Yohana 3:5 - Osotua Ng'ejuk

⁵ Nealu Yesus: Japa, japa, aaliki iye, teni meiuni oltung'ani tʼengare o tʼOlmumua, meidim atijing'a atua enkarsishu Engai,

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

⁵ Newaliki Yesu ajoki, “Esipa, esipa, aajoki iyie, te neitu eini oltung'ani te nkare o te Nkiyang'et, nemeidim atijing'a Enkitoria e Nkai.

BIBLIA SINYATI TE NKUTUK OO LMAASAI NATISIRAKI ENG'EJUK

⁵ Newaliki Yesu ajoki, “Esipa, esipa, aajoki iyie, te neitu eini oltung'ani te nkare o te Nkiyang'et, nemeidim atijing'a Enkitoria e Nkai.

Biblia Sinyati

⁵ Newaliki Yesu ajoki, “Esipa, esipa, aajoki iyie, te neitu eini oltung'ani te nkare o te Nkiyang'et, nemeidim atijing'a Enkitoria e Nkai.

BIBLIA SINYATI

⁵ Newaliki Yesu ajoki, “Esipa, esipa, aajoki iyie, te neitu eini oltung'ani te nkare o te Nkiyang'et, nemeidim atijing'a Enkitoria e Nkai.

Yohana 3:5 Eitobir Enkop

Iasat 2:38

Nejoki Petros ninje: Entaalata, njeibatisi oltung'ani pookin too ndai atua engarna e Yesus Kristos, petum enkitaunoto oo nkitarruot, nipuopuo aang'amu enkishooroto Olmumua Sinyati.

Ile Efeso 5:26

pesinyaa ninye eikishaanye tʼenkisujata engare tiatua ororei,

1 Petero 3:21

Naa engare naitopok si yook taata tʼenkibatisa naitanyanyukieki te ina, nemera enjororoto oloirerio lʼosesen, kake osotua lʼoltoilo sidai lʼoltau oitoriokinore Engai tʼolbae lʼempiunoto e Yesus Kristos,

1 Ilkorintio 6:11

Ore kulekai tiatua ndai, naa nji opa etiu. Kake eisujaki ndai neitaai ndai sinyat tiatua engarna Olaitoriani Yesus Kristos o tiatua Olmumua lʼEngai ang'.

Matayo 3:11

Aibatis nanu ndai tʼengare, pitumutumu aataalata; ore ninye olotu tekurum ai egol naalang' nanu, namaiteu atanapa namuka enyena; elaibatis ninye ndai tʼOlmumua Sinyati o tʼenkima.

Yohana 3:3

Nealu Yesus nejoki ninye: Japa, japa, aaliki iye, teni meiuni oltung'ani kat are, meidim atadua enkarsishu Engai.

Marko 16:16

Oloiruk neibatisi, nepok; olemeiruk, nepuoi aadek.

1 Ilkorintio 2:12

Eitu king'amu yook Olmumua lʼele maa, kake Olmumua oing'ua Engai, pikitum aatayolou ng'adunot naaishoo yook Engai;

Yohana 1:13

leitu eiuni too sargeta neme tʼeyeunoto enkiring'o neme tʼeyeunoto olee, kake tʼEngai.

1 Yohana 5:1

Ore oltung'ani pookin loiruk Yesus, ajo ninye Kristos, etoiwuoki ninye tʼEngai. Ore oltung'ani pookin lonyor olotoiwuo ninye, nenyor baiki olotoiwuoki te ninye.

1 Yohana 2:29

Teni iyololo, aajo ninye supat, nintokiki aayolou, aajo ore oloitobir esupato, naa ilo etoiwuo ninye.

Ilgalatia 6:15

Amu tiatua Kristos medupa emurata arashu memurata, kake enkitobirata ng'ejuk nadupa.

Iroma 14:17

Amu mera enkarsishu Engai endaa o eokoto, kake esupato o eseriani o eng'ida tiatua Olmumua Sinyati;

Matayo 28:19

Akae, embung'a engoitoi, entaa laiteng'enuok loreren pookin, imbatisisi ninje atua engarna e Papa o Oinoti o Olmumua Sinyati,

Matayo 18:3

nejo: Japa, aliki ndai, teni mimbelekenyanya aaku anaa nkera, mijing'ijing'i tukul atua enkarsishu e shumata.

1 Petero 1:2

loora gelunot lʼEngai Papa tʼeyolounoto enye neba opa, o tiatua esinyaroto Olmumua Sinyati metabaiki ening'oto o enkisuakinoto osarge le Yesus Kristos. Metoponari eng'adunoto o eseriani Engai too ndai!

Iasat 3:19

Ore taata, entaalata, embelekenyata, pejutori nkitarruot inyi,

Luka 13:3

Aliki ndai: Me neijia, kake teni mialala ndai, nipuopuo aaimin pookin neijia.

Matayo 5:20

Amu aliki ndai: Teni melang' esupato inyi esupato oo layolok lʼesirata o noo Lfarisayoi, nimijing'ijing'i enkarsishu e shumata tukul.

Iroma 8:2

Amu aatalakutua nkitanapat Olmumua lʼempuan tiatua Kristos Yesus aitung'ua nkitanapat enkitarruoto o enkea.

Luka 13:24

Entaapare, pijing'ijing'i kutukaji napirik; amu aliki ndai, ajo ilkumok ooing'oru ninye, pejing', nemeidim.

Luka 13:5

Aliki ndai: Me neijia, kake teni mialala ndai, nipuopuo aaimin pookin neijia.

Matayo 19:24

Naitoki aliki ndai: Elelek eim endames eudoto esindano nelang' oladupani ejing' atua enkarsishu Engai.

Matayo 21:31

Kalo obo too kulo pokira are oitobira enanyor menye lenye? Nejoki ninje: ilo botor. Nejoki Yesus ninje: Japa, aliki ndai: Eiturukie ndai laoshok le kodi o iltung'anak lʼentalare aajing' enkarsishu e shumata nelang' ndai.

Marko 9:47

Teni kintapong'oo engong'u ino, nturrai ninye; eikash, ijing' atua enkarsishu Engai, ira mulug ong'u, nelang' iata ngonyek pokira are nikinang'akini atua enkima e satan,

Marko 10:14

Ore pedol Yesus ena, neisikong' ninye nejoki ninje: Enjoo nkera epuonu enatii, emimitiki ninje, amu era enkarsishu Engai noo loonyanyukie nena.

Yohana 3:4

Nejoki Nikodemos ninye: Kaji eikuni teni eiuni oltung'ani era moruo? Keidim ninye atijing'a atua engoshoke e ng'otonye eniare, peiuni?

1 Ilkorintio 15:50

Kake ajo ele rorei, lalashera: meidim nkiri o osarge aatujung'u enkarsishu Engai; nemejung'u naarruoio nena nemerruoio.