Matayo 4:23 - Osotua Ng'ejuk

²³ Nemanaa Yesus te Galilaya pookin, eiteng'enisho too ngajijik Engai enye neinosu lomon lʼeng'ida lʼenkarsishu neishiunye moiyaitin pookin o menatishuitin pookin tiatua olorere.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

²³ Nemanaa Yesu te Galilaya pooki eiteng'enisho too nkajijik enye e ntumo, nelikioo ilomon Supati le ina kitoria, neishiunye pooki keeya o emuoyian tiatua olorere.

BIBLIA SINYATI TE NKUTUK OO LMAASAI NATISIRAKI ENG'EJUK

²³ Nemanaa Yesu te Galilaya pooki eiteng'enisho too nkajijik enye e ntumo, nelikioo ilomon Supati le ina kitoria, neishiunye pooki keeya o emuoyian tiatua olorere.

Biblia Sinyati

²³ Nemanaa Yesu te Galilaya pooki eiteng'enisho too nkajijik enye e ntumo, nelikioo ilomon Supati le ina kitoria, neishiunye pooki keeya o emueyian ti atua olorere.

BIBLIA SINYATI

²³ Nemanaa Yesu te Galilaya pooki eiteng'enisho too nkajijik enye e ntumo, nelikioo ilomon Supati le ina kitoria, neishiunye pooki keeya o emueyian ti atua olorere.

Matayo 4:23 Eitobir Enkop

Matayo 9:35

Nemanaa Yesus tiatua ngang'itie kituak o kutiti neiteng'enisho tiatua ngajijik Engai enye neinosu lomon lʼeng'ida lʼenkarsishu neishiunye nkeaitin pookin o menatishuitin pookin tʼempolos olorere.

Marko 1:39

Nelo einosaa lomon lʼEngai tiatua ngajijik Engai enye te Galilaya pookin nemir ilmeneng'a.

Iasat 10:38

ajo eela Engai Yesus le Nasaret tʼOlmumua Sinyati o tʼengolon, oima idyalo o idyalo eitobir sidan, eishiunye pookin looitamio satan, amu etaboitare Engai ninye.

Luka 7:22

Nealiki nejoki Yesus ninje: Embung'a engoitoi, enosakiti Yohanes enidolitata o enining'itoto: Edolisho ilmodook, nelimana lemeidim aashom, neisuji looata enkea oo lbolot, nening'isho ilming'an, nepiu lootuata, neinosakini laisinak lomon lʼeng'ida;

Matayo 11:5

edolisho ilmodook, nelimana lemeidim aashom, neisuja looata enkea oo lbolot, nening'isho ilming'an, neitopiuni lootuata, neinosakini laisinak lomon lʼeng'ida;

Matayo 13:54

nelotu engang' e menye neiteng'en ninje tiatua engaji Engai enye, neing'asia ninje baiki nejo: Kaji einotie ele ena ng'eno o kuna kitobirat engolon?

Marko 1:21

Neibung' ninje engoitoi nepuo Kapernaum; nejing' ninye nabokata tʼengolong' naeng'ieng'areki atua engaji Engai neiteng'enisho.

Iroma 10:15

Naa kaji eiko teni epuo aainosu, teni eitu eirriwari ninje? Anaa petisiraki: Oi, sidan nkejek oo looinosu eseriani o looinosu sidan.

Luka 8:1

Neaku engai olong' neim ninye ngang'itie kituak o nkutiti, eiroru neinosu lomon lʼeng'ida lʼenkarsishu Engai, ninye o lelo tomon o are,

Marko 6:2

Ore peaku engolong' naeng'ieng'areki, neiter aiteng'enisho tiatua engaji Engai. Ore ilkumok looning' ena, neing'asia nejo: Kaji einotie ele kuna? Kaa ng'eno ena naishooki ele? O kuna kitobirat engolon naaku too ngaik enyena?

Matayo 24:14

Neinosuni kulo omon lʼeng'ida o lʼenkarsishu tiatua olmaa pookin, peaku enjakenishu too loreren pookin, tekurum nelotu enkiting'oto.

Matayo 12:9

Nepuku te ina alo nejing' atua engaji Engai enye.

Yohana 18:20

Nealiki Yesus ninye: Atabaraka nanu airorie olmaa; aiteng'enishe oshi tiatua engaji naiteng'enareki o tiatua engaji sinyati, eneiturrurrokino Yudayoi pookin, neitu alimu toki tʼemikio.

Luka 13:10

Neaku eiteng'enisho ninye tʼengaji Engai nabo tʼengolong' naeng'ieng'areki.

Luka 9:11

Ore peyolou siamin, nesuj ninye; neng'amu ninye ninje neliki ninje mbaak enkarsishu Engai, neishiunye kulo looaku, peishiunyeki.

Luka 5:17

Neaku tʼengolong' nabo, eiteng'enisho ninye; etotonitio Ilfarisayoi o layolok lʼesirata ooetuo eing'ua ngang'itie pookin e Galilaya o Yudaya o Yerusalem; ne-tii engolon Olaitoriani e nebo o ninye, neishiunye ninye oltung'ani pookin.

Marko 6:6

Neiputukuny ninye, tiaraki neitu eiruk ninje. Nemanaa tiatua ngang'itie too mbat pookin, eiteng'enisho.

Marko 3:10

Amu eishiunye ninye ilkumok, neurokino ninje pookin ninye, petum aataporoi ninye kulo looata moiyaitin.

Marko 1:14

Ore peidip aaitarasai Yohanes, nelotu Yesus Galilaya, neinosu lomon lʼeng'ida lʼenkarsishu Engai ejo:

Iasat 20:25

Akae, eng'orai, ayolo, ajo mikintokiki aadol engomom ai, ndai pookin laimaiye ainosu enkarsishu Engai.

Iasat 18:4

Neirorie ninye too ngolong'i naaeng'ieng'areki pookin tʼengaji Engai negilunore Yudayoi o Ilgrikini.

Yohana 6:59

Etejo kuna tiatua engaji Engai, eiteng'enisho te Kapernaum.

Luka 10:9

enjiunye loomoiyaa ootii atua ninje, entiakiti ninje: Etinyikaka ndai enkarsishu Engai.

Luka 6:17

Ore pedou te nebo o ninje, neitashe tʼewuas o esiamu kitok oo laiteng'enuok lenyena o olorere kumok oing'ua Yudaya pookin o Yerusalem o Tiros o Sidon tʼembata olbalbal,

Matayo 14:14

Nepuku si ninye Yesus nedol isiamin kumok; neibung'aki ninje engoshoke nanana neishiunye iltamoiya lenye.

Matayo 13:19

Ore oltung'ani pookin loning' ororei lʼenkarsishu nemeyolou, nelotu oltorrono neoru enaisuakaki atua oltau lenye; ninye enaisuakaki engoitoi.

Matayo 3:2

nejo: Entaalata! amu etinyikua enkarsishu e shumata.

Yohana 7:1

Ore tekurum oo kuna nelimana Yesus te Galilaya; amu eitu eyeu nelimana te Yudaya, tiaraki naing'oru Yudayoi ninye, pear metua.

Luka 20:1

Neaku nabo olong', eiteng'enita ninye olorere tiatua engaji sinyati, einosu lomon lʼeng'ida, neitashe laidasak kituak o layolok lʼesirata te nebo o laigwenak

Luka 4:14

Neitoki alotu Yesus tʼengolon Olmumua Galilaya neibulaa mbaak enyena atua loshon pookin oomanita.

Luka 6:6

Neaku tʼengai olong' naeng'ieng'areki ejing' ninye atua engaji Engai neiteng'enisho; netii ina alo oltung'ani otoiyo engaina enye e tatene.

Luka 7:21

Neishiunye ninye te ina kata ilkumok too nkeaitin o too sinaitin o too lmumuan duruk neisho edolisho ilmodook kumok.

Luka 9:60

Nejoki Yesus ninye: Njoo enuk lootuata lootuata lenye, kake nno iye, pinosaa enkarsishu Engai!

Luka 16:16

Etii nkitanapat o layolounok metabaiki Yohanes; neinosuni, eiter te ina kata, enkarsishu Engai, nejing' oltung'ani pookin atua ninye tʼengolon.

Iasat 28:31

neinosu enkarsishu Engai neiteng'enu tʼeng'ida pookin mbaak e Yesus Kristos nememitikini.