Matayo 5:18 - Osotua Ng'ejuk

¹⁸ Amu japa aliki ndai: Metabana nemuta shumata o enkop, memuta oltipoto arashu oltili obo loo nkitanapat oo metaa pookin.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

¹⁸ Amu esipa ajoki intae, ore ometaba anaa nelusoo shumata o enkop, melusoo osirata obo anaa oltipoto obo loo Nkitanapat eitu eitabari.

BIBLIA SINYATI TE NKUTUK OO LMAASAI NATISIRAKI ENG'EJUK

¹⁸ Amu esipa ajoki intae, ore ometaba anaa nelusoo shumata o enkop, melusoo osirata obo anaa oltipoto obo loo Nkitanapat eitu eitabari.

Biblia Sinyati

¹⁸ Amu esipa ajoki intae, ore o metaba anaa nelusoo shumata o enkop, melusoo osirata obo anaa oltipoto obo loo Nkitanapat eitu eitabari.

BIBLIA SINYATI

¹⁸ Amu esipa ajoki intae, ore o metaba anaa nelusoo shumata o enkop, melusoo osirata obo anaa oltipoto obo loo Nkitanapat eitu eitabari.

Matayo 5:18 Eitobir Enkop

Luka 16:17

Elelek emuta shumata o enkop nelang' edoiyo oltili obo loo nkitanapat.

1 Petero 1:25

kake ebik ororei lʼOlaitoriani nkatan pookin. Nera ninye ele rorei loinosuaki too ndai.

Marko 13:30

Japa, aliki ndai, memuta ena kishon tukul, metabana neaku kuna pookin.

Embolunoto 20:11

Nadol olorika lʼenkitoria kitok oibor, ore ilo otonie olorika, nedanya enkop o shumata engomom enye, nelai ewueji enye.

Yohana 5:19

Akae, nealiki Yesus nejoki ninje: Japa, japa, aliki ndai: Meidim aitobira Oinoti te kion toki, teni medol enaitobir Menye; amu enaitobir ninye, neitobir si ninye Oinoti neijia.

Matayo 17:20

Nejoki Yesus ninje: Tiaraki nimirukuruku ndai; amu japa, aliki ndai: Teni iatata enkirukoto anaa embeu e karadali, nijokiki ele donyo: Tadotunye tene abaiki idya alo! nedotunye si ninye; nemetii entoki nemeaku too ndai.

Matayo 16:28

Japa, aliki ndai: Etii iltung'anak atua kulo ooitashe tene, lemeinyorrinyor ninje enkea tukul, metabana nedol Enkerai oltung'ani elotu tiatua enkarsishu enye.

Matayo 13:17

Amu, japa, aliki ndai: Etayeutuo layolounok kumok o loora supati nedol nidolitata ndai, neitu edol, neyeu nening' nining'itoto, neitu ening'.

Matayo 10:23

Teni einyal ninje ndai tiatua engang' nabo, enkwetikiti engai. Japa, aliki ndai: Mipuopuo aaidip ngang'itie pookin e Israel, metabana nelotu Enkerai oltung'ani.

Matayo 6:2

Akae, teni injooio enkishooroto ino, miosh esekegwa tʼengomom ino anaa peiko laitusupatuok tiatua ngajijik Engai o too ngoitoi, peiye eitadaraa iltung'anak ninje. Japa, aliki ndai: Eidipa aainoto ninje olkwaje lenye.

Matayo 5:26

Japa, aaliki iye: Mipuku tiatua tukul, metabana nindip atalaa empesai enkiting'oto.

Yohana 21:18

Japa, japa, aaliki iye: Ore epon ira oti, nien kion nilimaniki eniyeu. Kake teni ilaaku moruo, nintorioo ngaik inono, nikilaen olekai nikilarik enimiyeu nilo.

Yohana 16:23

Ore te ina olong' nimikipuopuo naikilikwan toki. Japa, japa, aliki ndai: Ore eniomonunu Papa lʼengarna ai, nelaisho ninye ndai.

Yohana 16:20

Japa, japa, aliki ndai: Ipuopuo aaishir ndai nioshiosho enkiliyo, nelang'ida olmaa; nepuoi aailishie ndai, kake elo aala enkilishoto inyi aaku eng'ida.

Yohana 14:12

Japa, japa, aliki ndai: Olaairuk nanu, nelaitobir si ninye nkyasin naitobir nanu, nelaitobir baiki nkituak naalang' kuna; amu alo enetii Papa;

Yohana 13:38

Nealu Yesus: Kye, injooio empuan ino tʼolbae lai? Japa, japa, aaliki iye: Meorito olkikusieki eitu kimiki kat uni.

Yohana 13:16

Japa, japa, aliki ndai: Me kitok olaisyayani nelang' Olaitoriani lenye nemera olairriwani kitok nelang' oloirriwaiye ninye.

Yohana 12:24

Japa, japa, aliki ndai: Teni medoiki embeu engano atua enkop nee, nebik ninye openy ake; kake teni ee, neiu ilmomo kumok.

Yohana 10:7

Akae, neitoki ajo Yesus: Japa, japa, aliki ndai: Ara nanu kishomi oo ntare.

Yohana 10:1

Japa, japa, aliki ndai: Olemejing' emuatata oo ntare aim kishomi, kake nelang' tʼengai wueji, nera ninye olapurroni o olainyamoni.

Yohana 8:58

Nejoki Yesus ninje: Japa, japa, aliki ndai: Epon eitu eiuni Abraham, atii nanu.

Yohana 8:51

Japa, japa, aliki ndai: Teni eibung' oltung'ani rorei lainei, nemeladol ninye enkea tukul nkatan pookin.

Yohana 8:34

Nealiki Yesus ninje: Japa, japa, aliki ndai: Ore oltung'ani pookin loitobir enkitarruoto, nera osinga lʼenkitarruoto.

Yohana 6:53

Nejoki Yesus ninje: Japa, japa, aliki ndai: Teni mipuopuo aanya enkiring'o Enkerai oltung'ani niokioko osarge lenye, nimiatata empuan tiatua aten.

Yohana 6:47

Japa, japa, aliki ndai: Olaairuk nanu, neata empuan nemeiting'.

Yohana 6:32

Akae, nejoki Yesus ninje: Japa, japa, aliki ndai: Me Mose loishoo ndai olmkate oing'ua shumata, kake Papa lai oishoo ndai olmkate osipa oing'ua shumata;

Yohana 6:26

Nealiki Yesus ninje nejo: Japa, japa, aliki ndai: Miking'oruru, tiaraki nitadua ilponot, kake tiaraki ninosa ilmkaten niraposhosho.

Yohana 3:11

Japa, japa, aaliki iye: Enikiyolo, nikilimu, o enikitadua, nikinjakenu; niming'amumu ndai enjakenishu ang'.

Yohana 3:5

Nealu Yesus: Japa, japa, aaliki iye, teni meiuni oltung'ani tʼengare o tʼOlmumua, meidim atijing'a atua enkarsishu Engai,

Yohana 3:3

Nealu Yesus nejoki ninye: Japa, japa, aaliki iye, teni meiuni oltung'ani kat are, meidim atadua enkarsishu Engai.

Yohana 1:51

Nejoki ninye: Japa, japa, aliki ndai: Ore eiter taata ipuopuo aadol shumata ebolo, neilep nedou ilmalaikan lʼEngai te shumata Enkerai oltung'ani.

Luka 23:43

Nejoki Yesus ninye: Japa, aaliki iye: Ilatii taata e nebo o nanu atua emparadis!

Luka 18:29

Nejoki ninye ninje: Japa, aliki ndai: Metii oltung'ani otung'aiye engaji arashu eng'oroyoni arashu lalashera arashu lootoiutuo ninye arashu nkera tʼolbae lʼenkarsishu Engai,

Luka 18:17

Japa, aliki ndai: Olemeng'amu enkarsishu Engai anaa enkerai, nemejing' ninye atua tukul.

Luka 13:35

Eng'orai, etung'aikiaki ndai engaji inyi erok. Amu aliki ndai: Mikintokiki aadol nanu, metabana nelotu enkata nijojo: Njeitadarari ololotu tʼengarna Olaitoriani!

Luka 12:37

Teshi lelo aisyayak looinepu Olaitoriani lenye, teni elotu, eishololo. Japa, aliki ndai: Erretena neitoton ninje tʼenedaare, nelotu aisyayaki ninje.

Luka 11:51

eiter tʼosarge le Abel metabaiki osarge le Sakarias otaraki tʼempolos olperere lʼenkidasare o engaji Engai. Ee, aliki ndai: Epuoi aaing'oru tʼena kishon.

Marko 14:30

Nejoki Yesus ninye: Japa, aaliki iye: Ore taata tʼena kiarie, eton eitu eorito olkikusieki aigil are, nikimiki aigil uni.

Marko 14:25

Japa, aliki ndai: Maitoki aok tukul tiatua eishoi enjani olmarua, metabaiki ina olong' nalaok eng'ejuk tiatua enkarsishu Engai.

Marko 14:18

Ore petoni ninje, einosita endaa, nejo Yesus: Japa, aliki ndai: Aalaitarasaa obo linyi olonya endaa te nebo o nanu.

Marko 14:9

Japa, aliki ndai: Ore ewueji pookin neinosarieki lomon lʼeng'ida tʼenkop, neinosuni baiki enaitobira ninye nedamuni ninye.

Marko 12:43

Neipot ninye laiteng'enuok lenyena nejoki ninje: Japa, aliki ndai: Ore ena oliai nara aisinani etipika nelang' kulekai pookin lootipika mpesai atua eneitadoikini;

Marko 11:23

Japa, aliki ndai: Ore oltung'ani pookin ojoki ele donyo: Tadotunye, pinang'akino atua olbalbal! nemeing'arrirro tʼoltau lenye, kake eiruk, ajo eaku enajo — neaku te ninye anaa petejo.

Marko 10:29

Nejo Yesus: Japa, aliki ndai: Metii oltung'ani otung'aiye engaji arashu lalashera arashu nganashera arashu ng'otonye arashu menye arashu nkera arashu nkuruman tʼolbae lai o tʼolbae loo lomon lʼeng'ida,

Marko 10:15

Japa, aliki ndai: Olemeng'amu enkarsishu Engai anaa enkerai, nemejing' ninye atua tukul.

Marko 9:41

Amu oloitook ndai tʼeoket engare tʼengarna ai, tiaraki nirara le Kristos, japa, aliki ndai: Meiminaki ninye tukul olkwaje lenye.

Marko 9:1

Nejoki ninye ninje: Japa, aliki ndai: Etii iltung'anak atua kulo ooitashe tene lemeinyorrinyor enkea, metabana nedol enkarsishu Engai eewuo tʼengolon.

Marko 8:12

Neang' ninye tʼolmumua lenye nejo: Ainyo peing'oru ena kishon olponoto? Japa, aliki ndai: Meishori ena kishon olponoto.

Marko 6:11

Ore lemeng'amu ndai, entupukutu te ina alo, nimpiripirooro enterit tiabori oo nkejek inyi, peaku enjakenishu too ninje. Japa, aliki ndai: Eiteleleki Sodom o Gomora tʼengolong' enkigwena nelang' ina ang'.

Marko 3:28

Japa, aliki ndai: Eitaikini nkera oo ltung'anak nkitarruot pookin, baiki morot Engai naamorie ninje Engai;

Matayo 25:45

Nealiki si ninye ninje nejo: Japa, aliki ndai: Ore eneitu iasakiki obo tiatua kulo loora kutiti, neitu kiasakiki si nanu.

Matayo 25:40

Nealiki olkarsis nejoki ninje: Japa, aliki ndai: Ore enitaasakitia obo tiatua kulo alashera lainei kutiti, kitaasakitia nanu.

Matayo 25:12

Kake nealiki ninye nejo: Japa, aliki ndai: Mayolo nanu ndai.

Matayo 24:47

Japa, aliki ndai, Elapik ninye shumata oo masaa enyena pookin.

Matayo 24:2

Nealu Yesus nejoki ninje: Midolidolo kuna pookin? Japa, aliki ndai: Meleku tene osoit te shumata olekai soit lemerratanyuni.

Matayo 23:36

Japa, aliki ndai, ajo ebaiki kuna pookin ena kishon.

Matayo 21:31

Kalo obo too kulo pokira are oitobira enanyor menye lenye? Nejoki ninje: ilo botor. Nejoki Yesus ninje: Japa, aliki ndai: Eiturukie ndai laoshok le kodi o iltung'anak lʼentalare aajing' enkarsishu e shumata nelang' ndai.

Matayo 21:21

Nealiki Yesus nejoki ninje: Japa, aliki ndai: Teni iatata enkirukoto niming'arrirrorro, nintobiribiri neme ina nʼolng'aboli ake, kake teni ijokiki baiki ele donyo: Tadotunye, tanang'akinoi atua olbalbal! neaku.

Matayo 19:28

Nejoki Yesus ninje: Japa, aliki ndai: Ore ndai likitusuja, tʼeiunoto e are nipuopuo aatonie lorikaishi tomon o are, ingwenakiki njomito tomon o are e Israel, teni elatonie Enkerai oltung'ani olorika lʼenkitook enye.

Matayo 19:23

Nejoki Yesus laiteng'enuok lenyena: Japa, aliki ndai: Egol, pejing' oladupani atua enkarsishu e shumata.

Matayo 18:18

Japa, aliki ndai: Ore pookin nieniene tʼenkop, neeni te shumata; o pookin nilakilaka tʼenkop, nelaki te shumata.

Matayo 18:3

nejo: Japa, aliki ndai, teni mimbelekenyanya aaku anaa nkera, mijing'ijing'i tukul atua enkarsishu e shumata.

Matayo 11:11

Japa, aliki ndai: Metii tukul atua kulo ootoiwuoki too ng'oroyok olkitok lolang' Yohanes Olaibatisani; kake olora kiti tukul tiatua enkarsishu e shumata, naa kitok nelang' ninye.

Matayo 10:42

Oloitook obo too kulo kunyinyi tʼeoket engare nairobi ake tʼengarna olaiteng'enuoni, japa, aliki ndai, melau ninye tukul olkwaje lenye.

Matayo 10:15

Japa, aliki ndai; Eikashieki Sodom o Gomora tʼengolong' enkigwena e akenya nelang' ina ang'.

Matayo 8:10

Ore pening' Yesus ena, neiputukuny nejoki kulo lootusuja ninye: Japa, aliki ndai, eitu aikata adol tiatua Israel enkirukoto kitok anaa ena.

Matayo 6:16

Teni ipukooko, eminyanyukiei laitusupatuok ooata nkirribon naasoto, amu eitaal nkirribon enye, pelioi too ltung'anak, aajo etupukoitie. Japa, aliki ndai: Eidipa aainoto ninje olkwaje lenye.

Luka 4:24

Nejo ninye ake: Japa, aliki ndai: Metii olayolounoni oanyiti tiatua olosho lenye.