Ekesode 20:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Mose wakambila bantu ne, Kanutshinyi, bualu bua Nzambi wakulua bua kunuteta, ditshina diandi dikale ku mpala kuenu, bua nuenu kanuenji malu mabi.

MUKANDA WA MYIDI MUKULU

²⁰ Moshe kubandamuna ne: — Kanutshinyi to. Mvidi Mukulu mmufike bua kunuteta, bua numutshine, nulekele buenzayi.

Ekesode 20:20 Eitobir Enkop

Dielulula 13:3

kanunvu mei a muprofete au, anyi mulotshi au wa bilota; bualu bua Yehowa, Nzambi wenu, udi munutete, bua kumanya ne, Nudi basue Yehowa, Nzambi wenu, ne mitshima yenu yonso ne muoyo wenu wonso.

Nsumuinu 3:7

Kuikadi umena meji ku mesu kuebe wewe; utshine Yehowa, umuke ku malu mabi.

1 Samuele 12:20

Samuele wakambila bantu ne, Kanutshinyi: bulelela, nuakuenza bualu ebu bubi, kadi kanulekedi kulonda Yehowa, kadi nukuatshile Yehowa mudimu ne mitshima yenu yonso;

Yeshaya 8:13

Kadi Yehowa wa misumba nyeye ûdi wewe ne bua kunemeka bu wa tshijila. Nyeye unudi ne bua kutshina ne bua kuikala ne buowa kudiye.

Nsumuinu 16:6

Luse lujalame ne lulamatu lua ku bushuwa bidi bibuikila malu mabi, ne bua ditshina diabo dia Yehowa bantu badi bahanduka mu dikenga.

Yobe 28:28

Hashishe, wakambila bantu ne, Monai, ditshina dia Mukelenge didi meji; ne kumuka ku malu mabi kudi kujingulula kua malu.

Dielulula 8:2

Nuvuluke malu onso akanuenzela Yehowa, Nzambi wenu, bidimu ebi makumi anai hakadiye munulombole mu tshihela, bualu bua kunuhuekesha, ne kunuteta bualu bua kumanya malu akadi mu mitshima yenu, ne nudi basue kutumikila mikenji yandi, anyi kuyihidia.

Genese 22:1

Hakahita malu au Nzambi wakateta Abalahama, wakamuambila ne, Abalahama yeye wakitaba ne, Ndiku.

Yeshaya 41:10

Kutshinyi, bualu bua ndi nʼebe; kukenzakanyi bua buowa nansha, bualu bua ndi Nzambi webe; nenkukoleshe, bulelela, nenkukuatshishe; bulelela, netujadike ne tshianza tshianyi tshia balume tshia buakane buanyi.

Nsumuinu 1:7

Ditshina dia Yehowa ntshibangidilu tshia lungenyi; bahote badi bahetula meji ne diyisha.

Nehemya 5:15

Kadi ba-gouverneur bakadi ku mpala kuanyi bakangata difutu diabo kudi bantu; bakadiangatshila bidia ne nvinyo kudibo ha mutu ha nshekele ya argent makumi anai; bena mudimu babo mene bakakokesha bantu, kadi meme tshiakenza nunku bualu bua dishina dia Nzambi.

Yoshua 24:14

Nunku nutshine Yehowa, numukuatshile mudimu ne muoyo wonso udi kauyi ne lubombo, nûmushe nzambi yakakuatshila bankambua bena mudimu dishiya dia musulu wa Pelata ne mu Ejipitu; nukuatshile Yehowa mudimu.

Dielulula 10:12

Katataka, nuenu Bena Isalele, Yehowa, Nzambi wenu, udi musue nuenu nuenze malu kai? Mbua kutshina Yehowa, Nzambi wenu, ne kuenda mu nshila yandi yonso, ne bua kumusua, ne bua kuenzela Yehowa, Nzambi wenu, mudimu ne mitshima yenu yonso ne bukole buenu buonso,

Dielulula 6:2

bua nuenu nutshine Yehowa, Nzambi wenu, bua kutumikila mei andi onso ne mikenji yandi, binakanuambila, ne wewe ne muanʼebe mulume, ne muana wa muanʼebe mulume, matuku onso a muoyo wenu; bua wewe uvudishe matuku ebe.

Dielulula 4:10

dituku dinuakimana ku mpala kua Yehowa, Nzambi wenu, mu Holeba, hakangambila Yehowa ne, Unsangishile bantu, mbunvuishe mei anyi, bua bobo bamanye mua kuntshina matuku abo onso a ha buloba, ne bua bobo bayishe bana babo.

Genese 22:12

Yeye wakamba ne, Kulengi nsongalume tshianza nansha, kumuenzedi bualu, bualu bua katataka ndi mumanye ne wewe udi utshina Nzambi, bualu bua wewe kuakumpidia muanʼebe, muana umuehele mene.

Genese 20:11

Abalahama wakamuambila ne, Bualu bua nakuelangana meji ne, Bushuwa, ditshina dia Nzambi kadiena mu muaba eu, ne bobo nebanshihe bualu bua mukashi wanyi.

Ekesode 14:13

Mose wakambila bantu ne, Kanutshinyi, imanai, numone luhandu lua Yehowa lualueye kunuha lelu, bua Bena Ejipitu banuakumona lelu kanuena nubamona kabidi tshiendelele.

Dielulula 6:24

Yehowa wakatuela mikenji ei, bua tuetu tutshine Yehowa, Nzambi wetu, bua yeye atuenzele bimpe matuku onso, bua tuetu tuikale ne muoyo utudi nʼau lelu eu.

Yeshaya 41:13

Bualu bua meme, Yehowa Nzambi webe, nenkukuate ku tshianza tshiebe tshia balume, nkuambila ne, Kutshinyi, nenkukuatshishe.

Dielulula 8:16

wakanuisha ne mana mu tshihela, adi batatu benu kabayi bamanye; bualu bua kunuhuekesha ne kunuteta, bua kunuenzela bimpe mu matuku a kunshikidilu kuenu: