Ekesode 18:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Unvua dî dianyi, nenkuhe lungenyi, ne Nzambi neikale nʼebe, wewe wikale muakuidi wa bantu kudi Nzambi, Ulue biebe ne malu onso kudi Nzambi.

MUKANDA WA MYIDI MUKULU

¹⁹ Mbimpe witabe tshindi nkuambila. Mvidi Mukulu akuambuluishe. Wewe ushale anu Muakuidi wa bantu kudi Mvidi Mukulu. Wikale ufikishe bilumbu bia bantu kudi Mvidi Mukulu.

Ekesode 18:19 Eitobir Enkop

Dibadika 27:5

Mose wakaya ne bualu ebu ku mpala kua Yehowa.

Dielulula 5:5

(Meme nakimana hankatshi henu ne Yehowa tshikondo atshi, bua kunulesha dî dia Yehowa; nuenu nuakatshina bualu bua kahia, kanuakabanda ku mukuna;) yeye wakamba ne,

Ekesode 20:19

Bakambila Mose ne, Wakula biebe nʼetu, netunvue, kadi biakula Nzambi nʼetu, netufue.

Ekesode 3:12

Nzambi wakamba ne, Bulelela, nengikale nʼebe, nenkuhe tshimanyinu etshi tshidi tshilesha ne nakukutuma hawahatula bantu badi mu Ejipitu, nenutendelele Nzambi ha mukuna eu.

Genese 39:2

Yehowa wakadi ne Yosefe, wakamuendesha diakalengele, wakadi mu nsubu wa mukelenge wandi, Muena Ejipitu.

Matayi 28:20

nubayishe mua kuenza malu onso anakanuambila; ne monai, ndi nʼenu matuku onso tô ne kunshikidilu kua tshikondo etshi.

Nsumuinu 9:9

Uyishe muena meji, yeye neikale ne meji mahite a diambedi; uyishe muntu muakane, yeye neadiunde mu lungenyi.

2 Samuele 14:17

Hashishe muntu webe mukashi wakamba ne, Ndi nkusengelela ne, Dî dia mukelenge wanyi dinsambe; bualu bua mukelenge udi bu muanjelo wa Nzambi bua kujingululeye malu mimpe ne malu mabi. Yehowa, Nzambi webe, ikale nʼebe.

Yoshua 1:9

Tshiakukuambila, anyi? Ikala ne bukole ne mutshima wa dikima; kutshinyi, kukuatshiki buowa, bualu bua Yehowa, Nzambi webe, udi nʼebe kuonso kuwaya.

Dielulula 20:1

Hanuaya kuluangana nvita ne bantu badi nʼenu lukuna, ne hamutangila tubalu ne makalu ne bantu badi banuhita bungi, kanubatshinyi bualu bua Yehowa, Nzambi wenu, wakanuhatula mu buloba bua Ejipitu, udi nʼenu.

Ekesode 18:24

Mose wakitabusha di dia tatuʼandi-muenu, wakenza mei onso akambeye.

Ekesode 18:15

Mose wakambila tatuʼandi-muenu ne, Bualu bua bantu badi balue kundi bua kuebesha Nzambi malu.

Ekesode 4:16

Yeye neikale muakuidi webe kudi bantu, yeye neikale bu mukana muebe ne wewe newikale bu Nzambi kudiye.

Ekesode 4:12

Nunku, ya biebe, meme nengikale ne mukana muebe, meme nenkuyishe mei andi musue wewe kuamba.

Ekesode 18:20

Neubamanyishe mei a Nzambi ne mikenji, neubaleshe nshila udibo ne bua kuendamu, ne mudimu udibo ne bua kuenza.