Yohana 1:14 - Osotua Ng'ejuk

¹⁴ Neaku Ororei enkiring'o nemanya atua yook, nikidol enkitook enye, enkitook anaa nʼOinoti obo oing'ua Menye, obore eng'adunoto o esipata.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

¹⁴ Neaku Ororei osesen neton tiatua iyiook, nikitoduaa enkitoo enye, naa enkitoo o Inoti Obo le Papa, obore empiris o esipata.

BIBLIA SINYATI TE NKUTUK OO LMAASAI NATISIRAKI ENG'EJUK

¹⁴ Neaku Ororei osesen neton tiatua iyiook, nikitoduaa enkitoo enye, naa enkitoo o Inoti Obo le Papa, obore empiris o esipata.

Biblia Sinyati

¹⁴ Neaku Ororei osesen neton ti atua iyiook, nikitoduaa enkitoo enye, naa enkitoo o Inoti Obo le Papa, obore empiris o esipata.

BIBLIA SINYATI

¹⁴ Neaku Ororei osesen neton ti atua iyiook, nikitoduaa enkitoo enye, naa enkitoo o Inoti Obo le Papa, obore empiris o esipata.

Yohana 1:14 Eitobir Enkop

1 Yohana 4:9

Etalie enyorrata Engai tiatua ena too yook, ajo eirriwaka Engai Oinoti lenye obo atua olmaa, pekipuo aaishiutu yook te ninye.

1 Timoteo 3:16

Naa kitok naleng' peinosuni ena mikio engaishu: Ninye oloibalunyeki tiatua osesen, neitaaki supat tʼolmumua, nelioi too lmalaikan, neinosuni tiatua loreren lemeata Engai, neiruki tʼolmaa, neng'amari te shumata.

Yohana 1:1

Etii tʼenkiterata Ororei netii Ororei enetii Engai, nera Engai ele Rorei.

Ilgalatia 4:4

Ore peidip atabau embaiaroto enkata, neirriu Engai Oinoti lenye, neiu eng'oroyoni ninye nepiki abori oo nkitanapat,

Ilhebrania 1:3

olora enkibor enkitook o erisioroto entiunoto enye, loirishiu ntokitin pookin tʼororei lʼenkidimata enye, eidipa aitaa enkisujata oo nkitarruot ang' neton te tatene enkitook natii shumata,

Yohana 6:51

Ara nanu olmkate oishiu otadouo eing'ua shumata; ore oltung'ani lonya ele mkate, nelaishiu nkatan pookin; naa ore olmkate laishoru nanu, nera enkiring'o ai nalaishoru tʼolbae lʼempuan olmaa.

Ilkolosai 1:19

Amu etishipakine, pemany emborei pookin atua ninye;

1 Ilkorintio 15:47

Ore oltung'ani lʼenkiterata eing'ua enkop naa ol enterit; ore oltung'ani liare, neing'ua shumata.

Iroma 8:3

Amu enameidim nkitanapat, tiaraki naa menat tʼolbae lʼenkiring'o, neirriu Engai Oinoti lenye openy tiatua emua enkiring'o enkitarruoto o tʼolbae lʼenkitarruoto, nedek enkitarruoto tiatua enkiring'o,

1 Yohana 4:14

Nikitadua yook nikinjakenu, ajo eirriua Menye Oinoti lenye, peaku Olaitopuani lʼolmaa.

Ilkolosai 2:9

Amu emanya tiatua ninye emborei pookin engaishu anaa osesen.

2 Yohana 1:7

Amu kumok lalejak ooetuo atua olmaa, lemeibalu Yesus Kristos, aajo eewuo tʼenkiringʼo. Ninye olalejani, naa olmang'atinda le Kristos.

Embolunoto 21:3

Naning' oltoilo kitok oing'ua olorika lʼenkitoria ejo: Ng'orai, emanyata Engai te nebo o iltung'anak, nelamany te nebo o ninje, nepuo aaku ninje loreren lenyena, netii ninye openy, Engai, e nebo o ninje.

Ilhebrania 5:5

Neijia si Kristos, eitu epik kion atua enkitook, peaku olaidasani kitok, kake ilo otiaka ninye; Ira iye Oinoti lai; taata aatoiwuo iye.

Ilhebrania 10:5

Onaa etejo, pelotu atua olmaa: Eitu iyeu nkidasareitin o nkishoorot, kake kintobiraka osesen lai.

Yohana 11:40

Nejoki Yesus ninye: Eitu aajoki iye, ajo teni ilairuk, niladol enkitook Engai?

Yohana 3:16

Amu nji etonyorra Engai olmaa neishooio Oinoti lenye obo, peiye meimin pokin looiruk ninye, kake peata empuan nemeiting'.

Yohana 2:11

Era ninye olponoto lʼelukunya oitobira Yesus te Kana e Galilaya neitalioio enkitook enye; neiruk laiteng'enuok lenyena ninye.

Yohana 14:6

Nejoki Yesus ninye: Ara nanu engoitoi o esipata o empuan; melotu o obo enetii Papa neme te nanu.

Ilhebrania 1:5

Amu kalo too lmalaikan etiaka ninye aikata: Ira iye Oinoti lai, nanu laatoiwuo iye taata? Neitoki: Alaaku nanu Menye lenye te ninye, nelaaku ninye Oinoti te nanu?

Yohana 14:9

Nejoki Yesus ninye: Atii enkata naba nji e nebo o ndai, Filipos, nimikiyololo nanu? Olaatadua nanu, netadua Papa. Kaji inko teni ijo iye: Ntadua yook Papa?

Luka 9:32

Ore Petros o lʼemboitei enye neiroshiki njok ninje. Ore peinyototo ninje, nedol enkitook enye o kulo tung'anak aare ooitashe o ninye.

Yohana 17:22

Ore enkitook nikinjoo nanu aidipa aishoo ninje, peaku nabo anaa pikira yook nabo;

Yohana 3:18

Oloiruk ninye, nemeigwenakini; olemeiruk ninye, eidipaki aigwenaki, amu eitu eiruk ninye Oinoti obo lʼEngai.

Luka 2:11

amu etoikioki ndai taata Olaitopuani, oji Kristos, Olaitoriani, tʼengang' e David.

Ilhebrania 2:11

Amu ore ele osinyaa o kulo oosinyari, neing'ua pookin atua obo; onaa mekurru ninye, teni eipot ninje lalashera,

2 Ilkorintio 12:9

Naajoki ninye nanu: Kibaiki eng'adunoto ai, amu ebaia engolon ai tiatua emenatishu. Onaa, eikash naleng', teni aitadarrarie kion emenatishu ai, pemany engolon e Kristos atua nanu.

Matayo 1:16

neiu Yakoob Yosef, olmoruo le Maria natoiwuo Yesus, oji Kristos.

Ilkolosai 2:3

ore tiatua ninye eisudori masaa sidan pookin eng'eno o eyolounoto.

Ile Efeso 3:8

Ara nanu oti naleng' tiatua sinyat pookin, kake aaishooki ena ng'adunoto, painosu tiatua loreren lemeata Engai endupoto nemetemai e Kristos,

Iroma 9:5

neata si loopapa, nepukunye Kristos ninje tʼemua enkiring'o, nera ninye Engai too pookin, neitadarari nkatan pookin.

Luka 2:7

neiu ninye olkikau lenye neirin ninye too rasheta oo nkera neirragie ninye tiatua embout, tiaraki neitu etum ninje engai wueji tiatua engaji oo lomon.

Iasat 13:33

aajo eidipa aitisipai Engai ninye too yook, nkera enye, etopiwuo Yesus, anaa petisiraki tiatua Osingolio le are: Ira iye Oinoti lai, aatoiwuo iye taata.

Yohana 8:32

nipuopuo aayolou esipata nelalaku ndai esipata.

Yohana 17:24

Papa, ayeu netii ene wueji natii nanu kulo likinjoo e nebo o nanu, pedol ninje enkitook ai nikinjoo, amu kitonyorra eton eitu euni olmaa.

Yohana 18:37

Akae, nejoki Pilatos ninye: Ira naa iye olkarsis? Nealu Yesus: Itejo iye, ajo ara olkarsis. Aatoiwuoki nanu tʼolbae le ina, naa tʼolbae le ina aewuo atua olmaa, paijakenoki esipata; ore pookin loora lʼesipata, nening' oltoilo lai.

Embolunoto 19:13

Neishopito ninye olkila osuakino osarge, neji engama enye Ororei lʼEngai.