Danyele 12:2 - Mukanda wa Nzambi Dihungila Dikulukulu ne Dihungila Dihia-dihia 2003

² Bafue ba bungi nebabike, bakuabo bua kuikalabo ne muoyo wa tshiendelele, bakuabo bua kufuishibuabo bundu ne kuhetudibua tshiendelele.

MUKANDA WA MYIDI MUKULU

² Bantu ba bungi badi mu kandondu nebabike ku lufu, bamue bua kuikalabu ne muoyi wa tshiendelele, bakuabu bua kuikala ne bundu, bashala ne bowa tshiendelele.

Danyele 12:2 Eitobir Enkop

Yeshaya 26:19

Bafue bebe nebikale ne muoyo; mibidi yabo mifue neyibike. Tabalai ne imbai bienu, nuenu badi balala mu dinfuenkenya! Bua mume webe udi bu mume wa munya, buloba nebuluhule bafue badimu.

Matayi 25:46

Bantu aba nebaye mu dikenga dia tshiendelele, kadi bantu bakane nebaye mu muoyo wa tshiendelele.

Yezekiyele 37:12

Nunku amba mei ebe a buprofete, ubambile ne, Mukelenge Yehowa udi wamba ne, Monai bienu, nembulule nkita yenu, nennuhatule mu nkita yenu, nuenu bantu banyi, nendue nʼenu mu buloba bua Isalele.

Didimanyisha 20:12

Nakatangila bafue, banene ne bakese, bimane ku mpala kua nkuasa wa butumbi; ne mikanda yakabuluibua, mukanda mukuabo wakabulula kabidi, udi wa muoyo; bakalumbuluisha bafue ku malu akadi mafunda mu mukanda, bu muakadi bienzedi biabo.

Bienzedi 24:15

ndi ne ditekemena kudi Nzambi didi bantu aba bitabusha kabidi ne, Dibika dia bafue nedikaleku, ne dia bakane ne dia babi.

1 Tesalonike 4:14

Bualu bua bituitabusha ne Yesu wakafua, ne wakabika ku lufu kabidi, muomumue Nzambi nealue ne bantu aba nʼandi kabidi bakalala tulu ma lufu bualu bua Yesu.

Yeshaya 66:24

Nebaluhuke, nebatangile bitalu bia bantu bakuntombokela; bualu bua tshikusu tshiabo katshiena tshilua, kahia kabo kakena kajima, ne bobo nebikale bintu bidi bantu bonso bahetula.

Yirmeya 20:11

Kadi Yehowa udi nʼanyi bu muena bukitu mukole ne mukuatshishi wa buowa, nunku bankengeshi nebalenduke, kabena bampita bukole; nebafuishibue bundu tshishiki, bualu bua kabakuenza muanda wakadibo basue kuenza; nebafuishibue bundu bua tshiendelele, budi kabuyi mua kuhuibua muoyo.

Osheya 13:14

Nembahikule ku bukole bua Muaba wa Bafue, anyi? Nembahandishe ku lufu, anyi? Lufu, makenga ebe adi kudi kunyi? Muaba wa Bafue, kubutula kuebe kudi hanyi? Kukudimuna kua mitshima kudi kusokokibua ku mesu kuanyi.

Rome 9:21

Mufumbi kena ne bukokeshi bua dima bua kufumba ne dibulu diodiumue tshifuadi tshimue tshia mudimu wa butumbi ne tshinga tshia mudimu wa hatuhu, anyi?

Bienzedi 7:60

Wakatua binu hanshi, wakela dî dikole ne, Mukelenge, kubatekedi bubi ebu. Hakambeye dî edi, wakalala tulu.

Nsumuinu 12:8

Badi banyisha muntu muakane bu mudi meji andi, kadi badi bahetula muntu udi ne mutshima wa tshishiku.