Ekesode 22:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ Biwasombesha mukuabo muhele wa munkatshi mua bantu banyi argent, kumubadi bu muena dibanza, kumulombi tshia kasombelu.

MUKANDA WA MYIDI MUKULU

²⁵ “Tshilamba tshidi mukuebe udibuikila, wewe mutshikuate lukola, umupingajilatshi anu dituku dimue.

Ekesode 22:25 Eitobir Enkop

Misambu 15:5

Kena usombesha bakuabo argent yandi bua kuangateye kasombela kudibo, kena witabusha dibueshila bua kunyangeye tshilumbu tshia muntu udi kayi ne bualu. Muntu udi wenza malu â kena unyungishibua tshiendelele.

Yezekiyele 18:8

bikaleye kayi musombeshe mukuabo bintu bua kuheta kasombelu ka ha mutu, kayi mudiangatshile makasa; biumusheye tshianza tshiandi ku malu mabi, biakoseye bilumbu bia hankatshi ha muntu ne muntu anu ne kulumbulula kuakane,

Nsumuinu 28:8

Udi utudisha biuma biandi ku kasombela ne ku makasa udi ubisangishila muntu udi ufuila bahele luse.

Nehemya 5:7

Nakadielela meji munda muanyi, nakatandangana ne bantu banene ne bakokeshi, nakabambila ne, Muntu ne muntu udi ulomba tshia kasombela kudi muanʼabo. Nakashikika tshisumbu tshinene tshia bantu ku mpala kuabo.

Yezekiyele 18:17

udi umusha tshianza tshiandi ku malu mabi, udi kayi wangata kasombela anyi makasa, udi ulonda mikenji yanyi, udi utumikila mei anyi; muntu eu kena ufua bua bubi bua tatu wandi, neikale ne muoyo bulelela.

Yezekiyele 18:13

wakusombesha bakuabo bintu bua kuheta kasombela ne wakudiangatshila makasa, muntu eu neikale ne muoyo, anyi? Nansha, kena wikale ne muoyo. Wakuenza malu â onso a tshinyangu; nebamushihe bulelela; mashi andi neikale hamʼbidi handi.

Yirmeya 15:10

Mamu wanyi mundedi, ndi muedibue mulau, bua wewe wakandela bu muena mutoyi ne mufuidianganyi ne ba ha buloba bonso! Tshiena musombeshe muntu mukuabo tshintu, ne kakuena muntu wakunsombesha tshintu tshiandi, kadi muntu yonso wa munkatshi muabo udi ungela mulau.

2 Bakalenga 4:7

Hashishe yeye wakaya, wakamanyisha muntu wa Nzambi. Yeye wakamuambila ne, Ya, uhane manyi au, umane dibanza diebe, ne wewe ne bana bebe balume nuikale ne muoyo ku bidi bishale.

2 Bakalenga 4:1

Mukashi wa umue wa bana ba baprofete wakadila kudi Elisha ne, Muntu webe, bayanyi udi mufue; wewe udi mumanye bu muakatshina muntu webe Yehowa; muena dibanza wakalua bua kuangata bana banyi babidi bu bahika.

Luke 19:23

munyi kufidi mpalata wanyi mu bianza bia basombeshanganyi? Nunku hanakulua, nakadi kumuangata ne tshia kasombelu.

Matayi 25:27

biakadi bimpe bia wewe kufila mpalata wanyi mu bianza bia basombeshanganyi, nunku hanakulua, nakadi kuangata ntalanta wanyi ne tshia kasombela.

Yezekiyele 22:12

Mukelenge Yehowa udi wamba ne, Bakuabo ba munkatshi muenu bakuitabusha mbueshilu bua kumatshisha mashi a bakuabo hanshi; wewe wakulomba bia kasombela ne bia makasa, wakunyenga bintu kudi bena mutumba nʼebe ku bukole; wakumpua muoyo.

Dielulula 15:7

Bikalaku muntu muhele, umue wa bana benu, ku mbelu kua muntu yonso mu buloba budi Yehowa, Nzambi wenu, munuhe, kanukoleshi mitshima yenu, kanubuikidi tshianza tshienu kudi muanʼenu udi muhele;

Dielulula 24:13

nuhingashe tshieya tshiandi habuela diba, bua yeye alale tulu ne tshilulu tshiandi, anuvudishile disanka; bualu ebu nebuikale buakane kunudi, ku mesu kua Yehowa, Nzambi wenu.

Yezekiyele 18:7

bikaleye kayi muenzele mukuabo bibi, kadi muhingashile muena dibanza tshieya tshiandi, kayi munyenge bintu ku bukole, kadi muhe bakadi ne nzala bia kudia biandi, ne muluatshishe bakadi butaka bivualu;

Amosa 2:8

Badi badiolola hanshi hehi ne bioshelu bionso ha bilamba biakangatabo bu tshieya; mu nsubu wa Nzambi wabo badi banua nvinyo ya bantu bakafutshishabo bibau.