Yohana 19:30 - Osotua Ng'ejuk

³⁰ Ore peidip Yesus atang'amu engare olodua, nejo: Eidipe! neirrugie elukunya nedung'o tau.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

³⁰ Ore pee eng'amu Yesu ina siki nejo, “Eidipe!” Neirrug elukunya neitaaya enkishui enye.

BIBLIA SINYATI TE NKUTUK OO LMAASAI NATISIRAKI ENG'EJUK

³⁰ Ore pee eng'amu Yesu ina siki nejo, “Eidipe!” Neirrug elukunya neitaaya enkishui enye.

Biblia Sinyati

³⁰ Ore pee eng'amu Yesu ina siki nejo, “Eidipe!” Neirrug elukunya nedung tau.

BIBLIA SINYATI

³⁰ Ore pee eng'amu Yesu ina siki nejo, “Eidipe!” Neirrug elukunya nedung tau.

Yohana 19:30 Eitobir Enkop

Yohana 17:4

Aaitaa iye kitok tʼenkop naitahaia enkyas nikinjoo, paitobir.

Ilfilipi 2:8

neitadou kion nening'ishoi metabaiki enkea, metabaiki enkea esalaba.

Ilhebrania 12:2

maimariria Yesus ora olaiturukoni o olaitabaiani lʼenkirukoto, oting'iriaka esalaba tʼewueji eng'ida natii engomom enye, neitu eshilaa enkurruna, neton te tatene olorika lʼenkitoria lʼEngai.

Yohana 10:11

Ara nanu olairritani sidai. Eishooio olairritani sidai oltau lenye tʼolbae loo ntare.

Luka 23:46

Neipotisho Yesus tʼoltoilo kitok nejo: Papa, ayaki Olmumua lai atua ngaik inono. Ore peidip atejo ena, nedung'o tau.

Iroma 10:4

Amu era Kristos embaiaroto oo nkitanapat, petum oltung'ani pookin oiruk esupato.

Yohana 19:28

Ore tekurum ena etayolouo Yesus, ajo eidipate pookin, pebaia esirata, nejo: Aata enkure!

Marko 15:37

Neitupuku Yesus oltoilo kitok, nedung'o tau.

Yohana 10:18

Metii o obo oitau ninye te nanu, kake nanu openy oishooio ninye. Aata engolon naishorie ninye, naata engolon naitoki ang'amunye ninye. Atang'amua ena kitanapata te Papa lai.

Yohana 4:34

Nejoki Yesus ninje: Era endaa ai, paitobir eyeunoto olaairriua nalaidip enkyas enye.

Matayo 20:28

neijia anaa peitu elotu Enkerai oltung'ani, peisho eisyayakini ninye, kake peisyaisho neishooio empuan enye, peaku elakunoto oo lkumok.

Matayo 27:50

Ore peidip Yesus ataapai kat are oltoilo tʼengolon, nedung'o tau.

Ilhebrania 9:22

naa ore tʼorregie loo nkitanapat, etaana ntokitin pookin eisuji tʼosarge; naa ten eitu eibukori osarge, nemetii enkitaunoto oo nkitarruot.

Iroma 3:25

loitera apik Engai, peaku enkidasare enkitobirakinoto tʼenkirukoto tiatua osarge lenye, peaku olponoto lʼesupato enye tʼenkitaunoto oo nkitarruot, naatobiko metabaiki taata tiatua olng'iria lʼEngai,

Matayo 3:15

Nealiki ake Yesus nejoki: Tapala nena taata! amu meata kata nimikintabaia erioto pookin. Akae, neiruk ninye.

1 Ilkorintio 5:7

Akae, entau tiatua ndai ina kisiijoi musana, pitumutumu aataa entapa ng'ejuk, neijia anaa pemekure etii enkisiijoi atua ndai. Amu eidasaiyeki embalelo e pasaka ang', nera Kristos.

Luka 22:37

Amu aliki nanu ndai: Meata kata nemaitabaia nanu ena natisiraki: Eikenaiyoki te nebo o laitarruok. Amu enatisiraki te nanu, neata enkitabaiaroto.