Dielulula 4:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Tshisamba kai tshidi ne nzambi ha buihi nʼabo bu mudi Yehowa, Nzambi wetu, hanuaulukila?

MUKANDA WA MYIDI MUKULU

⁷ Bualu ku bisamba bionsu, nansha bidi ne bantu bapite bungi, kakuena tshisamba tshidi ne mvidie pabuipi natshi, bu mudi Maweja-Nangila Mvidi Mukulu wetu pabuipi netu, misangu yonsu itudi Kunubikila, tumulomba diambuluisha.

Dielulula 4:7 Eitobir Enkop

Misambu 145:18

Yehowa udi ha buihi ne bonso badi bamubikila, kudi bonso badi bamubikila mu bushuwa.

Misambu 34:18

Yehowa udi ha buihi ne bantu badi ne mitshima idi itamba kunyingalala, udi Usungila badi ne mitshima ya majia.

Misambu 73:28

Kadi bidi bimpe bua meme kusemena ha buihi ne Nzambi. Nakuvuisha Mukelenge Yehowa tshinyemenu tshianyi, bua mmanye bianyi mua kuambila bantu bua midimu yebe yonso.

2 Samuele 7:23

Tshisamba kai tshia hanshi ha buloba tshidi bu bantu bebe Bena Isalele? Nzambi nkayandi wakababikila bu bantu bandi bua kujadikeye nʼabo dina diandi ne bua kubenzeleye malu manene; yeye wakenza malu a kukema mu buloba buabo ku mesu kua bantu bandi bakahikuleye mu Ejipitu mu bianza bia bisamba bikuabo ne bia nzambi yabo.

Yakobe 4:8

Semenai ha buihi ne Nzambi ne yeye neasemene ha buihi ntemu. Nulengeshe bianza bienu, nuenu bantu babi, nutokeshe mitshima yenu, nuenu bena mitshima ibidi.

Yeshaya 55:6

Yehowa udi wamba ne, Keba Yehowa haudi mumanye mua kumusangana; umubikidile hatshidiye ha buihi.

Misambu 46:1

Nzambi udi tshinyemenu tshietu ne bukole buetu, udi dikuatshisha dietu mu makenga didi kadiyi dihanga tshiendelele.

Misambu 148:14

Yeye wakuambuila bantu bandi lusengu, wakudivuisha wa kutumbishibua kudi bansanto bandi bonso, kudi bantu ba mu Isalele badi ha buihi nʼandi. Tumbishai Yehowa!

Yeshaya 43:4

Bualu bua wewe udi tshintu tshia mushinga mukole ku mesu kuanyi, mutumbishibue ne munangibue kundi, nunku nenfile bantu bakuabo mu muaba webe, nenshintakashe mioyo ya binga bisamba ku muoyo webe.

Dielulula 5:26

Muntu kai munkatshi mua bantu bonso wakunvua dî dia Nzambi wa muoyo, diakafuma munkatshi mua kahia, bu tuetu tuakulua, ne wakashala ne muoyo?

Dibadika 23:21

Yeye kena mutangile malu mabi munkatshi mua bana ba Yakoba, yeye kena mutangile mitshima mikole munkatshi mua Isalele. Yehowa, Nzambi wandi udi nʼandi ne dî dia lubila dia bukelenge didi munkatshi muabo.

Dibadika 23:9

Bualu bua nakumutangila ku mutu kua mabue, nakamumona ku mutu kua mikuna, bantu aba badi bashikama ha buabo kabena babadibua munkatshi mua bisamba bikuabo.

Bienzedi 17:27

Wakenza nunku bua bakebe Nzambi, benda babubuta bua kumumonabo, kadi yeye kena nʼetu kule kudi muntu ne muntu.

Dielulula 4:32

Katataka nudikonke munda bua matuku adi ku nyima akadi ku mpala kuenu, katshia Nzambi wafuka bantu ha buloba, ne ku luseke lumue lua diulu tô ne ku luseke lukuabo ne, Bikalaku bualu bunene nunku, anyi bikalabo bunvue lumu lua bualu bua nunku.

Dielulula 26:19

ne kunubandisha ku mutu kua bisamba bionso biakafukeye mu butumbi ne mu dina ne mu buneme; bua nuenu nuikale bantu ba tshijila kudi Yehowa, Nzambi wenu, bu muakuambeye.

Misambu 34:17

Bantu bakane badi badila dikuatshisha, Yehowa udi ubunvuila, udi ubahandula mu makenga abo onso.

Misambu 85:9

Bulelela, luhandu luandi ludi ha buihi ne badi bamutshina, bua butumbi bushikame mu buloba buetu.

Misambu 147:20

Kena muenzele ba mu tshinga tshisamba nunku nansha; kabena bamanye kulumbulula kuandi. Tumbishai Yehowa!

Dielulula 33:29

Bena Isalele, nuenu nudi ne disanka, banganyi badi bu nuenu basungidibue kudi Yehowa! Yeye udi bu ngabu wa dikuatshisha dienu; udi bu muele wa nvita unudi nutamba nʼau bakuabo! Bantu badi nʼenu lukuna nebanukokele, nuenu nenudiate mikuna yabo mu makasa enu.