Yohana 13:33 - Osotua Ng'ejuk

³³ Nakera, eng'or enkiti kata natii e nebo o ndai. Kipuopuo aaing'oru; naa anaa patiaka Yudayoi: Enalo nanu, mindimidimi aaetu ndai, najoki taata baiki ndai.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

³³ Nkera aainei, keng'or enkiti kata eton aboitare intae. Eikiyiookiki aaing'oru nanu, naa ore anaa enatiaaka Lyahudi, ‘Ore ine nalo mindimidimi aaetu,’ nejia sii ajoki intae taata.

BIBLIA SINYATI TE NKUTUK OO LMAASAI NATISIRAKI ENG'EJUK

³³ Nkera aainei, keng'or enkiti kata eton aboitare intae. Eikiyiookiki aaing'oru nanu, naa ore anaa enatiaaka Lyahudi, ‘Ore ine nalo mindimidimi aaetu,’ nejia sii ajoki intae taata.

Biblia Sinyati

³³ Nkera aainei, eng'or enkiti kata eton aboitare intae. Eikiyookiki aaing'oru nanu, naa ore anaa enatiaaka Lyahudi, ‘Ore ine nalo mindimidimi aaetu,’ neijia sii ajoki intae taata.

BIBLIA SINYATI

³³ Nkera aainei, eng'or enkiti kata eton aboitare intae. Eikiyookiki aaing'oru nanu, naa ore anaa enatiaaka Lyahudi, ‘Ore ine nalo mindimidimi aaetu,’ neijia sii ajoki intae taata.

Yohana 13:33 Eitobir Enkop

1 Yohana 2:1

Nakera ainei, asiraki ndai kuna, peiye mintarruorruo; naa teni eitarruo obo, kiata olomitu yook te Papa, Yesus Kristos, ora supat.

Yohana 14:19

Eng'or enkiti kata, namaaitoki adol olmaa, kake kidolidolo ndai nanu, amu aishiu nanu, nipuopuo aaishiu si ndai.

1 Yohana 5:21

Nakera kutiti, entorrip aten too nkulie ain. Amen.

1 Yohana 4:4

Irara ndai l'Engai, nakera kutiti, nitigilutua lelo; amu ore oloti! atua ndai, nera kitok nelang' ele otii atua olmaa.

Ilgalatia 4:19

Nakera ainei, naiu kat are tʼemion, metabana nelioi emua e Kristos tiatua ndai:

Yohana 7:36

Kalo rorei ele lotejo ninye: Kipuopuo aaing'oru, nimikitumutumu, o enatii nanu, nimindimidimi aaetu ndai?

Yohana 13:36

Nejoki Simon Petros ninye: Laitoriani, kaji ilo? Nealiki Yesus ninye: Enalo nanu, nimikindim taata atusuja, kake kilasuj tekurum.

Yohana 14:2

Etii engaji e Papa lai ntonat kumok; ten emutu metiu neijia, anaata aliki ndai: Alo nanu, paitobiraki ndai ewueji.