenu kabidi bu munakuângata munkatshi mua bisamba bikuabo bia bende.

Filipe 1:23

Kadi adi mujikila hankatshi ha malu â abidi: ndi njinga bua kumuka hanu bua kuikala ne Kilisto; bua bualu ebu budi butamba buimpe;