Ebrewu 4:2 - Mukanda wa Nzambi Dihungila Dikulukulu ne Dihungila Dihia-dihia 2003

² Bulelela, tuakadi ne lumu luimpe luambibue kutudi bu muakadibo nʼalu lubambila kabidi; kadi dî diakunvuabo kadiakabakuatshisha, bualu bua kadiakusangishibua ku ditabusha ne bantu bakadiunvua.

MUKANDA WA MYIDI MUKULU

² Bualu bavua batumanyisha Lumu lua Disanka bu muvuabu batumanyishe bavua mu tshipeta. Bavua bumvua Lumu elu kabavua baluitabe.

Ebrewu 4:2 Eitobir Enkop

1 Tesalonike 2:13

Bua muanda eu kabidi katuena tulekela kusakidila Nzambi ne, Hanuakangata dî dinuakunvua kutudi, dia Nzambi mene, nuakaditabusha, kembu dî dia bantu, kadi bu mudidi bushua, dî dia Nzambi mene, didi dienzesha munda muenu badi bitabusha.

Ebrewu 11:6

Ne bikalaku kakui ditabusha, muntu kena mua kumusankisha; bualu bua muntu udi ulua kudi Nzambi budiye nʼabu mbua kuitabusha ne, Yeye udiku, ne udi mufutshi wa badi bamukeba.

Ebrewu 3:12

Bana betu, nudimuke bua bumue kakulu kuikala umue wenu udi ne mutshima mubi wa buhidia munda muandi, mu dilekela diandi dia Nzambi wa muoyo;

1 Timote 4:8

Bualu bua dikolesha dia mubidi didi ne mushinga muimpe kakese; kadi buimpe bua Nzambi budi ne mushinga muimpe mu malu onso, budi ne mulayi wa muoyo wa mpindiu ne wa muoyo ukadi ha kulua.

Rome 2:25

Bua ditengula didi dikukuatshisha biwikala wenza mikenshi; kadi biwikala mushihi wa mikenshi, ditengula diebe diakulua bu kadi ditengula.

Bienzedi 13:46

Paulo ne Bânaba bakajukuila bantu, bakamba ne, Butuakadi nʼabu mbua kunuambila nuenu dî dia Nzambi diambedi. Kadi bualu bua nuenu nudi nuhidia dî edi, ne nudi nudilumbuluila bualu buenu ne, Katuena bantu bakane ba kuangata muoyo wa tshiendelele, tuetu netuye kudi bantu ba bisamba bia bende.

Yakobe 1:21

Nunku umushai bukoya buonso ne divulangana dia malu mabi, nuitabushe dî ne kalolo didi dikunyibua munda muenu, didi dimanye mua kusungila mioyo yenu.

Ebrewu 4:6

Nunku kutshidi kushala bua bakuabo babuelemu, ne bua bantu bakadi ne lumu luimpe luambibua kudibo diambedi kabakabuelamu bua buhidia buabo,

1 Korente 13:3

Binahesha bintu bianyi bionso bua kudishabo nʼabi bahele, ne binafila mubidi bua kungoshabo, kadi bingikala tshi ne luse, malu â kena ankuatshisha nasha.

1 Petro 1:12

Buakabuluibua kudibo, ne kabakadikuatshila, bobo bine, malu â mudimu, kudi bakanakuatshilau nuenu mudimu, malu mene akanumanyishabo katataka kudi bantu bakanuambila lumu luimpe mu Nyuma Muimpe wakanutuminabo mufume mu diulu; malu adi banjelo basue kutangilatangila.

1 Tesalonike 1:5

bualu bua lumu luimpe lutudi tuamba kaluakalua kunudi anu mu dî nkayadi, kadi luakalua mu bukole ne mu Nyuma Muimpe ne mu kumanya kujalama; bu munudi bamanye mushindu wa bantu utuakadivuisha munkatshi muenu bua bualu buenu.

Ngalate 3:8

Bualu bua Mukanda wa Nzambi wakadianjila kumona ne, Nzambi neabingishe bantu ba bisamba bia bende ku ditabusha, wakadianjila kuambila Abalahama lumu luimpe ne, Bisamba bionso nebivudishibue disanka bua bualu buebe.

Ngalate 4:13

nudi bamanye ne bualu bua butekete bua mubidi wanyi nakanuambila lumu luimpe musangu wa kumudilu.

Bienzedi 3:26

Nzambi mumane kubisha Muana wandi diambedi, wakamutuma kunudi bua kunusankisheye, hanumusheye muntu ne muntu ku mibi yandi.

Dielulula 1:32

Kadi mu bualu ebu buonso kanuakatumikila Yehowa, Nzambi wenu,

Rome 3:3

Kadi bikala bakuabo kabai bitabusha, dihanga diabo dia kuikala ne ditabusha nedivuishe dieyemenyibua dia Nzambi ne hatuhu, anyi?

Ngalate 3:2

Ndi musue kunukonka anu bualu bumue, Nuakangata Nyuma bua kuenza kua mikenshi anyi bua kunvua kua lumu luimpe ne ditabusha?