Yohana 1:18 - Osotua Ng'ejuk

¹⁸ Neitu aikata edol oltung'ani o obo Engai; Oinoti obo otii engalo olgoo le Menye, ilo loinosua.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

¹⁸ Meetae oltung'ani ai kata otoduaa Enkai; kake ilo inoti obo laa Enkai, otii olgoo le Papa, oibalunye ninye.

BIBLIA SINYATI TE NKUTUK OO LMAASAI NATISIRAKI ENG'EJUK

¹⁸ Meetae oltung'ani ai kata otoduaa Enkai; kake ilo inoti obo laa Enkai, otii olgoo le Papa, oibalunye ninye.

Biblia Sinyati

¹⁸ Meetae oltung'ani ai kata otoduaa Enkai; ilo inoti obo laa Enkai otii olgoo le Papa, oibalunye ninye.

BIBLIA SINYATI

¹⁸ Meetae oltung'ani ai kata otoduaa Enkai; ilo inoti obo laa Enkai otii olgoo le Papa, oibalunye ninye.

Yohana 1:18 Eitobir Enkop

Ilkolosai 1:15

Naa ninye emua Engai nemeduai, olkikau loo nkitobirat pookin.

Yohana 6:46

Me tiaraki natadua o obo Papa, neme oloing'ua Engai, ninye otadua Papa.

Matayo 11:27

Aaitarasaka Papa lai ntokitin pookin, nemetii oloyolo Oinoti neme Menye, nemetii oloyolo Menye neme Oinoti o oloyeu neitayolo Oinoti ninye.

Luka 10:22

Neibelekenyakino ninye laiteng'enuok tʼenkilepata nejo: Aaitarasaka Papa lai ntokitin pookin, nemetii o obo oloyolo Oinoti neme Menye, nemetii oloyolo Menye neme Oinoti o ele loyeu neitayolo Oinoti ninye.

1 Yohana 4:12

Eitu edol aikata oltung'ani o obo Engai. Teni kinyorra yook, nebik Engai tiatua yook, neitabaiyoki enyorrata enye tiatua yook.

1 Timoteo 6:16

naa ninye ake lemee, omany tiatua eong'an enemeidim atijing'a oltung'ani, neitu edol oltung'ani ninye nemeidim atadua; enenye enkitook o enkarsishu oo nkatan pookin. Amen.

1 Yohana 4:9

Etalie enyorrata Engai tiatua ena too yook, ajo eirriwaka Engai Oinoti lenye obo atua olmaa, pekipuo aaishiutu yook te ninye.

1 Yohana 5:20

Kake kiyolo, aajo eewuo Oinoti lʼEngai neisho yook eng'eno, pekiyolou olosipa, nikitii yook atua olosipa, atua Oinoti lenye Yesus Kristos. Ninye Engai nasipa o empuan nemeiting'.

1 Yohana 4:20

Teni ejo oltung'ani; „Anyor Engai“, neiba olalashe lenye, nera olalejani. Amu olemenyor olalashe lenye lodol — kaji eiko ten eidim ninye atonyorra Engai nemedol?

Yohana 17:26

Naitayolo ninje engarna ino naitoki aitayolo, peiye etii enyorrata nikitonyorrie nanu atua ninje, natii si nanu atua ninje.

Yohana 17:6

Aitayolo engarna ino iltung'anak likinjoo tiatua olmaa. Era ninje ilkulonono nikinjoo iye ninje, neibung'a ninje rorei linono.

Yohana 14:9

Nejoki Yesus ninye: Atii enkata naba nji e nebo o ndai, Filipos, nimikiyololo nanu? Olaatadua nanu, netadua Papa. Kaji inko teni ijo iye: Ntadua yook Papa?

Yohana 1:14

Neaku Ororei enkiring'o nemanya atua yook, nikidol enkitook enye, enkitook anaa nʼOinoti obo oing'ua Menye, obore eng'adunoto o esipata.

Yohana 12:41

Etejo kuna Yesaya, tiaraki natadua enkitook enye nelimu mbaak enyena.

1 Timoteo 1:17

Njetum olkarsis loo nkatan pookin o Engai nabo ng'en, nemerruoio, nemelio, enganyit o enkitook nkatan pookin o nkatan pookin.

Yohana 13:23

Neaku etonita obo too laiteng'enuok lenyena tʼengalo olgoo le Yesus, nenyor Yesus ninye.

Yohana 3:11

Japa, japa, aaliki iye: Enikiyolo, nikilimu, o enikitadua, nikinjakenu; niming'amumu ndai enjakenishu ang'.

2 Ilkorintio 4:4

neitamodono engai ele maa eng'eno oo lemeiruk, pemeilang'aki ninje enkilang'et oo lomon lʼeng'ida o lʼenkitook e Kristos, lora emua Engai.