Yohana 15:10 - Osotua Ng'ejuk

¹⁰ Teni imbung'ubung'u nkitanapat ainei, nibikibiki tiatua enyorrata ai, neijia anaa paibung'a nanu nkitanapat e Papa lai nabik tiatua enyorrata enye.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

¹⁰ Tinimbung'ubung'u intae nkitanapat aainei, naa aitonini tiatua enyorrata ai, anaa enaibung'a nkitanapat e Papa naton tiatua enyorrata enye.

BIBLIA SINYATI TE NKUTUK OO LMAASAI NATISIRAKI ENG'EJUK

¹⁰ Tinimbung'ubung'u intae nkitanapat aainei, naa aitonini tiatua enyorrata ai, anaa enaibung'a nkitanapat e Papa naton tiatua enyorrata enye.

Biblia Sinyati

¹⁰ Tinimbung'ubung'u intae nkitanapat aainei, na aitonini ti atua enyorrata ai, anaa enaibung'a nkitanapat e Papa naton ti atua enyorrata enye.

BIBLIA SINYATI

¹⁰ Tinimbung'ubung'u intae nkitanapat aainei, na aitonini ti atua enyorrata ai, anaa enaibung'a nkitanapat e Papa naton ti atua enyorrata enye.

Yohana 15:10 Eitobir Enkop

Yohana 14:15

Teni kinyorrinyorro, embung'a nkitanapat ainei!

1 Yohana 5:3

Amu nyena enyorrata Engai, pikimbung' nkitanapat enyena, nemegol nkitanapat enyena.

1 Yohana 2:5

Kake ore oloibung' ororei lenye, neitabaiyoki enyorrata Engai tiatua ninye, esipa. Ina kiyolounye, aajo kitii atua ninye.

2 Petero 2:21

Enaikash too ninje, ten emut eitu eyolou engoitoi esupato, alang' teni eyolou neitoki aalam tʼenkitanapata sinyati naishooki ninje.

Yohana 8:29

Ore olaairriua, netii e nebo o nanu; eitu aaing'ua Papa openy, tiaraki naitobir oshi nanyor ninye.

Yohana 4:34

Nejoki Yesus ninje: Era endaa ai, paitobir eyeunoto olaairriua nalaidip enkyas enye.

1 Ilsesalonike 4:1

Akae, eng'or, lalashera, kisai nikididing' ndai tiatua Olaitoriani Yesus Kristos, peiye (anaa pitang'amutua too yook, pibikibiki tʼorregie oitoriori ninting'iding'idi Engai) iponipono aapona.

Yohana 17:4

Aaitaa iye kitok tʼenkop naitahaia enkyas nikinjoo, paitobir.

Yohana 14:31

kake peiye eyolou olmaa, ajo anyor nanu Papa naitobir neijia anaa paaitanapa Papa: Enyoito, maapeti aing'ua ene!

Yohana 12:49

Amu eitu alimu nanu te kion, kake Papa laairriua nanu, ninye laaishoo enkitanapata enairorie o enalimunye.

Embolunoto 22:14

Teshi kulo, looibung' nkitanapat enyena, petum engolon nang'arie nkeek empuan, nejing' too kishomini atua engang'.

Yohana 14:21

Oloata nkitanapat ainei neibung' ninje, nera ele olaanyor nanu; olaanyor nanu, nenyorru Papa lai ninye, nalanyor si nanu ninye nalaitayolou kion ninye.

1 Ilkorintio 7:19

Me toki emurata, ana teni mimurata me toki, kake teni imbung' nkitanapat Engai.

Ilhebrania 7:26

Amu eikash too yook, teni kiata olaidasani kitok oba nji, ajo era sinyati nemeata entorroni, nemeata entibili, otirishunye too laitarruok, netii ninye shumata naleng',

Yohana 8:55

nimiyololo ndai ninye, kake ayolo nanu ninye. Ten emutu ajo: mayolo nanu ninye, anaata aaku olalejani anaa ndai; kake ayolo nanu ninye naibung' rorei lenyena.

Yohana 10:18

Metii o obo oitau ninye te nanu, kake nanu openy oishooio ninye. Aata engolon naishorie ninye, naata engolon naitoki ang'amunye ninye. Atang'amua ena kitanapata te Papa lai.

Yohana 14:23

Nealu Yesus nejoki ninye: Teni aanyor oltung'ani nelaibung' rorei lainei, nelanyor Papa lai ninye, nikipuonu enetii ninye nikipuo aaitobir entonata te ninye.

1 Yohana 2:3

Ena nikiyolounye, aajo kiyolou ninye, teni kimbung' nkitanapat enyena.

1 Yohana 2:6

Ore olojo, ebik tiatua ninye, meata kata nemelimana neijia anaa petilimane ninye.