Yohana 10:14 - Osotua Ng'ejuk

¹⁴ Ara nanu olairntani sidai nayolo naara nkun ainei naayolo nkun ainei nanu,

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

¹⁴ Kara nanu olchekut supat; nayiolo inaainei, naayiolo sii nanu inaainei,

BIBLIA SINYATI TE NKUTUK OO LMAASAI NATISIRAKI ENG'EJUK

¹⁴ Kara nanu olchekut supat; nayiolo inaainei, naayiolo sii nanu inaainei,

Biblia Sinyati

¹⁴ Ara nanu olchekut supat; nayiolo inaainei, naayiolo sii nanu inaainei,

BIBLIA SINYATI

¹⁴ Ara nanu olchekut supat; nayiolo inaainei, naayiolo sii nanu inaainei,

Yohana 10:14 Eitobir Enkop

Yohana 10:27

Ening' ntare ainei oltoilo lai nayolo si nanu ninje naasuj ninje nanu,

2 Timoteo 2:19

Kake ebik entonata nagol Engai neata ele ponoto: Eyolo Olaitoriani loora ilkulenyena — o: Njepaash entorroni oltung'ani pookin oipot engarna Olaitoriani.

Yohana 10:11

Ara nanu olairritani sidai. Eishooio olairritani sidai oltau lenye tʼolbae loo ntare.

1 Yohana 5:20

Kake kiyolo, aajo eewuo Oinoti lʼEngai neisho yook eng'eno, pekiyolou olosipa, nikitii yook atua olosipa, atua Oinoti lenye Yesus Kristos. Ninye Engai nasipa o empuan nemeiting'.

Ile Efeso 1:17

peisho ndai Engai Olaitoriani lang' Yesus Kristos, Menye lʼenkitook, Olmumua lʼeng'eno o embolunoto tiatua eyolounoto enye

Yohana 17:3

Nera ena empuan nemeiting', pikiyolou iye ake, Engai nasipa, o Yesus Kristos lirriua.

Embolunoto 2:2

Ayolo nkitobirat inono o enkyas ino o olng'iria lino, nimindim atanapa iltung'anak torrok, nitetema kulo ooipot aten lairriwak, nemera ninje, nitadua si ajo lalejak;

2 Timoteo 1:12

Te ilo bae atum kuna kisilot; kake maning' enkurruna too ninje, amu ayolo olairuk, naaitisipuni, ajo aaidim atorripoki nena naaishooki, metabaiki ina olong'.

Ilfilipi 3:8

Eton aiken nona pookin aa enkiminata, amu kitok naleng' eyolounoto Olaitoriani lai Yesus Kristos; ore tʼolbae lenye aikena pookin ajo enkiminata, naitoki aiken aa olduruki, patum Kristos,

Ile Efeso 3:19

piyolouu baiki enyorrata e Kristos nalang' eyolounoto pookin, peiganyi ndai tʼenkiganyata pookin Engai.

Yohana 17:8

amu aishoo nanu ninje rorei likinjoo, neng'amu si ninje neyolou tʼesipata, aajo aewuo aing'ua engang' ino, neiruk, aajo iye likirriua.

Embolunoto 2:19

Ayolo nkitobirat inono o enyorrata ino o enkirukoto ino o enkisyayare ino o olng'iria lino, nayolo, ajo etalang'a nkitobirat inono enkiting'oto nena enkiterata.

Embolunoto 2:13

Ayolo enintobir o ewueji enimanya, enetii olorika le satan. Nimbung' engarna ai neitu imiki enkirukoto ai baiki too nena olong'i naataarieki metua Antipas, oljakeni lai supat, too ndai, enetii satan.

2 Ilkorintio 4:6

Amu Engai najo: Njeilang'isho enkilang'et tʼenaimin, ninye nailang'ishe tiatua iltauja lang', aisho eong'an nikiyolounye enkitook Engai tiatua engomom e Kristos.

Embolunoto 3:15

Ayolo nkitobirat inono, ajo mirobi nimirowua. Oi, ten emut irobi arashu irowua!

Embolunoto 3:8

Ayolo nkitobirat inono. Ng'orai, aishoo tʼengomom ino kutukaji nabolo, nemetii oloidim aigeno; amu iata iye enkiti golon, nimbung'a ororei lai neitu imiki engarna ai.

Embolunoto 2:9

Ayolo nkitobirat inono o osina lino o esinaishu ino — kake ira iye oladupani — o emoroto oo looipot aten Yudayoi, nemera, kake era lʼesirit e satan.

Embolunoto 3:1

Tisiraki olmalaika lʼesirit natii atua Sardes: Kuna ejo Oloata ilmumuan oopishana lʼEngai o lakir oopishana: Ayolo nkitobirat inono, amu iata engarna ajo injiu, nitua iye.

Yohana 10:13

Nekwet olaishokoni nemepik mbaak oo ntare atua oltau lenye.